Ester 7:10 - DAWAN BÎLA AISKA

¹⁰ Bara Amán ba baku langki ikan, Mardoqueo ra langki ikaia wisi paskan kan ba dusa ra. Bâra lika king kupia sauhkanka ba lamni takan.

Ester 7:10 ပူးပေါင်းရင်းမြစ်များ

Blasi Sturka 40:22

Sakuna brit âiangkra waitna ba lika langki ikaia blikan. Josep mita ai yaprisauhkanka kaikan tânka saki win ba kat takan.

Ester 2:1

Naha diara nani luan ningkara, king Asuero ba ai kupia baiwanka ba pat alahwan kan, bâra mika Vasti dukiara ai kupia krawan, naha mairka daukanka ba dukiara bara witin ba sin pat pâtkira kulkan ba dukiara.

Ester 5:14

Bamna Zeres bara ai pânika nani ba naha aisinka nani ba sut walan ningkara, naku win: —Langki ikaia dusa kumi yas paskbia, ai yarika ba 75 pît. Bara king ra wis, Mardoqueo ba bahara langki pami ikbia. Baha dauki swi si, pata tara liliakira ba ra king wal dims. Bara naha ba Amán mita aitani pali kaikan, bamna langki ikaia dusa ba yaban paskan.

Ester 7:7

Bara king Asuero ba baha pata tara ba wina ai kupia sauhki, bara bûi mahka utla latara taki wan. Sakuna Amán lika kwin Ester ra ai rayaka swaki sâkbia wisi aisi tauki kata, kan witin ba pat ai dahra wali kan, king bui witin ra ikaia pâtka ra lakbia ba.

Ester 7:8

Baha ningkara, king ba utla latka giadin ba wina tawi balan bara pata tara pi ba ra diman, bara kaikan Amán ba Ester iwaika ra ai lula kriki bâra kan, bara pliska ra Ester ba aitniki bâra kan, bara king ba baha kaiki, naku win: —¿Kwin mairin ra sin yang waitla kat alki, kakalni saura munaisma ki? King ba naha bîla ba nan aisin ba wal, Amán mawan ba king warkka uplika nani ba mita prakan.

Ester 8:7

Bara Asuero bui kwin mairin bara Mardoqueo wal ra win: —Kaiks, yang Ester ra Amán watla kata ba yabri sa, baha purkara sin, Amán ba pat langki ikaia dusa ra langki ikan, Ju nani mapara ai mihta bukan ba tâwan.

Ester 9:14

Bara king adar yaban baku daukaia; naha adarka ba Susa ra yaban bara Amán luhpia nani matawalsip ikan nani ba sut dus ra pami swin.

Ester 9:25

Sakuna Ester ba king kaikaia balan ba ra, king mita ulbi adar yaban baha waitnika ai lukanka ra saura luki, Ju nani ra sauhki tikaia daukan ba witin ai lal ra kabia, witin ra bara ai luhpia nani ra sin dus ra pami langki ikbia.

Job 18:8

Ai yabalka ra ilis mangkan kabia, bara baha iliska ba bui witin kli alkan kabia.

Job 20:8

Yaprisauhkan baku âpu takan kabia, tihmia ra diara aihka kum kaikan ba baku, upla kumi mita sin ai tânka briras kabia.

Lawana Nani 37:15

Sakuna witin nani ai sordka ba ni kli ai kupia kat sabia, witin nani ai pantamangkika ba sin, yuya sirpi ra krikan kabia.

Lawana Nani 7:16

¡Witin watawika lâka lâ krikanka bukata ba, kli ai lal purara kauhbia!

Lawana Nani 94:23

Dawan mita watawikira nani ba, ai watawanka ba tâwan sauhki tikan kabia. ¡Âu, wan Dawan bui sauhki tikan kabia!

Sins Lâka 11:27

Ya diara yamni pliki ba, upla witin ra yamni lukaia lâka plikisa, bara saura lâka pliki uplika ra, baha pali saurka ba witin ra balbia.

Sins Lâka 11:8

Kasakkira lika trabil saura wina pri sakan sa, kuna watawikira ba, witinka watlika ra aimakisa.

Sins Lâka 26:27

Unta pakni salhki uplika ba, witin baha bilara kli kauhbia; bara walpa kitbi karbi uplika ba, witin ai purara kat kli tawi taibia.

Jirimaya 34:17

Baku bamna, yang Dawan sna ba, naku wisni: Man nani ba yang bîli wali daukras, Ju tahkia alba nani ba pri swiras sma; baha ba mita, yang sin war ba pri swiaia sna, siknis nani ba, plun wahwaia ba sin man nani ra balbia king lâka tasbaya aiska ra sibrin tara kabia man nani ra. Yang, Dawan, kasak aisisna.

Isikiel 5:13

Bara yang kupi baiwanka ba sakamna; bara lawanki witin nani mapara ba âuyapah lâka daukamni, bara daihra walamna. Bara lawanki witin nani mapara mangkamna ba ra, ai tânka bribia, yang Dawan ba mita sika wîri lawanki tara tilara.

Daniel 6:24

Baha ningkara, king bui win Daniel dahra kwahkan waitnika nani ba wih brih balbia, ai maya nani, ai luhpia nani aikuki layan nani watla ra lulkan, baha nani ba kau tasba ra iwras kan taim, layan nani ba mita alki drusbi pin.

Daniel 6:25

Bamna king Darío bui upla nani ra, nisan sâtka bani ra, bara bîla sât sât aisi ba sut ra ulbi naku win: “Kupia kumi lâka ba manis man nani ra kabia bara pâwanka ba sin,

Sakaraya 6:8

Baha ningkara insal ba karna ai winan: “¡Kaiks, baha nani yahbra tasbaya ra wan nani ba mita, baha tasbaya ra Dawan kupia baiwanka ba daskisa!”

Wihta Nani 15:7

Witin nani baku daukan ba, Samson kaiki si bara witin nani ra win: —Man nani naku natka ra diara daukisma bamna, ¡yang swer takisna ris brimna apia, dîa munram ba baku pana sin yang mai munamna ba kat!