Ester 2:9 - DAWAN BÎLA AISKA

⁹ Bara Hegai ba, naha tiarika Ester ba, ai nakra ra pain pali prana kaiki kan; baha mita aihni pali skahkan bara plun sin kau auhni daukan ba dakaki kan, ningkara bâk sakan mairka nani 7 kan ba watla ra brih wan, utla kau pranakira ba ra.

Ester 2:9 ပူးပေါင်းရင်းမြစ်များ

Blasi Sturka 39:21

Dawan ba Josep lamara kan, ai kupia yamni lâka ba ban mariki kan, bara sin daukan silak watla wihtka ba ban Josep ra yamni lukaia.

Blasi Sturka 39:4

Baha daukanka ba mita munan, Potifar Josep ra kau yamni lukan. Bara witin ai lama kat, ai watla bilara ai hilpika mangkan, bara ai dukia nani ba ai warkka nani dauki kan ba sut Josep mihta ra mangkan.

1 King Nani 8:50

Bara man uplikam nani mampara saura daukan pâtka ba swih tiks, mampara bûi kupiam sauhkanka daukan ba sut ban swih tikma, bara priski brih wan nani ba bui yarka umpira kaikbia.

Esdras 7:6

Dawan, Israel Gâdka Moses ra lâ yan smalkan lâka ba, Esdras ba kakaira pali kan, baha smasmalkrika ba Dawan wina karnika yabi kan, baha mita witin diara nani king Artajerjes ra makaban ba sut yan. Baku natka ra Esdras ba Babilon wina kli tawi balan

Nihimaya 2:8

bara wauhtaya wala kum sin ulbi aikbia Asaf ra yaia, witin lika unta ra dus nani pâwi ba king bui yan pura kaiki kan ba, witin tat aikbia tempel kan kahbaika pliska getka nani, utla nani, yang dimaia playka nani ba paskaia dukiara. Bara dîa makabri ba, king baha sut aikan, Gâd kupia yamnika makabri ba yang purira kan ba mita.

Ester 2:12

Bara naha tiarika nani ba, kati 12 skahki prana dauki kan. Kati 6 ba lika, ai wîna aiska ba kîa pain batanka laya wal yuki kan; kati 6 wala ba lika, isint bara taya swapni daukaia dukia nani ba yuki kan. Bara baku natka ra tiarika nani ba, yua alkan ba ra, king Asuero mawanra brih wan.

Ester 2:3

Bara king mita upla nani tawan bani ra mangkbia, bara mairin wîna daukra painkira nani ba brih balbia. Mairin nani watla, Susa kan kahbaika pliska bri ba ra king bri bara ningkara Hegai, king bui kulkanka bri waitnika ba mihta ra mangkbia, witin sika mairin nani pura kakaira ba. Bara Hegai mita mairka nani ba ra aiskahkaia dukia nani yabia,

Ester 5:2

Bara king ba kwin Ester ra kaikan latara tauki kan, bara witin ra latwan pali kaiki, ai kînka dusa gul ni paskan ba ai mihta ra bri kan ba ni Ester ra ai mihta sakban, bara Ester bal baha tukinka ba ra kangban.

Lawana Nani 106:46

¡pura lalura nani ra sin yan ai kupia yamnika lâka wal banhkan!

Sins Lâka 16:7

Upla nani daukanka ra Dawan yamni kaiki ba ra, witin ai waihla nani ra munan, witin wal kupia kumi takisa.

Daniel 1:9

Gâd ai warkka dauki ba mita, Aspenaz Daniel ra yamni kaikan.

Apastil Nani Sturka 7:10

Bamna Gâd mita trabil nani sut wina swaki saki kan, sins lâka ba yan, ban sin Idsip kingka fero mita yamni kaikaia ba sin. Bara Josep lika Idsip wihtka tara mangkan, bara king fero dukia aiska wihtka sin.