Esdras 8:21 - DAWAN BÎLA AISKA

²¹ Bara Ahavá tingnika un ra, witin nani sut ra maisa pakanka kum daukri, ai kupia kriwan lâka ra plun piras kaia, Gâd wan Dawan mawanra wan saurka dahra sakaia, bara baku sin witin ra makabaia yabal bâk yamni wan brih wabia dukiara.

Esdras 8:21 ပူးပေါင်းရင်းမြစ်များ

2 Kronikas 20:3

Josafat sibrin takan bara witin Dawan ra tniwan. Bara maisa pakan Juda aiska ra plun wahwi ai pura sunbia,

2 Kronikas 20:4

bara Juda uplika nani ba asla takan witin nani Dawan ra hilp makabaia. Juda tawanka nani sut wina sin upla balan.

Esdras 8:15

Bara yang Esdras, uplika nani ba sut asla daukri baha Ahavá awala un kat, bara bahara lapta yumhpa takaski banhri. Bara witin nani ba sut laki kaikri, upla nani ba tilara, prîs nani ba tilara, sakuna baha nani tilara Libai luhpia nani kumi sin sakras kapri.

Esdras 8:31

Kati pas yua 12 ra, yang nani Ahavá tingnika wina taki banhri, Jerusalem ra waia. Wan Gâdka wan tâ baikan yabal ra wan waihla nani bara rausasauhkra nani mihta wina swaki wan sakan.

Nihimaya 9:1

Baha sim katka ra lapta yua 24, Israel luhpia nani plun piras asla taki banhwan, ai kupia kriwan sari tukinka kwalka ba dimi, yamhpus ai purara yakaban;

Ester 4:16

“Bamna man, nanara was, bara Susa ra Ju nani bani wal prawma ba ra witin nani ba sut asla dauki yang dukira puram suns, plun piras bara lî sin diras kira lapta yumhpa dauks, kakna bara tihmia ra, bara yang sin baku daukamna warkki dadaukra nani ba aikuki. Baha ningkara, yang lika king mawanra wamna, lâ krikamna bara ai ikaia kaka ai ikbia si.”

Lawana Nani 137:1

Babilon awala nani lamara iwi, Saion ra luki ini banhwi kapri.

Lawana Nani 5:8

Dawan, yang waihli nani ailal ba mita, man kasakkam ra ai tapahks, man yabalkam yamni bâk ai brih was.

Lawana Nani 5:9

Witin nani sturi kasak aisaras; ¡lukanka bîla tani ba sut aisawan! Ai kârma ba, raiti kwawan baku sa; ¡kunin nani ba ai twisa ra sa!

Lawana Nani 8:2

Tuktan nani mayunra wal, tuktan nani kau tiala di ba mayunra wal sin, kan kahbaika pliska kum paskram waihlam nani mai munan tâka, baku lika man waihlam nani bara pana mamunra nani ba, âpu daukma.

Sins Lâka 3:6

Diara daukisma nani sut ra, Dawan ba tâmra bri bas, bara witin mai brih wabia yabal wapni bâk.

Aiseya 30:21

Bara man kiamam ra wali kama ninam wini naha bîla nani mai wibia: “Naha sika yabal, man nani bahak impaks.” Bara mihtam aihkika ra tawpara, mihtam smihka ra sin apia, tnaya ra sin tawaia apia.

Aiseya 35:8

Yabal tara, yabal sirpi bâra kabia, bara nina mâkan kabia “Holikira kaia yabalka nani.” Diara tâski ba bahak lubia apia; sinskas nani ba, baha yabalka ra sip wapbia apia.

Aiseya 42:16

Bara blain nani ba witin nani kakaira apia, yabalka bâk tapahkamna, witin nani ai mawanra tihmia tara ba ingni daukamni, bara pruamni ba langni daukamna. Baha dîa daukaia aisisna ba kat daukamna.

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Aiseya 58:3

Bara ban sakuna, witin nani wisa: ‘¿Yawan dîa muni kaiki plun wahwaia, Dawan tawi wan kaikras ba? ¿Yawan dîa muni mâyara bawi pât taki kaia, witin baha tânka sin briras ba?’ Sakuna damra wals, man nani kaiki plun piras sma ba yua ra, man nani brinkam ba kat hilpkam daukaia plikisma, bara warkkam tatakra nani ra diara dakbisma.

