Ester 8:5 - DAWAN BÎLA AISKA

⁵ naku win: —King tara ba aitani kulkisa kaka, bara sin king tara mawanra yamni ai kaikisa kaka, naha ba sin kasak sa king mapa ra, ba purkara sin yang na namkra ra aitani sna kaka, adar kumi ulbi sâks baha wauhkataya Amán mita adar yaban ulbi sakan ba ai lukanka saura wal, Ju nani aiska iki tikaia wisi daukan ba, bahki ra kulkan kabia.

Ester 8:5 ပူးပေါင်းရင်းမြစ်များ

Ester 2:17

Bara Asuero ba, mairin nani aiska tilara ai rayaka aiska ra, Ester ra kau pain kaikan; baha mita Ester ba pain pali kulkan, witin ai mawanra mairin tiara nani wala kan ba wal. Baku king kraunka ba lal ra mangkan, bara kwin mairin mangkan, Vasti ba watlika ra.

Ester 2:4

bara ani tiarika king nakra ra aitani pali kaikbia ba sika, kwin mairin Vasti watlika ra aimakbia. Bara naha aisinka ba king mita aitani kulkan, bara baku daukan.

Ester 3:1

Naha diara nani ningkara, king Asuero mita Amán, Hamedata luhpia, Agag kiamka ba, tawan lalka tara mangkan, baku sin wihta wala nani bâra kan ba sut purkara ai iwaika ba yan.

Ester 5:8

King tara, latwan ai kaikisma kaka, bara sin brinki ba wih makabanki ba wal daukaia sma kaka, makabisna man yauhka kli Amán wal pata tara wala ridi daukri ba ra waia. Bâra lika king man dîa daukaia ai wima ba daukamni.

Ester 7:3

Bara Ester pana win: —King tara, man bui yang ra latwan ai kaikisma kaka, bara baku aitani lukisma kaka, diara kumi baman yang brinki sa, man king tara lâka ra yang rayaki na pâtkas kulkma, bara upliki nani rayaka ba sin.

Impakan Sturka 33:13

Bara yang ra yamni ai kaikisma kaka, yang mamkabisna warkkam daukaia tânka brisma ba mairiks. Baku mika, yang bui man ra kasak lukamna, bara daira walamna man bui yang ra kasak lukisma ba. Bamna luki bas naha uplika nani na, man uplikam nani sa.

Impakan Sturka 33:16

Kan man ba yang nani wal waras sma kaka, ¿nahki yang bara uplikam nani sin tânka bribia, man bui yang nani ra yamni lukisma sapa? Baku natka ra baman yawan wan tânka briaia, nisan wala nani tila wina aihka wan sakram ba.

1 Samuil 20:29

Makaban wiria sans yamna, ai taya nani sakripais daukaia ba liliaka bahara ai muihni bui win witin sin bâra wabia, baha sanska yamna kaka, witin ai taya nani sut kaikaia sip kabia win. Baha mita naiwa witin nâra king tara ba wal iwi plun piras sa.