Ester 8:17 - DAWAN BÎLA AISKA

¹⁷ Bara tasba bani ra, tawan nani bani ra king adarka brin ba ra, Ju nani bani lilia tara brih banhwan ai âuyapah kira ni, pata tara dauki kira ai lilia brih banhwan. Bara baha tasbaika uplika nani ailal pali ba sin Ju nani taki kata, kan Ju nani uplika nani ra sibrin tara bri kan ba mita.

Ester 8:17 ပူးပေါင်းရင်းမြစ်များ

Blasi Sturka 35:5

Witin nani mahka yabal ra taki wan, bara Gâd mita yan witin nani ai lamara iwi tawanka uplika nani ba kupia ra sibrin dingkan; baha mita baha nani ba bui Jekob luhpia nani ba nina bliki taki waras kan.

Nihimaya 8:10

Ba purkara Esdras naku win: “Man nani was, plun aihwa pis, wain damni sin dis, bara ani uplika plun ridi daukan âpu sa kaka, man nani plun piaia brisma ba wina yas, kan wan Dawanka ra yaia yua bâk sakan bamna. Man nani sari kapara, liliam bas, Dawan liliaka ba wan karnika bamna.”

Ester 9:17

Yua 14 ba ris bri banhwan, pata tara dauki bara lilia sin bri banhwan.

Ester 9:19

Bahamna, Ju nani tawan sirpi nani ra, kau tawanka kutbras iwi kan nani ba lika, Adar kati yua 14 ra, lilia tara brin, pana pana prisant yaban.

Ester 9:2

Bara Ju nani aiska ba, ai tawanka nani bani ra asla taki banhwan, baku sin Asuero tasbaya bani ra, baha uplika nani witin nani ra saura munaia lukan nani ba mapara aiklabaia aihwaki kan. Bara upla kumi sin sip apia kan witin nani wal aiklabaia, kan pat upla nani kupia ra sibrin tara bâra kan Ju nani ba dukiara.

Ester 9:22

Ju nani ai waihla nani wina kupia kumi lâka brin yua kulkaia, baha katka ba kupia wirha katka kan, bara âuyapah yua daukan kabia; baku sin baha yua ba upla bani ai lamara iwi nani ra diara pana pana bliki kabia, ba purkara sin umpira nani ra diara mana luha yabi kabia.

Ester 9:27

Bara Ju nani ba naha yua ba ai natka baku alki brin, ai kiamka yua nani sut ra. Bara ya uplika Ju takan ba sut, naha yua wâl ba kulkanka tara yabaia sa, bara mani bani naha yua aimaki bani ba yua tara daukbia.

Ester 9:3

Bara tawan wihtka nani, aiklaklabra wihtka nani, ai tawanka watlika ra aimaki nani bara king albika nani sut ba, Ju nani ra tâ baiki kan, Mardoqueo sibrinka ra.

Lawana Nani 105:38

Idsip uplika nani ba lilia takan, witin nani ba mahka taki auya kan ba ra, kan sibrin tara bri banhwi kata.

Lawana Nani 18:43

Upla nani mapara bûi, unsabaia lihki nani ba wina dakbi ai sakram, nisan nani wihtka ai mangkram, upla nani yang kakaira apia kapri ba witin nani ba yang warkki daukisa.

Impakan Sturka 15:16

Dawanki, swis witin nani sirang iwbia, swis witin nani tatatwi kabia, swis witin nani walpa baku sip aiawras kabia, man klamhkla karnika ba mita, uplikam nani ba sut bal lui wabia ba kat, naha uplika nani na man dukiam saki briram bamna.

Kli Smalkanka 11:25

Upla kumi sin mampara bubia apia. Sibrin bara ai sringka mai bribia tasbaya sut ra luma ba ra, Dawan Gâdkam pramis mai munan baku, witin tâm bribia.

Kli Smalkanka 2:25

Naiwa yua wina, yang bui man nani mamwanra Hesbón uplika nani lukanka ra sibrin dingkamna. Bara man nani sturkam aisi kaka walbia ba ra, sibrin tara witin nani ra alkbia bara tatatwi kabia.’

Jasua 2:11

Baha sturka walri ba ra yang nani ra sibrin tara ai dingkan sa, upla kumi sin man nani mampara sip bubia apia. Kan Dawan, man nani Gâdkam ba, kasbrika purara ba baku naha tasba ra sin witin ba Dawan sa.

Jasua 2:9

—Yang daira walisna Dawan mita naha tasbaya na pat man nani mihtam ra mangkan sa, witin mita upla nani na pat man nani sibrinkam dingkan sa. Man nani nâra balram na dukiara upla sut na pat sibrin bla pruisa.

1 Samuil 25:8

Albikam nani ra makabi walaia sip sma, witin nani bui kasakka ba mai wibia. Bahamna yang bui man ra makabisni, nanara man wiria luki kaikma naha wahma nani dukiara, piua yamni ra witin nani man ra balan sa, bara yawan ra diara wankma man mihtam ra brisma ba wina, witin nani ai dukia, yang duki sin, kan yang na man luhpiam kum baku sna.”