Esdras 6:10 - DAWAN BÎLA AISKA

¹⁰ bara baku lika sip kabia Gâd laih purara ba ra sakripais angki, witin yamni kaiki ba dauki, king bara ai luhpia nani dukiara sin ai pura sunbia.

Esdras 6:10 ပူးပေါင်းရင်းမြစ်များ

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

Esdras 1:2

“Ciro, Persia kingka ba, naku wisa: Dawan, kasbrika nani laih purara ba Gâdka, witin mita naha kingka tasbaya aiska sut ba yang mihti ra mangkan sa, bara Jerusalem ra tempel watla kum mâkamna ai win, baha lika Juda tasbaya ra ba.

Esdras 6:9

Yu bani prîs nani ai warkka Jerusalem ra daukaia dukiara, dîa dîa want ba yabi bas, witin nani dîa makabi ba dukia nani, bîp wainhka bara sîp wainhka nani baha ba aiska angki Dawan ra yabaia dukiara sa, baku sin plawar, sâl, wain, oliv batana sin yabi bas,

Esdras 7:23

“Diara sut kasbrika purara iwi Gâdka ba, ai tempelka paskaia dukiara makabia ba isti pali yabia, baku daukbia ba ra, king tasbaya aiska ra bara ai luhpia nani purara sin klala blîkbiara sîa.

Impakan Sturka 12:32

Bîpkam bara sîpkam nani sut sin brih was, man brin mai dauki kan ba baku, man nani taki was. Bara yang dukira Dawan ra puri suns.

Jirimaya 29:7

Ani tasbaya ra mai blikri tasbaya ba hilpka daukaia man nani wark taki bas, witin hilpka daukaia man nani bui yang ra makas, witin nani yamni kabia bara man nani sin pâwi kama.

Daniel 2:46

Bamna king Nabucodonosor Daniel mawanra ai lula krikan, ai lal ba ban tasba kat makupan, bara wih sakripais bara kîa yamni angki daukbia win.

Libait Lâka 1:13

Baha ningkara ai sakripaiska dauki waitnika ba, kli baha wîna nani ba, kuhma nani, biara nani ba sut sikbia, bara prîs bui baha nani ba brih altar purara angki, kîa pain dauki Dawan pain kiawali ba, prisantka dauki yabia.

Libait Lâka 1:9

Witin wîna ba kau angkras ba ra, tâura biara bara kuhma nani ba sut sikbaia sa. Baha ningkara lika prîs ba baha brih, altar ba purara suni angki, kîa pain dauki, Dawan pain kiawali ba dauki yabia.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.