Ester 3:12 - DAWAN BÎLA AISKA

¹² Yua 13, kati pas manka ra, king suliarka nani ba paiwan; bara Amán adar yan ba ulban, tawan lalka bani ra bara wala nani ra sin blikan wan. Wihtka bani, tawan bani ai ulbanka natka kat, bara ai bîla aisi ba kat sin ulbi blikan; bara king Asuero ai nina bara king sîlka sin mangki blikan.

Ester 3:12 ပူးပေါင်းရင်းမြစ်များ

1 King Nani 21:8

Bamna witin Ahab nina ra wauhkataya nani ulban, bara king mihtadingka ba ni sîl prakan, bara almuk nani ra bara Nabot takaski kan tawanka lalka nani ra sin blikan.

Esdras 8:36

Baha ningkara king bui ulbi adar yaban kan ba yan, wihta tara bara wihta sirpi nani Éufrates awala muna tani ra iwi nani ra, baha nani mita Israel luhpia nani bara Gâd tempelka ba mâkaia tâ baikan ba.

Ester 1:22

Bara king tasbaya aiska ra wauhtaya nani ulbi blikan, tawan tara nani ra bara tawan sirpi nani ra sin, witin nani dîa twisa aisi kan ba kat ulban, bara win: “Waitna bani ai watla bilara karnika bri ba ra marikaia sa; baku sin sturka na, ai walka ra kau pain aisabia, ai tasbaya uplika nani dîa bîla witin nani aisisa kaka baha bîla kat aisi maisa pakbia.”

Ester 3:11

bara win: —Lalah aikaia wisma ba, man dukiam kabia; baha purkara sin, uplika nani wal dîa daukaia lukisma ba kat, witin nani ba wal dauks.

Ester 8:2

Bara king mita Amán mihta wina mihtadingka sakan ba, Mardoqueo ra laki yaban; ba purkara sin, Mardoqueo ra Ester mita Amán watla kan ba pura kaikaia mangkan.

Ester 9:27

Bara Ju nani ba naha yua ba ai natka baku alki brin, ai kiamka yua nani sut ra. Bara ya uplika Ju takan ba sut, naha yua wâl ba kulkanka tara yabaia sa, bara mani bani naha yua aimaki bani ba yua tara daukbia.

Daniel 3:10

Man king tara adar yabram, miusik kangbaia puhbaia dukia nani binka walbia piua ra mahka pali upla sut ai lula kriki gul ni daukan lilka ba ra ai pura suni mayunbia,

Daniel 6:12

Ningkara witin nani king ra wan lâ mangkan ba dukiara aisaia, bara aisi banhwan: —King, man lâ kumi dauki wan maisa pakram, bara baha lâka ba naku daukan sa: ani uplika naha yu 30 na ai gâdka ra sapa, yaura sapa ai pura sunbia ba, king ra lika apia, baha uplika ba layan nani watla ra lulkan kabia. ¿Baha ba kasak sa apia? King ba bui pana win: —Âu, baku pali sa, bara baha lâka ba daukan kaia sa, Media bara Persia wal lâka ba kat, lâka ba lakan kabia apia.

Daniel 6:15

sakuna baha waitnika nani kli king ra wih, naku win: —King, man kasak pali kaikisma, Media uplika nani bara Persia uplika nani lâka ra diara kum mapara aisisa kaka, apia kaka lâ kumi ra king ai nina ulbi mangkan ba, sip apia sa krikaia.

Daniel 6:25

Bamna king Darío bui upla nani ra, nisan sâtka bani ra, bara bîla sât sât aisi ba sut ra ulbi naku win: “Kupia kumi lâka ba manis man nani ra kabia bara pâwanka ba sin,

Daniel 6:8

Baku bamna, king tara, naha lâka na aitani kulki ninam uls, naha lâka na slingban kabia apia dukiara. Media bara Persia wal lâka ba kat dauks, lâka na krikan kabia apia dukiara.