Esdras 5:12 - DAWAN BÎLA AISKA

¹² Sakuna baha ningkara, yang nani damiki nani Gâdka laih purara iwi ba mapara saura dauki banhri tâwan, Nabucodonosor, witin Caldea uplika Babilon kingka kan ba mihta ra wan mangkan, naha tempelka sin sut sauhki tikan, bara upla nani kan ba alki Babilon ra bri si taiban lâka ra bri kan.

Esdras 5:12 ပူးပေါင်းရင်းမြစ်များ

2 King Nani 24:2

Sakuna Dawan mita Joaquim mapara âimplikra nani Caldea, Siria, Moab bara Amón wina blikan. Baha nani ba Juda mapara blikan sauhki tikbia dukiara, dîa Dawan mita ai prapitka nani bâk aisan kan ba kat.

2 King Nani 25:1

Sedequías king aimakan pat 9 mani bara kati matawalsip piua ra, ai aiklaklabrika daknika tara pali ba aikuki Jerusalem mapara aiklabaia bal, tawanka aiska ba kutban, bara ai tnaya kir ba laih wina kaiki aiklabaia watla nani paski bri kan.

2 Kronikas 36:20

Baha ningkara raya kau nani ba Babilon ra alki brih wan, bahara ai albika daukan, witin ai luhpia nani albika sin, Persia uplika nani ai karnika brin ba kat,

Lawana Nani 106:40

Bara Dawan lika ai uplika nani mapara lawan bara witin nani ra kakaira apia sa win, witin ai uplika nani kan ba.

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Jirimaya 5:29

¿Baha daukanka nani ba tâwan klala yabaia apia katna ki? ¿Baha uplika nani baku daukan mana ba kli yabaia apia sna ki? Yang, Dawan, kasak aisisna.

Jirimaya 51:59

Sedequías ba pat mani walhwal Juda ra king kan, baha manka ra prapit Jirimaya mita Seraías, Neria luhpia waitna Maaseías mulika ba ra kahban kan. Seraías ba king Sedequías yula kahbi Babilon ra waia kan, witin mita king anira dimaia watla ba plikaia kan.

Jirimaya 52:12

Nabucodonosor Babilon kingka pat 19 mani king kan baha manka ra kati matsip, yua matawalsip yua ra, Nebuzaradán, king warkka nani pura kakaira king watla ra aihwakra nani kamandantika ba, Jerusalem ra wan,

Daniel 9:5

yang nani saura yâri, watawi sin dauki banhri, yang nani iwi banhwi katna man ra lukras pali, yang nani bui man lâmka nani bara bapanka lâka nani ba tnaya ra lakri.

Kli Smalkanka 31:17

Sakuna yang kupi baiwanka witin nani purara klauhan kabia, bara yang bui witin nani ra lulki swimni. Witin nani dukiara sin lukamna apia, bara saura sari lâka nani baman balbia ai purara, bara wibia: ‘¿Yawan naha pâtka bri na, wan Gâdka yawan nani wal apia ba mita apia ki?’

Kli Smalkanka 32:30

¿Nahki muni kumi ba mita 1,000 ba munan plapan? ¿Nahki muni wâl ba mita 10,000 ba yaban plapan? Kan Dawan baman witin nani kaina kakahbra ba, witin luki kaikan baha nani ba waihla mihta ra mangkaia.

Wihta Nani 2:14

bara baha mita Dawan ba Israel luhpia nani mapara ai kupia sauhkan, bara âimplikra nani blikan bal ai dukia nani bri kan ba sut implikan. Ai waihla nani ai tnaya kir ba mapara sip aiklabras kan, bara baha nani bal aiklabi witin nani sut pura luan.

Wihta Nani 4:2

bara Dawan ba kli witin nani king Jabín mihta ra mangkan. Jabín ba Kena uplika nani kingka kum kan, Hasor tawanka tara ba wihta aimaki kan. Ai suldiar nani wihtka tara ba nina Sísara mâki kan, bara Haróset-goím tasbaya ra iwi kan.

Wihta Nani 6:1

Sakuna Israel luhpia nani daukanka ba Dawan nakra ra kli saura kaikan, bamna 7 mani witin nani ba kli Madián uplika nani mihta ra mangkan.