Ester 2:16 - DAWAN BÎLA AISKA

¹⁶ Bamna Ester ba brih wan king Asuero watla ra, kati 10 Tébet katka ra; baha yua ra king ba pat mani 7 king aimaki kan.

Ester 2:16 ပူးပေါင်းရင်းမြစ်များ

Esdras 4:6

Bara Asuero king aimakan yua ba wina, waihla nani ba Jerusalem bara Juda uplika nani mapara dahra kwahki kan.

Esdras 7:8

Esdras Dawan yamnika nani brin ba hilpka wal, witin mahka buan Babilon wina takaia, Artajerjes ba pat 7 mani king aimaki kan ba manka ra, kati pas yu ingwanka pas ra witin impakan. Bara kati matsip, yua pas ba, witin nani Jerusalem ra wih diman baha sim manka ba ra.

Ester 2:1

Naha diara nani luan ningkara, king Asuero ba ai kupia baiwanka ba pat alahwan kan, bâra mika Vasti dukiara ai kupia krawan, naha mairka daukanka ba dukiara bara witin ba sin pat pâtkira kulkan ba dukiara.

Ester 2:15

Bara Ester, Mardoqueo rapika, Abihail luhpia mairin ba, witin mita ai luhpia baku pakata ba, witin ba king mawanra balaia yua aimakan ba ra, diara kumi sin brih waia lukras kan. Sakuna dîa Hegai win kan ba kat brih wan; bara baha nani Ester ra kaikan nani ba sut, witin ra pain pali lukan.

Ester 2:17

Bara Asuero ba, mairin nani aiska tilara ai rayaka aiska ra, Ester ra kau pain kaikan; baha mita Ester ba pain pali kulkan, witin ai mawanra mairin tiara nani wala kan ba wal. Baku king kraunka ba lal ra mangkan, bara kwin mairin mangkan, Vasti ba watlika ra.

Ester 2:3

Bara king mita upla nani tawan bani ra mangkbia, bara mairin wîna daukra painkira nani ba brih balbia. Mairin nani watla, Susa kan kahbaika pliska bri ba ra king bri bara ningkara Hegai, king bui kulkanka bri waitnika ba mihta ra mangkbia, witin sika mairin nani pura kakaira ba. Bara Hegai mita mairka nani ba ra aiskahkaia dukia nani yabia,

Ester 8:9

Pat pali king wauhkataya âiulbra nani ba paiwan balan. Baha manka ba kati 3 yua 23 ra, apia kaka Siván katka ba bilka ra Mardoqueo dîa win kan ba kat ulban, Ju nani ra, wihta tara nani ra, aiklaklabra wihtka nani ra bara king nani India tasbaika wina Etiopía kat ba tasba nani 127 bâra kan; bara tawan bani ba ai ulbanka kat, bara tawan sirpi nani dîa ai bîla aisinka ba kat, bara Ju nani ra sin dîa ai ulbanka bara ai bîla aisi kan ba kat ulban kata.