Esdras 7:28 - DAWAN BÎLA AISKA

²⁸ Bara Dawan bui ai kupia swapnika lâka ba yang ra sin mairikan king ba mawanra, bara ai uplika lâ mariki nani mawanra, lâ dauki uplika tara wala nani mawanra sin, bara kupi lukra bukan karnika sin aikan. Dawanki hilpka karnika ba yang purira kan, baha hilpka wal yang sip katna, Israel luhpia nani kau kulkanka bri nani ba asla daukaia, yang wal balbia dukiara.”

Esdras 7:28 ပူးပေါင်းရင်းမြစ်များ

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

Blasi Sturka 43:14

Gâd karnika tara sut bri ba, baha waitnika kupia ra munbia man nani ra umpira mai kaikaia. Muihkam Simian silak wina saki maikbia, bara Benjamín sin pri swibia. Yang maipa ra, yang na luhpias baku ban naku takaia win sa kaka, luhpias yakan takaskamna si.

Esdras 5:5

Ban sakuna, Ju tâ uplika nani ba Gâd mita kaina kahbi kan bamna, witin nani mita baha warkka nani ba sip takaskras kan, bara baha dukiara king Darío ra ulbi maisa pakan warkka dauki ba, witin dîa wibia ba walaia.

Esdras 7:14

Kan king bara witin ra lâ mariki uplika nani 7 ba wina mai blikisa, Juda bara Jerusalem ra sin wama, Gâdkam lâka mihtam ra brisma ba tânka kat, baha nani ai tânka ba laki kaikaia.

Esdras 7:6

Dawan, Israel Gâdka Moses ra lâ yan smalkan lâka ba, Esdras ba kakaira pali kan, baha smasmalkrika ba Dawan wina karnika yabi kan, baha mita witin diara nani king Artajerjes ra makaban ba sut yan. Baku natka ra Esdras ba Babilon wina kli tawi balan

Esdras 8:1

Naha nina nani na sika, utla bîla bani lalka nani, pamali nani nina ulban wauhkataya ra taki ba, witin nani Babilon wina Esdras aikuki balan ba Artajerjes king aimaki kan piua ra:

Esdras 8:15

Bara yang Esdras, uplika nani ba sut asla daukri baha Ahavá awala un kat, bara bahara lapta yumhpa takaski banhri. Bara witin nani ba sut laki kaikri, upla nani ba tilara, prîs nani ba tilara, sakuna baha nani tilara Libai luhpia nani kumi sin sakras kapri.

Esdras 8:18

Gâd ra tingki, witin mita Serebías ba bri sal wankan, waitna sip pali ba, Libait kum nina Mahli, baha kiamka, bara Serebías luhpia waitna nani, baku sin muihnika nani sin brih balan, sut ba ra 18 upla nani kata.

Esdras 9:9

Yang nani alba nani sna sakuna, taiban bara alba lâka tilara ban wan lulki wan swiras sma; man daukram Persia kingka nani kupia pihni lâka ra yang nani ra tniwan, baku sin rayaki aikram man tempelkam ba kli bukaia, baha sauhki tikan ba tila wina. ¡Man sin wan kaina kahbram Juda ra bara Jerusalem ra sin!

Nihimaya 1:11

Dawan, yang bui man ra mamkabisna puri sunra na man wali kaiks, nampakan nani makabi ba sin, witin nani brin dauki ba sika naha baman sa: man ra yamni mai kulkaia. Bamna yang sin mamkabisna, diara sut yang ra yamni takaia ba aik, king ba sin tatuks bûi yang ra luki tniwaia.”

Nihimaya 2:8

bara wauhtaya wala kum sin ulbi aikbia Asaf ra yaia, witin lika unta ra dus nani pâwi ba king bui yan pura kaiki kan ba, witin tat aikbia tempel kan kahbaika pliska getka nani, utla nani, yang dimaia playka nani ba paskaia dukiara. Bara dîa makabri ba, king baha sut aikan, Gâd kupia yamnika makabri ba yang purira kan ba mita.

Lawana Nani 109:12

Upla kumi sin witin ra umpira kaikras kabia, ai luhpia waitna rau takan nani ba ra sin apia.

Jona 3:7

Baha wina wihta tara nani ba aikuki sin tawan aiska ra naku lâ daukan: “Upla kumi sin plun pibiara. Baku sin daiwan nani sut ra plun lî dakakbia apia.