Esdras 4:3 - DAWAN BÎLA AISKA

³ Bara Zorobabel, Jasua bara Israel aisika nani bui pana naku win: —Aitani apia kabia yang nani na man nani wal Gâdki watla ba mâkaia, kan Persia kingka Ciro bui ai blikan, yang nani yakan naha na mâkaia, Israel Gâdka watla ba.

Esdras 4:3 ပူးပေါင်းရင်းမြစ်များ

2 Kronikas 36:22

Ciro king aimakan pas mani alkan ba ra, Persia kingka ba, Dawan bîla Jirimaya aisinka ba aimakbia dukiara, Dawan ba Ciro ra tâ baikan, king tasbaya aiska ra ulbi lakaia naha lâka nani ba:

Esdras 1:1

Ciro Persia kingka witin nan king aimakan ba manka ra, Dawan bui Jirimaya ra aisan ba yaka aimakaia dukiara, Dawan mita Ciro spiritka ba tatukbi bukan Dawan bîla ba yaka tasba aiska ra bara ai kingka lâka bri ba ra tasbaya ra sin maisa pakbia ai bîla aisanka ni, baku sin wauhkataya ra ulbi naha lâka ba yan:

Esdras 1:2

“Ciro, Persia kingka ba, naku wisa: Dawan, kasbrika nani laih purara ba Gâdka, witin mita naha kingka tasbaya aiska sut ba yang mihti ra mangkan sa, bara Jerusalem ra tempel watla kum mâkamna ai win, baha lika Juda tasbaya ra ba.

Esdras 1:3

Bamna ya man nani tilamra Dawan uplika bâra sa kaka, Gâd ba man nani wal kabia. Bamna Jerusalem ra was, baha lika Juda tasbaya ra ba, bahara Dawan Israel Gâdka tempelka ba mâkaia, witin sika Dawan, Jerusalem ra iwi ba.

Esdras 3:8

Zorobabel, Salatiel luhpia waitna ba, bara Jasua, Josadac luhpia waitna, witin nani ai pânika prîs nani wal asla ba ra, Libait nani ba aikuki, baku sin kangbi sakan kan kli tawi balan uplika nani sut kira asla pali, mahka kli tempel ba paskaia warkka tâ krikan, naha lika kli Jerusalem ra balan piua wina mani wâl pura kati wâl ra tâ krikan, bara Libait nani 20 mani bri ba wina ai purara uplika nani ba mihta ra mangkan, Gâd tempelka mâkaia warkka ba.

Nihimaya 2:20

Sakuna yang pana witin nani ra naku wîri: —Gâd kasbrika purara bâra ba, yang nani daukisna na sut yamni takaia daukbia. Yang nani witin ai warkka dadaukra nani, naha kutbanka tara kli paski banhwamna. Man nani lika nâra diara kumi sin daukaia lukras sma, diara paskaia smatka âpu nani sma, bara raitkam sin âpu Jerusalem dukiara lukaia.

Aiseya 44:28

Ciro ra yang wisna: ‘Man ba yang sepadki kama, man daukma yang dîa daukaia want sna ba sut’; yang bui Jerusalem ra wisna: ‘Man ba kli mai paskan kabia’; Bara tempel ra sin wisna: ‘Man ra playa tara nani kli bapbia.’ ”

Aiseya 45:4

Duki dadaukra Jekob latwanka lâka ba dukiara, bara Israel sin yang bâk sakri ba, ninam kat mâki mai winri; bara ninam wala sin mâkri man ra mai kulkaia, man ba ai kakaira apia sma sakuna.

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.

Jan 4:9

Sakuna Ju nani ba Sameria uplika nani wal diara briras bamna, mairka ba naku Jisas ra win: —Man ba Ju uplika kum sma, ¿bara nahki man bui yang ra lî diaia makabisma, kan yang na Sameria wina mairka sna na?

Apastil Nani Sturka 8:21

Yang nani warkki na tilara, man dukiam briaia wiria sin âpu sa, kan man kupiam ba Gâd tani ra kasak apia sma bamna.