Esdras 9:8 - DAWAN BÎLA AISKA

⁸ Ban sakuna, nanara, Dawan wan Gâdka, kupiam swapnika lâka ra wan brisma, sip kan yang nani tili wina upla dakni kum pri takaia bara yawan nani ra sans wankan, tasba holikira ra wan watla nani mâkaia alba lâka ba wina piua wiria, yang nani ris briaia aikram.

Esdras 9:8 ပူးပေါင်းရင်းမြစ်များ

2 King Nani 19:4

Ban kra Dawan man Gâdkam ba walan baku sa, Asiria kingka bui ai wihta tara kum saki blikan Gâd rayakira ra lahtubaia bara sturi saura nani wiaia, Dawan Gâdkam ba bui naha uplika nani ra klala yabia, baha aisanka yamni apia nani Dawan mapara aisan ba tâwan. Witin nani ai tila kat kau kum kum takaskan bâra sa, baha nani dukiara puram suns.”

Esdras 9:9

Yang nani alba nani sna sakuna, taiban bara alba lâka tilara ban wan lulki wan swiras sma; man daukram Persia kingka nani kupia pihni lâka ra yang nani ra tniwan, baku sin rayaki aikram man tempelkam ba kli bukaia, baha sauhki tikan ba tila wina. ¡Man sin wan kaina kahbram Juda ra bara Jerusalem ra sin!

Nihimaya 1:11

Dawan, yang bui man ra mamkabisna puri sunra na man wali kaiks, nampakan nani makabi ba sin, witin nani brin dauki ba sika naha baman sa: man ra yamni mai kulkaia. Bamna yang sin mamkabisna, diara sut yang ra yamni takaia ba aik, king ba sin tatuks bûi yang ra luki tniwaia.”

Nihimaya 9:31

Ban sakuna, man kupiam swapnika lâka uya pali brisma ba mita sut âpu daukras kapram, lulki sin swiras kapram; kan man sika Gâd, kupiam swapni bara umpira kaikan lâka brisma ba tâwan.

Job 33:30

Prura wina swaki sakisa, ban swin ingni ba kaikisa.

Lawana Nani 13:3

¡Dawan, yang Gâdki, ai kaiks, pana ai aisas, naikra nani ra ingni aik! ¡Bara yang prura yapanka ra dimamna apia!

Lawana Nani 13:4

Yang waihli nani wibiara: “¡Yang bui witin ba pat pura luri!” ¡Baku sin lilia takbiara, yang sip apia takamna kaka!

Lawana Nani 138:7

Trabil saura wal prawisna ba ra, man sika raya ai brisma, bara man karnikam ni swaki ai sakisma yang waihli nani lawi saura ai munaia pliki ba wina.

Lawana Nani 34:5

Baha nani Dawan ra kaiki nani ba, lilia mita mawan nani ba ingwisa; baha nani ba swira daukan kabia apia.

Lawana Nani 85:6

¿Wan rayaka ba kli wankma apia, man uplikam nani kli man ra lilia briaia dukiara?

Sins Lâka 29:13

Upla taiban lâka ra bara wih tataibra waitnika ba wâlsut dukia bri ba, Dawan mita wâlsut ra nakra yaban.

Smasmalkra 12:11

Sinskira nani aisinka ba silak baku wan sabisa, bara aima kumi asla taki wahbi bara dus kakma tatwa ni sabi ba baku wan sabisa; baha ba sîp main kakaira kumi baman mita saban baku sa.

Aiseya 1:9

Karnika sut pali bri Dawanka ba mita, upla dakni sirpi nâra ban wan swiras kan kata, nanara yawan na pat Sodoma, Gomora baku takan kaia kan.

Aiseya 14:3

Israel luhpia nani, Dawan mita man nani ra ris briaia maikbia, trabil saura takisma ba wina, sarkam tara brih banhwisma ba wina, bara sin alba lâka saura ra mai brih wankan ba wina sut pri mai sâkbia piua ra,

Aiseya 56:5

witin nani luhpia waitna nani ba, luhpia mairin nani ba wal, diara kum kau pain ba yang bui witin nani ra yabamna, tempelki ra witin nani nina ba klaki ulbi yabamna; kutbanki nani ba bilara bâra ban kaia; ban kaia ra nina kum witin nani ra yabamna, sip diki sakras kabia ba.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 6:13

Bara kau ban waras, mânka matawalsip bâra takaskan kabia kaka, baha sin kli sauhki tikan kabia; dus tara kum, usupum dusa kum klakan plamaika baman bâra ba baku.” (Naha plamaika na wina, kau ban bâra kabia baha wina holikira ba kli urhwi takbia.)

