Ester 1:21 - DAWAN BÎLA AISKA

²¹ King bara wihta tara nani sut aikuki, Memucán aisin ba aitani pali kulkan, bahamna king ba Memucán lukanka ba kat daukan.

Ester 1:21 ပူးပေါင်းရင်းမြစ်များ

Blasi Sturka 41:37

Wark daukaia tânka Josep aisin ba king fero yamni walan, wihta tara nani ba sin baku daukaia aitani lukan.

Ester 1:19

Baku bamna, king tara ba aitani lukisa kaka, yamni kabia naha dukiara lâ kum ulbi mangkaia, Persia bara Media wal lâka nani ba tilara, bara lâka ba sin krikan kaia apia sa: ‘Vasti ba aima kumi sin kli king Asuero mawanra balbia apia.’ Bara sin kau kanra yamni pali kabia, witin wal kau mairin kasak ba king ai maya briaia.

Ester 1:20

Baha lâka king mita adar yabia ba, ai kingka tasbaya aiska ra walan kaia sa; baku lika mairin sut ai maya waitna nani ra kulkbia, tara wina sirpi ba kat.

Ester 1:22

Bara king tasbaya aiska ra wauhtaya nani ulbi blikan, tawan tara nani ra bara tawan sirpi nani ra sin, witin nani dîa twisa aisi kan ba kat ulban, bara win: “Waitna bani ai watla bilara karnika bri ba ra marikaia sa; baku sin sturka na, ai walka ra kau pain aisabia, ai tasbaya uplika nani dîa bîla witin nani aisisa kaka baha bîla kat aisi maisa pakbia.”

Ester 2:4

bara ani tiarika king nakra ra aitani pali kaikbia ba sika, kwin mairin Vasti watlika ra aimakbia. Bara naha aisinka ba king mita aitani kulkan, bara baku daukan.