Ester 1:17 - DAWAN BÎLA AISKA

¹⁷ Bara naha kwin mairin Vasti daukan ba mairin wala nani sut ba walbia kaka, witin nani sin ai maya waitna nani ra kulkanka uya yabia apia, bara wibia: ‘King Asuero ba kwin mairin Vasti brih balaia blikan, sakuna witin balaia apia win.’

Ester 1:17 ပူးပေါင်းရင်းမြစ်များ

2 Samuil 6:16

Dawan lâ auhbaia watla ba Debit Tawanka ra brih wan ba ra, Mical, Saúl luhpia mairin ba, windarku biki kaikan; bara Debit lika Dawan mawanra srutwi dans puli kan ba kaikan ba ra, witin dukiara ai kupia ra saura lukan.

Esdras 4:6

Bara Asuero king aimakan yua ba wina, waihla nani ba Jerusalem bara Juda uplika nani mapara dahra kwahki kan.

Ester 1:16

Bara Memucán king lâka daknika kumika mita king ra win: —Kwin mairin Vasti ba king tara ba mapara baman buras, sakuna baha daukanka ba wihtka tara nani ra, bara tawan nani king Asuero mina mununhtara nani ba mapara sin buan sa.

Ester 1:18

Bara wark lalka maya mairin nani, Persia bara Media wal ra iwi nani ba, naha kwin mairin daukan ba walbia ba ra, naiwa pali ai maya waitna nani ra aisabia, bara mairin nani ba waitna nani ra uya kulkbia apia, baha wina unsaban lâka balbia.

Epesus 5:33

Sakuna naha sin wiaia want sa, man nani kumi bani mayam mairin nani ra latwan kaikaia sma sim wînam pali ra baku, bara maya mairin ba ai maya waitna ra kulkaia sa.