Ester 8:15 - DAWAN BÎLA AISKA

¹⁵ Bara Mardoqueo ba king watla ba wina, king kwalka mapla sangni bara pihni wal dimi taki wan; baha purkara sin, kraun gul wal daukan kum bara kwala mapla linin kumi sin pami brih taki wan. Bamna Susa tawanka aiska ba lilia tara pali brin,

Ester 8:15 ပူးပေါင်းရင်းမြစ်များ

Blasi Sturka 41:42

king fero ai mihta wina king mihtadingka king sîlka prakan bri ba daiki saki, witin mita Josep mihta ra dingkan. Bara ai uplika nani ra win, linin kwalka kau painkira ni sipan prâka ba ni Josep ra yaka dimbia, bara ai nana ra sin gul lilurka kum mangkbia win.

Ester 1:6

Bara watla latka ba kwala mapla pihni bara mapla siakni ni skahkan; bara kwalka paman awa nani ba balianta kwalka, kiwa nani ba walpa klauhira nani ra wilkan kan, bara iwaika ba gul bara silbar ni paskan kan; baha purkara sin tasba ba walpa mapla siksa wih pihni wal lalauban kan.

Ester 10:2

Bara diara sut pali ai karnika bri wal daukan ba, bara kulkanka tara pali Mardoqueo yabi diara nani aiska purkara mangkan kan ba sut, Media bara Persia ra diara nani takan ulbi kan wauhkataya nani ra ulbi mangkan sa.

Ester 3:15

Bara wauhkataya twatwilkra nani ba, mahka brih taki wan king adar yaban ba kat. Naha lâ wauhkataya ulban ba Susa kan kahbaika pliska bri ba ra param sakan; bara baku dauki si, king ba Amán wal lika di kan, sakuna Susa tasbaika tara ra lika kupia turbanka ailal pali bâra kata.

Ester 5:1

Lapta yumhpa luan ba ningkara, Ester ba ai kwalka diman bara king watla latka ra diman king ai iwaika rumka ba mawan kat takaski bri kan, dur dimaia tani ba ra kan ba.

Ester 5:11

bara Amán ba ai dukia kukanka tara bri ba, bara ai luhpia ailalka nani ba dukiara, bara baku sin diara nani ailal ba purara king mita tara pali kulkan ba, bara wihta nani purkara sin mangkan ba, naha dukia nani aiska ba dukiara aisi kan.

Ester 6:11

Bara Amán ba dimaika kwalka ba brin, bara Mardoqueo ra dingkan, araska ba brin bara tawan uplika nani kirhbaika pliska ra wapi, witin ra wini mayuni kan: “¡Naku kulkanka yabisa, king mita yaura kulkanka yabaia luki ba ra!”

Ester 6:8

king tara dimaika kwalka, king tara ulaia araska bara king kraunka ai lal ra mangki ba sut blîks bri balbia.

Ester 8:14

Bara wauhkataya ba brih wan aras plaplapra nani ba wal, king adarka ba kat aihni muni brih waia sa bamna. Naha lâka na Susa kan kahbaika pliska ra sin yan walan, king adarka ba.

Sins Lâka 11:10

Kasakkira nani mapara diara pain auya ba ra, tawan ba ai âuyapah kira takisa; bara watawikira nani tanis tiwi ba ra, upla nani lika lilia pali pulisa.

Sins Lâka 28:12

Kasakkira nani pura luanka brisa ba ra lilia tara daukisa, sakuna upla watawikira nani pura luanka bri ba ra, upla nani mahka yukuwi banhwisa.

Sins Lâka 29:2

Kasakkira nani pura aimaki ba ra, upla nani ba lilia takisa, sakuna upla watawikira kum wihta aimaki ba ra, upla nani ba pât wahwisa.

Matiu 11:8

Apia kaka, ¿man nani dîa kaikaia waram? ¿Waitna kum kwala pain dimi kan kaikaia watma? Man nani pain kaikisma kwala pain dimi uplika nani ba lika king nani watla ra iwisa.

Matiu 6:29

Sakuna man nani ra mai wisna: King Salaman pali sin ai prana wal, naha tangni nani baku kwala painkira âpu kan.

Luk 16:19

“Yuyakira waitna kum bâra kan, witin kwala painkira nani baman dimi kan, bara yu bani lilia dauki, ai prana ra iwi kata.