Ester 1:10 - DAWAN BÎLA AISKA

¹⁰ Lapta yu 7 lilia ba dauki kan bilara, king kupia ba wain din ba tâka mita lilia tara takan, bara adar yaban Mehumán, Biztá, Harboná, Bigtá, Abagtá, Zetar, Carcás, baha nani 7 ba witin ai uplika aihwa kulki kan ba,

Ester 1:10 ပူးပေါင်းရင်းမြစ်များ

Blasi Sturka 43:34

Bara Josep witin ai tibilka ba wina witin nani ra plun yaban. Sakuna Benjamín ra kau plun ailal yaban, wala nani ra baku praiska yabras kan. Witin ai muihni nani aikuki plun pi bara diara di lilia pali takan.

2 Samuil 13:28

bara ai albika nani ra adar yan kan: “Amnón ba aman pali kaiki bas, wain ba di lilia pali takbia ba ra yang bui man nani ra mai wimna, bara man nani bui witin ba iks. Man nani baha daukaia si bripara, baha yang adarki nani sa, bahamna man nani kupiam wilinkira bara karna bris.”

Ester 1:9

Baku natka ra sin, kwin mairin Vasti ba lilia tara daukan, king Asuero watla wihtka maya mairin nani aikuki baman.

Ester 3:15

Bara wauhkataya twatwilkra nani ba, mahka brih taki wan king adar yaban ba kat. Naha lâ wauhkataya ulban ba Susa kan kahbaika pliska bri ba ra param sakan; bara baku dauki si, king ba Amán wal lika di kan, sakuna Susa tasbaika tara ra lika kupia turbanka ailal pali bâra kata.

Ester 7:9

Bara king tara warkka uplika kum nina Harboná, baha mita naku win: —Kaiks, Amán watla latka ra pat ridi bâra paskan sa, langki ikaia dusa kum, ai yarika ba 75 pît; naha wal sika Mardoqueo langki ikaia wisi paskan ba. Bara king mita win: —Ban kaka, baha dusa ra pami langki iks.

Sins Lâka 20:1

Wain blaka ba mita trabil bukisa upla ra; laya tahpla dih bara bin tara bukisa; bara ya ya baha nani mita watawi ba, sinskira apia sa.

Sins Lâka 31:4

Bara Lemuel, king nani wihki wihta tara nani sin wain diaia laya tahpla nani sin diaia aitani apia sa,

Smasmalkra 10:19

Plun ba lilia piaia dukia sa bara wain ba sin, rayaka ra lilia yaia dukiara sa, sakuna baha dukiara lalah âpu sa.

Wihta Nani 16:25

Bara witin nani ai âuyapah pali aihwa kan ba mita, makaban Samson ba sin silak watla ra ba saki bâra brih wabia, witin nani aikuki lilia daukaia. Bara witin nani Samson silak wina saki, witin nani ra brih wan, pulaia dukia kum baku witin nani ai mawanra mangki puli banhwi kan, bara utla karnika playa tara wâl ba lila kat yaban bûi kan.

Wihta Nani 19:6

Witin wâlsut balan plun piaia bara lî diaia tibil ra, bara mairin aisika ba witin ra makaban kau yu kum ai lamara takaski, kau tihmia kum ai watla ra yapi si ra wabia.

Rut 3:7

Bamna Booz plun pin bara diara laya sin din, bara ai âuyapah pali takan. Baha wina mâ nani asla kukan ba lamara mahka yapaia aitnikan. Bara Rut sâpkira balan, pura bika ba ai mina wina bukan, bara bahara aitnikan.