Jirimaya 42:2

prapit Jirimaya lamara wan bara witin ra win: —Diara kum man ra makabi walaia yang nani balri; apia ai wipara: Yang nani kau wiria lupia baman nâra sna na tâiwan Dawan Gâdkam ra puram suns. Blasi yang nani upla ailal katna, sakuna man kaikisma yang nani wiria lupia baman sna.

Jirimaya 44:14

Baha daknika lupia Juda wina Idsip ra iwaia wan ba wina, kumi sin plapi swakwi raya kabia apia. Witin nani kli Juda ra bal takaski iwaia lukbia sin, sakuna sip tawi balbia apia, ban kra plapi baman tauki nani ba wina kulki lika.’ ”

Isikiel 14:22

Upla wiria man raya takaskbia, bara baha wina ai luhpia waitna bara mairin brih taki wabia. Ansa piua ra man nani ra wabia ba ra, kaikma nahki man nani wal iwan ba, bara diara man nani wal daukan ba, bara klala ba wina maisa nihkan kabia, Jerusalem purara bri balri ba.

Oseas 6:2

Ningkara, siknis âpu wan daukan kabia, yawan na kli wan bukbia, witin ai mawanra raya iwi kaia.

Abakuk 3:2

Dawan, diara tara nani daukram ba walri, bara tara mai kulkisna, sibrin sin ai daukisa. Bara warkkam nani dauki kapram ba naha yua nani ra sin kli dauks, yang nani sin warkkam ba kaikamna; sakuna man lawanka nani tilara ban umpira wan kaiki bas.

Sofonías 3:12

Upla bawikira, ai lukanka ra umpira nani ba, tilamra swimna, yang nini kat luki ai kasak lukanka ba mangki bribia.

Sakaraya 10:4

Witin nani ai tila wina, Utla Mâkaia Walpaya Tara ba bal takbia, Tint Watla Mâkaia Dusa ba bara War aiklabaia Pantamangkaika ba sin. Witin nani ai tila wina wihta tara nani sut bal takbia.

Sakaraya 8:12

Kan kupia kumi lâka ba, witin nani tilara mangkan kabia. Wain kiwka nani, ai mâ alkan kabia; tasba wina sin plun pâwi kabia; kasbrika wina sin diwas laya yabia. Upliki nani kau raya banhwi nani ba ra naha sut na ai dukia kaia yabamna.

Sakaraya 8:6

Naha sut aisisna, baha piua kat baku takaia sip apia lukisa upliki nani, kau raya nani ba lukanka ra bâra bamna, sakuna yang maipara sip apia ba âpu sa. Yang Dawan, karnika sut brisna, kasak aisisna:

Roman 9:27

Sakuna Israel luhpia nani dukiara Aiseya naku win: “Israel luhpia nani ba lika sim kabu auhika baku kabia kra, sakuna baha ba wina wiria baman swaki sakan kabia,

Param Marikanka 3:12

Ani uplika nani sip muni pura lubia ba, yang baha nani ra Gâdki tempelka ra walpa bapanka baku daukamna, bara baha wina kli taki wabia apia ban kaia ra. Witin nani ra Gâdki nina ba ulbamna, Gâdki tawanka nina ba sin, baha ba Jerusalem raya kasbrika purara ba wina bara Gâdki wina aula ba. Witin nani ra sin nini raya ba ulbamni.

1 Samuil 14:27

Sakuna Janatan lika walras kan, ai aisa baku aiklaklabra nani sut nina ra swer taki aisin ba. Bara ai klahkla sakban dus ai mihta ra bri kan ba wal nasma laya ra buski din, bara ai karnika brin.

1 Samuil 14:29

Janatan pana win: —Papiki upla nani mapara saura daukan, kaiks nahki pain sna nasma wiria dih kaikri ba mita.