Ester 2:23 - DAWAN BÎLA AISKA

²³ Bara naha dukiara tânka plikan kasak aisi sapa kaikaia dukiara, bara baha ba kasak kan; bamna naha waitnika wâlsut dus ra pami langki ikan. Bara naha daukanka ba sturka king wauhkataya ra ulban sa.

Ester 2:23 ပူးပေါင်းရင်းမြစ်များ

Blasi Sturka 40:19

Bara yu yumhpa ba bilka ra, king fero man wauhkamtaya nani ba sin saki laki kaikbia dîa tâwan silak ra mai mangkan ba, bara witin adar yabia dus ra mai langki mai ikaia, bara tnawira nani bal mai pibia.

Blasi Sturka 40:22

Sakuna brit âiangkra waitna ba lika langki ikaia blikan. Josep mita ai yaprisauhkanka kaikan tânka saki win ba kat takan.

Esdras 4:15

baha mita, king tara, aisikam nani ulbanka wauhkataya nani ra naha tânka pliki kaikma kaka tânka brima. Blasi ulbanka nani ba ra ulban sa, naha uplika nani ba wan mapara babura nani atia sa, bara king nani ra, tawan wala nani ra sin saura munisa. Patitara witin nani asla takan kata, mapara bûi war daukaia, baha tâwan witin nani tawanka tara ba sauhki tikan kan.

Ester 10:2

Bara diara sut pali ai karnika bri wal daukan ba, bara kulkanka tara pali Mardoqueo yabi diara nani aiska purkara mangkan kan ba sut, Media bara Persia ra diara nani takan ulbi kan wauhkataya nani ra ulbi mangkan sa.

Ester 5:14

Bamna Zeres bara ai pânika nani ba naha aisinka nani ba sut walan ningkara, naku win: —Langki ikaia dusa kumi yas paskbia, ai yarika ba 75 pît. Bara king ra wis, Mardoqueo ba bahara langki pami ikbia. Baha dauki swi si, pata tara liliakira ba ra king wal dims. Bara naha ba Amán mita aitani pali kaikan, bamna langki ikaia dusa ba yaban paskan.

Ester 6:1

Baha sim tihmika, king ba sip yapras kan; bara win wauhtaya ulbanka nani bri ba brih balbia dukiara, baha wauhkataya ra diara tara nani tawan ra takan ulbi mangkan ba, bara ai mawanra aisi kaikbia.

Ester 7:10

Bara Amán ba baku langki ikan, Mardoqueo ra langki ikaia wisi paskan kan ba dusa ra. Bâra lika king kupia sauhkanka ba lamni takan.

Malaquía 3:16

Gâd ra tara kulki nani kan ba, ai tilara naku aisi banhwan, bara witin nani aisi kan ba Dawan aman pali wali kan. Witin nani Dawan ai mawan kat bâra kan bara wauhkataya kum ulban, bahara ai kupia krauki kan, baha nani Dawan ra kulki mayuni nani ra, bara kulki saki brisa.

Jasua 8:29

Witin sin adar yaban Ai kingka ba dus purara pami langki swiaia tutni kat. Yu diman ra witin kli adar yaban bara witin nani wan bara wîna tara ba saki tawan getka lamara bri balan, bara witin nani walpa tara nani bri sal wîna tara ba purara paski biki swin. Baha walpaya pura paskanka ba naiwa kat ban bâra sa.