Ester 1:14 - DAWAN BÎLA AISKA

¹⁴ Baha nani tilara king kau lamara kan nani ba, naha uplika nani kan: Carsená, Setar, Admata, Tarsis, Meres, Marsená, Memucán; naha uplika 7 nani ba wihtka tara nani kan, witin nani ba king kupia krakraukra nani kan, bara Persia wihki Media wina kata, daknika tilara lalka kum kan, bara tasbaya tara wâl ba purara karnika bri kata.

Ester 1:14 ပူးပေါင်းရင်းမြစ်များ

2 King Nani 25:19

Tawan uplika nani ba wina aiklaklabra lalka ba alki silak ra mangkan, bara king main kakaira nani ba wina sin matsip alkan, aiklaklabra lalka upla alki war ra bliki kan ba sin alkan, kau wihta tara nani lalka ba wina 60; naha nani aiklaklabra wihtka nani, upla kulkanka tara bri nani ba sin sut silak ra mangkan.

Esdras 7:14

Kan king bara witin ra lâ mariki uplika nani 7 ba wina mai blikisa, Juda bara Jerusalem ra sin wama, Gâdkam lâka mihtam ra brisma ba tânka kat, baha nani ai tânka ba laki kaikaia.

Ester 1:15

Bara king ba makabi walan: —¿Lâ tânka kat, dîa pali daukaia sa ki kwin mairin Vasti ba wal, kan king Asuero adar yaban balbia bara ai bîla lulki balras kan ba?

Jirimaya 52:25

Tawan uplika nani ba tila wina aiklaklabra nani ra adar yabi kan suldiar nani wihtka ba silak ra mangkan, king watla ra wark taki nani waitnika 7, tawan ra tauki ba sin alkan, war aiklaklabra nani wihtka upla alki tauki kan ba sin alkan, bara upla kulkanka tara bri nani ba sin 60 alkan tawan bîla kat.

Matiu 18:10

“Aman kaiks; man nani naha sirpika nani kumi ra sin bahki kulkpara. Kan yang bui man nani ra mai wisna, ai insalka nani Aisiki kasbrika purara ba ra piu bani ra lamara sa.

Param Marikanka 22:4

Witin nani pana pana ai mawan kaikbia, bara witin nina ba ai lal purara ulban kabia.