Ester 8:7 - DAWAN BÎLA AISKA

⁷ Bara Asuero bui kwin mairin bara Mardoqueo wal ra win: —Kaiks, yang Ester ra Amán watla kata ba yabri sa, baha purkara sin, Amán ba pat langki ikaia dusa ra langki ikan, Ju nani mapara ai mihta bukan ba tâwan.

Ester 8:7 ပူးပေါင်းရင်းမြစ်များ

Esdras 4:6

Bara Asuero king aimakan yua ba wina, waihla nani ba Jerusalem bara Juda uplika nani mapara dahra kwahki kan.

Ester 7:10

Bara Amán ba baku langki ikan, Mardoqueo ra langki ikaia wisi paskan kan ba dusa ra. Bâra lika king kupia sauhkanka ba lamni takan.

Ester 7:9

Bara king tara warkka uplika kum nina Harboná, baha mita naku win: —Kaiks, Amán watla latka ra pat ridi bâra paskan sa, langki ikaia dusa kum, ai yarika ba 75 pît; naha wal sika Mardoqueo langki ikaia wisi paskan ba. Bara king mita win: —Ban kaka, baha dusa ra pami langki iks.

Ester 8:1

Sim yua ra king Asuero, Amán watla kata ba kwin mairin Ester ra yaban, witin sika Ju nani waihla kata ba. Bara ningkara, Mardoqueo ba king lamara balan, kan Ester mita pat king ra win kan Mardoqueo ba ai lakra sa.

Sins Lâka 13:22

Upla yamni ba ai dukia kukanka ai mula nani dukia swisa, sakuna saura dadaukra ai yuyaka manis bri ba, upla kasakkira nani dukia suni swisa.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”