Esdras 7:25 - DAWAN BÎLA AISKA

²⁵ “Bara man, Esdras, Gâdkam ai sinska lâka dîa man ra maikan ba kat, tawan ra wihta sirpi nani bara wihta tara nani sin mangks, sins lâka wal Éufrates awala muna tani ra upla nani ba sut pura kaiki kabia, baha nani sut man Gâdkam lâka kakaira nani ba, bara tânka briras nani ba sin sut man bui witin nani ra smalki mariks.

Esdras 7:25 ပူးပေါင်းရင်းမြစ်များ

Blasi Sturka 41:38

Bara king fero ai uplika nani ra naku makabi walan: —¿Yawan sip sa ki waitna wala nâra pliki sakaia naha waitnika na baku, Gâd Spiritka bri ba?

Blasi Sturka 41:39

Bara king ba Josep ra tawi win: —Waitna kau âuya mâira sinskira, man wal baku ba wala nâra âpu sa, kan Gâd mita naha diara nani takaia ba tânka sut mamrikan.

1 King Nani 3:28

Bara Israel aiska king lâ daukan ba walan, bara king ra sibrin taki banhwata, kan kaiki banhwan Gâd wina sinska lâka brin lâ kasak ba aisi daukaia dukiara.

2 King Nani 17:27

Baku bamna, Asiria kingka ba mita adar yan: “Prîs nani alba baku bri balram ba wina bahara kum blîks, bara witin nani sin bahara iwbia bara baku sip kabia baha gâdka lâka ba witin nani ra tâ baiki smalkbia.”

1 Kronikas 22:12

Dawan bui diara tânka briaia lâka bara sins lâka ailal maikbia, witin bui Israel kingka mai mangkbia yua ra, bara Dawan Gâdkam lâka nani sut ba kulki kama.

1 Kronikas 23:4

Naha nani wina 24,000 ba lika tempel mâkaia warkka nani ba tâ briaia mangkan, 6,000 ba lika wark tâura mangkan tâ wihta nani kaia,

Esdras 10:4

Bamna man bus, kan naha warkka sika man daukaia sma, yang nani lika man tâm baikamna. Mahka mihtam wark ra mangks, bara warkka na alki dauks.”

Esdras 6:6

Baha ningkara, king Darío mita naha adarka yaban Tatenai ra, baku sin Setar-boznai ai pânika nani sut ra sin, witin nani ba Éufrates awala baila wala muna tani ra wihta tara bara kulkanka bri uplika nani kata: “Man nani Jerusalem wina mahka taki was,

Esdras 7:10

Esdras ba ai kupia aiska kira pali Dawan lâka ba laki kaiki, lâka tânka nani ba briaia plikan, Dawan lâka ba yaka upla sut daukaia, bara Israel luhpia nani ra sin ai lâka nani ba smalkaia, baku sin lâ wala ulban nani ba.

Esdras 7:14

Kan king bara witin ra lâ mariki uplika nani 7 ba wina mai blikisa, Juda bara Jerusalem ra sin wama, Gâdkam lâka mihtam ra brisma ba tânka kat, baha nani ai tânka ba laki kaikaia.

Nihimaya 9:3

Sut pali ai pliska kat bûi kan awar yumhpa, bara Dawan ai Gâdka lâka wauhkataya ba aisi kaiki banhwan, bara awar yumhpa wala ba lika ai saurka nani dahra saki Dawan ra mayuni banhwi kan.

Lawana Nani 19:7

Dawan lâka smalkanka ba kasak yamni pali sa, kan rayaka raya yabisa. Dawan adarka bîla ba kasak ban buisa, ai dahra yamni walras nani ba, sinskira daukisa.

Sins Lâka 2:6

Kan Dawan sika sins lâka wankisa; witin aisi ba wina sika sins lâka bara diara tânka kaikaia lâka ba bal takisa.

Sins Lâka 6:23

Kasak lâ bîla bara smalkanka ba, lamp kum ingni klauhi ba sika; wapni takaia lâka bara kupia kraukaia ba sika, rayaka yabalka ba.

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Matiu 13:52

Baku bamna, Jisas bila: —Lâ Smasmalkra kum kasbrika purara ba kingka aimaki ba lâka tânka ba pain lan takuya ba ra, kiaptin kum baku sa; witinka ai yuyaka nani wina diara raya nani bara almuk nani sin sakaia ba pain kaikisa.

Mark 6:34

Jisas duri tara wina takan piua ra, upla kwâra tara kaikan, bara sari pali lukan witin nani sîp ai sepad âpu baku kan bamna; bara mahka diara ailal smalkan.

Kli Smalkanka 16:18

“Kiamka bani dukiara Dawan Gâdkam bui tawan nani maikan ba ra, wihta nani mangks, kasak rait pali tawan lâka daukaia dukiara.

Kolosi 1:28

Yang nani Kraist dukiara smalkisna, upla nani sut ra kupia krauki smalki banhwisna sins tânka manis ra baku dauki Kraist ra kasak wapni brih waia dukiara.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.