Aiseya 58:5

¿Man nani lukisma kaiki plun wahwaia sari takisma ba, baha yang yamni kaikisna, lamla makupisma ba snati lapatwan baku, yamhpus tasba ra yakabi kwala siksa dimi baha purara aitnikisma ba? Baha ba man nani wisma: ‘¿Kaiki plun wahwisma ba tânka’, bara baha yua ba yang yamni kaikisna?

Jirimaya 10:23

Dawan, yang kasak daira walisna upla rayaka ba witin mita Dawanka apia sa, ai kanra ai rayaka ra dîa takaia ba alki takaskaia karnika âpu sa.

Jirimaya 42:3

Dawan Gâdkam ra puram suns yang nani nahki dauki waia yabalka ba mairikbia.

Daniel 9:3

Bamna puri sunra bara makabanki ba sut, Dawan wan Gâdka ra aisari, plun piras, kwala almuk saura dimi, yamhpus ra sin iwi.

Joel 1:14

Upla sut ra paiws bara kaiki plun piras tânka ba, dauki banhs; tâ uplika almuk nani bara kuntri ra iwi uplika nani ba sut, Dawan tempelka ra asla dauks, bara ningkara Dawan ra puram suni banhs.

Libait Lâka 16:29

“Naha lâka na sin man nani ban baku dauki kama: mani bani kati 7 yua matawalsip aimaki ba ra, warkkam nani sut takaski si, Israel luhpia sut tringsar nani tilamra iwi ba sut, kaiki plun piras kaia sma.

Libait Lâka 16:31

Baha yua ba sunu kaiki plun piaia apia lâka ba daukaia baman kabia, ris yua sin.

Libait Lâka 23:29

Ya baha yua ba plun pibia kaka, ya kabia kra, upla nani tila wina sakamna.

Jona 3:5

Tawan ra iwi uplika nani sut, tara nani sirpi nani Gâd ra kasak lukan; witin nani lâ daukan plun piaia apia, ai kupia lakan sari tara alkan tânka marikaia upla sut kwala siksa diman.

Jona 3:7

Baha wina wihta tara nani ba aikuki sin tawan aiska ra naku lâ daukan: “Upla kumi sin plun pibiara. Baku sin daiwan nani sut ra plun lî dakakbia apia.

Kulki Kaikanka 14:3

¿Dîa muni Dawan naha tasbaya ra wan brih balan? ¿Yawan aiklabi prubia bara wan maya nani, wan luhpia nani sut sin silak ra kauhaia? ¡Kau yamni sa, yang nani kli Idsip ra tawi waia!”

Kulki Kaikanka 14:31

Sakuna man nani luhpiam nani ba, baha nani waihla ba mihta ra kauhbia aisi banhwatma ba, yang bui witin nani ba yarka baha tasbaya ra dimbia. Bara witin nani baha tasbaya ra liliaka ba bribia, man nani mita kulkras sma ba.

Apastil Nani Sturka 2:39

Naha pramiska na lika man nani bara luhpiam nani sut dukiam sa, bara upla nani laihura banhwi ba sut dukia sin; wibia kaka Dawan wan Gâdka paiwaia luki uplika nani ba dukia sin.

Wihta Nani 20:26

Bara Israel luhpia nani suldiarka sut tawan uplika nani sin kli Betel ra wan, bara Dawan mawanra yu aiska plun piras ai sarka tara bri inan. Dawan mawanra wîna aiska angki, kli wal wapni sakaia sakripaiska dauki Dawan ra yaban.

1 Samuil 7:6

Israel luhpia nani Mispá ra aidruban, bara lî panhki Dawan mawanra tasba ra laikan, prisant kum yabi ba natka kat. Baha yua witin kaiki plun piras, bara ai saurka Dawan mapara daukan ba dahra aisi sakan. Baha yua wina Samuil sin Israel luhpia nani wihtka aimakan.