Esdras 9:2 - DAWAN BÎLA AISKA

² Witin nani bara ai luhpia waitna nani ba sin, baha uplika nani luhpia mairin nani wal ai maya brisa; baha mita Gâd uplika nani ba upla wala nani wal miks takisa. Bamna wihta tara bara wihta sirpi nani ba sika, tâ brih baha saurka dauki ba.”

Esdras 9:2 ပူးပေါင်းရင်းမြစ်များ

Blasi Sturka 6:2

Gâd luhpia nani ba kaikan, upla luhpia mairin nani ba mawan pranakira pali kan, witin nani ai laikka ba kat ai maya nani brin, ailalka nani ba tila wina pliki saki.

1 King Nani 11:1

Sakuna king Salaman king fero luhpia mairin ra latwan kaikan, ba wina tringsar mairin wala nani ra sin latwan kaikan: Moab, Amón, Edom, Sidón bara hitita mairka nani ra.

Esdras 10:2

Bamna Secanías, Jehiel luhpia waitna, Elam kiamka tila wina ba bal, naku Esdras ra win: “Yang nani wan Gâd mapara ai lâka ba saura pali dauki banhri, mairin nani nisan wala tasbaya wina kan ba, yang nani mayi bri banhri bamna; ban sakuna, Israel ra kau bîla kaikanka lâka bâra sa.

Esdras 9:12

Bara yang nani luhpi mairin nani ba, witin nani luhpia waitna nani wal maya baikamna apia wiram, baku sin luhpi waitna nani ba baha nani luhpia mairin nani wal maya baikamna apia wiram, witin nani aikuki sin kupia kumi lâka dauki, yamnika briaia lâka daukamna apia wiram, bara baku mika tawan ba karna kaia. Bara tasba ritska wina pi kamna wiram, bara wan luhpia nani ra prapatika yama piu bani ra ban kaia ra.

Esdras 9:14

¿Bara yang nani kli man lâmka nani bîla ba kriki, upla sât wala nani upla wala ra misbara kaiki nani ai natka nani dauki ba tilara, wan kiamka nani saki kaia sna ki, witin nani wal baku taki? ¿Yang nani baku daukamna kaka, lawankam tara ba wan mapara bal âpu wan daukras kama ni, naha kiamka nani wina kumi sin plapi swak takbia apia, titikbi iki tikan kabia?

Nihimaya 13:17

Bamna yang bui Juda wihtka nani ra lawi daukri, bara wîri: —¿Man nani dîa saurka daukisma ki, ris briaia yua ra kulkanka yabras sma ba?

Nihimaya 13:28

Bara prîs tara Eliasib luhpia waitna Joiadá luhpia waitna nani tila wina kumika ba Sambalat, Horón wina kata ba dapnika kan, baha tâwan maiwan wina munri plapan.

Impakan Sturka 19:6

Man nani ba yang prîski nani, king tasbaya kum kama, upla holikira nani yang upliki nani.’ Man bui Israel luhpia nani ra baku wis.

Impakan Sturka 22:31

“Man nani ba, yang dukira baman bâk mai saki briri uplika nani sma. “Daiwan wail mita daiwan kum wîna ba kalki pîs ra daukan kaka, wînka ba pipara; yul nani ra dakaks.

Impakan Sturka 34:16

apia kaka luhpiam mairin nani bara luhpiam waitna nani ba sin bribia, witin nani ai luhpia waitna ai luhpia mairin nani ba wal maya baikaia, bara gâd bahki nani nina bliki watawi daukbia.

Aiseya 6:13

Bara kau ban waras, mânka matawalsip bâra takaskan kabia kaka, baha sin kli sauhki tikan kabia; dus tara kum, usupum dusa kum klakan plamaika baman bâra ba baku.” (Naha plamaika na wina, kau ban bâra kabia baha wina holikira ba kli urhwi takbia.)

Libait Lâka 21:15

ai kiamka nani kulkanka ba batakaia apia dukiara ai uplika tilara. Kan yang, Dawankam, yang mita sunu daukri bamna.”

Malaquía 2:11

Juda uplika nani Gâd ra kasak lukras, Jerusalem ra Israel tasbaya aiska ra watawi pali daukan. Dawan ai tempelka latwan kaiki lâka sunu ba sin tâski daukan, bara upla ai mihta ni paskan dawanka nani ra ai pura suni mairka nani ba Juda waitnika nani ai maya brin.

Malaquía 2:15

¿Gâd kumi ba mita man nani wînam rayakam ba sin paskan apia? ¿Bara baha Gâdka ba dîa makabisa? Man luhpiam nani ban, witin ai uplika nani sunu kaia. Bamna man nani lukankam pali wina luki kaiks: ¡Man wahma katma ra mayam wal lâ daukram ba krikpara!

1 Korint 7:14

Kan kasak lukras waitna ba, ai maya mairin lalukra ba wal asla takan ba mita, holikira kulkan sa; bara kasak lukras mairka ba, ai maya waitna kristian ba wal asla takan ba mita, holikira kulkan sa. Naku apia kaka, man nani luhpiam nani ba idan nani luhpia banhwi ba baku kaia kan; sakuna naha mita, witin nani ba holikira nani kulkan sa.

2 Korint 6:14

Man nani kasak lukras uplika nani wal asla kapara; kan baku daukma kaka, twilkaika kum wala wal baku apia ba baku asla prakisma. ¿Kan nahki sip kabia diara wapni ba, diara saura wal ai dukia briaia? ¿Nahki ingni ba tihmia wal ai pânika kabia ki?

Kli Smalkanka 14:2

Kan man nani ba Dawan Gâdkam mihta ra mangkan uplika nani sma; witin mita naha tasba ra iwi uplika nani sut tila wina aihka mai saki yamni mai kulkan sa, witin ai dukia kaia.

Kli Smalkanka 7:6

Man nani ba tawan kum aihka mai sakan sa, Dawan Gâd dukiara. Tawan nani tasba ra ba wina Dawan bui bâk mai sakan, man nani ba tawan kum bâk sakan kaia.

Jasua 22:15

Witin nani sut Galaad ra wan, bahara sika Ruben bara Gad bara Manasés kiamka bakriki ba bâra kata, bara witin nani ra win:

Jasua 23:12

Kan brin ai daukisa man nani naha na kaiki kama: Gâd lâka ba swima, bara naha uplika nani tilamra iwi na wal aiblakma kaka, ban sin wal marit takma kaka kum wala wal, Dawan Gâd naha uplika nani kangbi sakan kabia apia man nani mamwan wina. Sakuna man nani mampara daiwan alkaika tân ba baku kabia, man nani bahara kauhma bara pamhpaya ra klala wipanka baku kabia, kiaya baku sin namkra ra, Dawan Gâd naha tasbaya painkira maikan na kumi sin man nani bri kama apia.