Esdras 9:9 - DAWAN BÎLA AISKA

⁹ Yang nani alba nani sna sakuna, taiban bara alba lâka tilara ban wan lulki wan swiras sma; man daukram Persia kingka nani kupia pihni lâka ra yang nani ra tniwan, baku sin rayaki aikram man tempelkam ba kli bukaia, baha sauhki tikan ba tila wina. ¡Man sin wan kaina kahbram Juda ra bara Jerusalem ra sin!

Esdras 9:9 ပူးပေါင်းရင်းမြစ်များ

Esdras 2:68

Upla nani tila kat utla wihtka nani ba, Dawan tempelka ra wan Jerusalem ra, bara ai prisantka nani yan ai kupia aiska wal, Dawan tempelka ba kli mâkbia dukiara.

Esdras 7:6

Dawan, Israel Gâdka Moses ra lâ yan smalkan lâka ba, Esdras ba kakaira pali kan, baha smasmalkrika ba Dawan wina karnika yabi kan, baha mita witin diara nani king Artajerjes ra makaban ba sut yan. Baku natka ra Esdras ba Babilon wina kli tawi balan

Esdras 7:8

Esdras Dawan yamnika nani brin ba hilpka wal, witin mahka buan Babilon wina takaia, Artajerjes ba pat 7 mani king aimaki kan ba manka ra, kati pas yu ingwanka pas ra witin impakan. Bara kati matsip, yua pas ba, witin nani Jerusalem ra wih diman baha sim manka ba ra.

Esdras 9:10

“Sakuna nanara, Dawanki, ¿yang nani dîa aisamna ki, naha daukanka nani yang nani daukri ba? Kan man lâmka daukaia wiram ba kat yang nani daukras,

Nihimaya 2:17

Bamna witin nani ra wîri: —Man nani pain nu sma naha wan dauki wan swin na kat wan trabilka na tara, kan Jerusalem na sut sauhki tikan sa, bara getka nani ba sin sut pali pauta ni angki sauhkan. Bamna yang ra bal asla taks Jerusalem tawan kutbanka na kli paskaia, kau ban wan swira daukan lâka ra iwi kaia sip apia.

Nihimaya 9:17

Witin nani baha walaia ai brinka apia kan, purkara sin man bui diara aihkakira bara tara witin nani ai hilpka ra daukram ba ai kupia krawras kan, ai kiamapara lâka ra, ai tâ brabrira kum mangkan bara kli alba lâka ra Idsip ra brih wan. Ban sakuna, man sika Dawan, upla pâtka swih tatikra Gâdka, kupiam swapni, umpira kaikan lâka brisma, pat pali kupiam baiwras, bara latwan kaiki bara umpira kaikan lâka sin manis pali brisma, ba mita lulki swiras kapram.

Lawana Nani 109:12

Upla kumi sin witin ra umpira kaikras kabia, ai luhpia waitna rau takan nani ba ra sin apia.

Lawana Nani 138:7

Trabil saura wal prawisna ba ra, man sika raya ai brisma, bara man karnikam ni swaki ai sakisma yang waihli nani lawi saura ai munaia pliki ba wina.

Aiseya 14:3

Israel luhpia nani, Dawan mita man nani ra ris briaia maikbia, trabil saura takisma ba wina, sarkam tara brih banhwisma ba wina, bara sin alba lâka saura ra mai brih wankan ba wina sut pri mai sâkbia piua ra,

Aiseya 5:2

Nasla tasbaya ba baikan, walpa nani ba sin sait ra sakan bara wain saumukka yamni ba ni wahbi saki mangkan. Nasla bilara sin, tawer kum purara mâkan; bara wain taibaia watla sin kum paskan, bara wain nasla tara ba wina bîla kaiki kan wain damni nani, sakuna wain mâ swahni baman alkan kata.

Aiseya 5:5

Man nani ra mamrikamni, nanara yang wainki nasla ra daukamna ba: kutbanka ba sakamni, bara bal sauhki tikan kabia; kutbanka ba krikamni, upla ai mina ra taibi sauhki daukbia.

Aiseya 61:4

Tawan almuk slingwanka ba, witin nani kli paskbia, utla slingwan bîla man swin nani ba sin, kli paskbia, tawan kutbanka slingwan nani ba sin kli paskbia.

Isikiel 11:16

Baku mita, wis: ‘Naku wisa Dawan ba: Yang mita kangbi sakri, bara tasbaya aiska ra yakabi kir lakri, kuntri tringsar nani tilara, sakuna naha sât na piua kunhku baman kabia. Nahara yang sika, witin nani kutbanka painkira kum kamna ani tasbaya ra wabia sut ra.’

Daniel 9:25

Naha na kasak pali tânka brin kaia sa: Baha adar maikbia ba wina, kli tawi aidrubi balbia bara Jerusalem ba kli paskan kabia, baha wan wihtka tara ba balbia ba kat, wik nani matlalkahbi luan kaia sa, bara yabal nani Jerusalem tawan kutbanka nani ba kli raya paskan kabia, sakuna 62 wik lubia ra, sari lâka tara piua nani kabia.

Hageo 1:9

Man nani diara ailal briaia plikisma, sakuna wiria lupia man sakisma; dîa wamtla ra suni brisma ba, baha sin yang bal puhbanki kumi ni sakisni. ¿Dîa muni? Kan yang waitla slingban ba, paskras ban aisawan ra ba mita; man nani wamtla mâki briaia dukiara baman trabil takisma. Yang, Dawan, kasak aisisna.

Sakaraya 2:5

Ban sakuna, Dawan naku wisa: Yang, Jerusalem kir pauta klauhi kutbanka kum baku kamna, bara tawanka bilara praina tara ba latan marikamna.’ ”