Ester 1:19 - DAWAN BÎLA AISKA

¹⁹ Baku bamna, king tara ba aitani lukisa kaka, yamni kabia naha dukiara lâ kum ulbi mangkaia, Persia bara Media wal lâka nani ba tilara, bara lâka ba sin krikan kaia apia sa: ‘Vasti ba aima kumi sin kli king Asuero mawanra balbia apia.’ Bara sin kau kanra yamni pali kabia, witin wal kau mairin kasak ba king ai maya briaia.

Ester 1:19 ပူးပေါင်းရင်းမြစ်များ

1 King Nani 3:28

Bara Israel aiska king lâ daukan ba walan, bara king ra sibrin taki banhwata, kan kaiki banhwan Gâd wina sinska lâka brin lâ kasak ba aisi daukaia dukiara.

Ester 1:18

Bara wark lalka maya mairin nani, Persia bara Media wal ra iwi nani ba, naha kwin mairin daukan ba walbia ba ra, naiwa pali ai maya waitna nani ra aisabia, bara mairin nani ba waitna nani ra uya kulkbia apia, baha wina unsaban lâka balbia.

Ester 1:21

King bara wihta tara nani sut aikuki, Memucán aisin ba aitani pali kulkan, bahamna king ba Memucán lukanka ba kat daukan.

Ester 2:1

Naha diara nani luan ningkara, king Asuero ba ai kupia baiwanka ba pat alahwan kan, bâra mika Vasti dukiara ai kupia krawan, naha mairka daukanka ba dukiara bara witin ba sin pat pâtkira kulkan ba dukiara.

Ester 3:9

Bamna, king tara, man naha na aitani kulkisma kaka, lâmka adarka kumi laks wabia, baha nani ba sut pali iki tikbia. Bara yang wina warkkam uplika nani ra silbar 60,000 paun yabamna, king yuyaka nani dukia.

Ester 8:5

naku win: —King tara ba aitani kulkisa kaka, bara sin king tara mawanra yamni ai kaikisa kaka, naha ba sin kasak sa king mapa ra, ba purkara sin yang na namkra ra aitani sna kaka, adar kumi ulbi sâks baha wauhkataya Amán mita adar yaban ulbi sakan ba ai lukanka saura wal, Ju nani aiska iki tikaia wisi daukan ba, bahki ra kulkan kabia.

Ester 8:8

Bamna man nani wauhkataya kum ulbaia adar maikisni, yang nini ra, Ju nani hilpka dukiara, nahki ulbrika kau yamni kabia lukisma kaka baku uls. ¡Bara wauhkataya nani ba ra king sîlka ba sin mangki banhs! (Bara ani yua ra king nina ra bara sin king sîlka ba wal praki ulbanka kumi blikisa kaka, upla kumi sin baha ba lulkbia apia.)

Daniel 6:17

Daniel layan nani watla ra kan wal baku, walpa kumi bri sal layan watla ba pura prakan, bara king ai sîlka ba ni prakan, bara ai tasbaya wihtka tara nani sîlka ba sin prakan, baku mika Daniel ra takan tânka ba ban swin kaia apia ba mata.

1 Samuil 15:28

Bara Samuil bui Saúl ra win: —Prâika kalwan na baku natka ra, Dawan sin naiwa Israel kingka lâka wina mai kalki sakisa. Man wina dakbi sakisa bara kuntrikam uplika wala kum ra man wal kau pain ba ra yabuya.