Esdras 6:3 - DAWAN BÎLA AISKA

³ “King Ciro, witin king aimakan pas manka bilara, naha adarka nani yan ulban: ‘Gâd tempelka Jerusalem ra ba dukiara lika: Utla tara playka nani ba bapi, bara kli mahka mâkbia, bahara sakripais dauki kaia dukiara; tempelka ba naku yahpika bri kabia: 90 pît purara, bîla yahpika sin 90 pît;

Esdras 6:3 ပူးပေါင်းရင်းမြစ်များ

2 Kronikas 2:3

Baha ningkara Salaman bui Hiram Tiro kingka ra ai bîla blikan wiaia: “Yang aisiki Debit wal aisi lâ daukram ba baku yang ra dauks. Man yalam dusa nani klaki witin ra blikram, king watla mâki bahara iwaia.

2 Kronikas 2:6

Ban sakuna, ¿ya pali ba sip sa tempel watla kum mâkaia, kasbrika purara ai yahpika wal sip alki briras? ¿Bara yang na ya sna, tempel kum mâkaia ban kra kîa yamni angki kulkaia baman dukiara?

2 Kronikas 36:22

Ciro king aimakan pas mani alkan ba ra, Persia kingka ba, Dawan bîla Jirimaya aisinka ba aimakbia dukiara, Dawan ba Ciro ra tâ baikan, king tasbaya aiska ra ulbi lakaia naha lâka nani ba:

Esdras 1:1

Ciro Persia kingka witin nan king aimakan ba manka ra, Dawan bui Jirimaya ra aisan ba yaka aimakaia dukiara, Dawan mita Ciro spiritka ba tatukbi bukan Dawan bîla ba yaka tasba aiska ra bara ai kingka lâka bri ba ra tasbaya ra sin maisa pakbia ai bîla aisanka ni, baku sin wauhkataya ra ulbi naha lâka ba yan:

Esdras 1:2

“Ciro, Persia kingka ba, naku wisa: Dawan, kasbrika nani laih purara ba Gâdka, witin mita naha kingka tasbaya aiska sut ba yang mihti ra mangkan sa, bara Jerusalem ra tempel watla kum mâkamna ai win, baha lika Juda tasbaya ra ba.

Esdras 3:7

Walpa bara dus ni utla mâmakra nani ra lalah yaban, bara plun, wain bara batana laya nani Tiro bara Sidón uplika nani ra yaban, Líbano wina kabuk yalam tatka nani ba Jope kat bri balaia dukiara, Persia kingka Ciro adarka baku daukbia win kan ba kat dauki banhwi kan.

Esdras 6:14

Bara baku, Ju nani tâ uplika ba wark tara ba ban dauki ai kainara brih waia sip kan, prapit nani Hageo bara Sakaraya aisan ba kat, witinka na Idó luhpia kan ba. Baku bamna, Israel Gâdka win ba kat paskan, Persia kingka ba adar win kan ba kat sim katka ra.

Lawana Nani 122:4

Bahara sika Dawan uplika kiamka nani uli auya ba, Dawan nina mayunaia, dîa Israel ra win ba baku.

Param Marikanka 21:16

tawan ba skwir pali kata; yarika ba, bîla yahpika wal baku kan. Insalka ba kulkaia dusa ba ni tawan ba kulki kaikan, bara baha ba 1,500 mail bri kan; yarika ba bîla yahpika ba purara ba sut kumi baku kan.