Ester 1:12 - DAWAN BÎLA AISKA

¹² Bara king ba, waitna kulkanka tara bri kan nani ba blikan, kwin mairin ba paiwi brih balaia; sakuna kwin mairin Vasti ba balaia apia win, bara king ba ai kupia kasak sauhkan.

Ester 1:12 ပူးပေါင်းရင်းမြစ်များ

Blasi Sturka 3:16

Mairin ra witin win: —Sarkam lâka ba uya pali daukamna, man kwihra tiwisma ba piua ra; wînam latwanka tilara luhpiam nani baiki kama; bara man kupiam brinka ba mayam kat kabia, bara witin ba man wihtkam aimaki kabia.

Ester 1:11

kwin mairin Vasti ba prana dauki muni, king kraunka ba wal brih balbia taim upla nani kaikaia dukiara, wihta tara nani sut ra ai prana ba marikaia dukiara, kan witin ba mairin pranakira pali kan ba mita, rait pali witin ba mairin painkira kan.

Ester 1:13

Bamna king ba lâ tânka brabrira nani aikuki aisi lâ tânka plikata, kan baha yua ra king ba ai natka kan, lâ nani tânka brabrira nani ba wal aisi kaikaia.

Ester 7:7

Bara king Asuero ba baha pata tara ba wina ai kupia sauhki, bara bûi mahka utla latara taki wan. Sakuna Amán lika kwin Ester ra ai rayaka swaki sâkbia wisi aisi tauki kata, kan witin ba pat ai dahra wali kan, king bui witin ra ikaia pâtka ra lakbia ba.

Lawana Nani 74:1

Dawan, ¿man dîa kan wan lulki wan swiram ban kaia ra? ¿Dîa kan lawankam tara wan purara blikram, sîpkam dakni nani tilara?

Lawana Nani 79:5

Man Dawan, ¿ahkia kat kau lawi kama? ¿Ban kau lawi kama pauta klauhi ba baku?

Impakan Sturka 32:19

Moses kiamp ba lamara wan ba ra, kaikan bîp lilka daukan kan ba, bara dans puli banhwi kan ba sin. Bamna Moses kupia baiwan bara il playa kat ai mihta ra lâ nani ulban walpaya tanhta wâl bri kan ba lulki saban bara baiwi pîs pîs takan;

Impakan Sturka 32:22

Eran pana witin ra win: —Dawanki, yang ra kupiam sauhkpara. Man upla nani na tânka kasak kakaira sma, witin nani saura daukaia nahki lihki ba.

Sins Lâka 19:12

King lawanka ba layan ihbi ba baku sa; sakuna witin yawan ra yamni luki ba, diwas laya twi purara ba baku sa.

Sins Lâka 20:2

King kupia baiwanka ba sika, layan ihbi ba baku sa; ya witin kupia baiwan bara tuski ba, witin ai rayaka pali mapara saura daukisa.

Daniel 2:12

King baha walan ba ra kasak pali ai kupia sauhkan, bara adar yaban Babilon ra sinskira nani ba sut kat ikbia.

Daniel 3:13

King Nabucodonosor kupia baiwan, bara win Sadrac, Mesac bara Abed-negó ba, witin ra brih wabia. Baha nani witin ra brih wan kan ba ra,

Daniel 3:19

Nabucodonosor naha bîla nani walan ba ra, wahma yumhpa ba mapara lawi kan ba mita, ai mawan ba pauni pali takan kan. Bamna win kubus ba kau aima 7 taim kau lapta daukbia kainara kata ba wal kau karna pali.

Nahum 1:6

¿Witin ai kupia baiki lawi ba mapara ya sip sa ki bapi buaia? Ai kupia baikuya laptika ba, pauta klauhan baku laiwisa, bamna walpa tara nani ba baiwi lilak wal taki, witin ai mawanra, walpa tara nani ba lilak pîs wâl ra baiwisa.

Epesus 5:22

Maya mairin nani ai maya waitna nani ra pain kulki kaia sa, sim Dawan ra kulki baku.

Epesus 5:24

bamna maya mairin nani ba diara sut mapa ra ai maya waitna nani ra pain kulki kaia sa, sim serts mita Kraist ra kulki ba baku.

Kli Smalkanka 29:20

Dawan baha pâtka ban swi tikaia wilin apia kabia, sakuna witin ai lawanka tara, ai kupia baiwanka baha uplika purara lahtuban kabia, bara witin purara saurka aiska naha wauhkataya ra ulban ba kauhbia. Bara Dawan mita tasba mawan wina, witin kiamka ba diki sâkbia.

1 Pita 3:1

Baku sin, man nani maya mairin nani, mayam waitna nani ra bawi bas, bara baku mika witin nani tila wina kum kum kra, Gâd bîla ba ra kasak lukras kaka, ai maya mairin nani tânka pain ba mita, witin nani kupia alkan kabia. Man nani ba bîla kum pan aisaia sin apia sma,