Esdras 4:2 - DAWAN BÎLA AISKA

² Bara uplika nani ba balan, bara Zorobabel, Jasua bara kiamka bani wihtka nani ra wan kaikaia, bara naku win: —Aik yang nani sin man nani ra tempel mâki tâm baiki banhwamna, kan yang nani sin man nani baku Gâdkam ba briri, bara witin ra yang nani sin daiwan iki angki yabisna, Asiria kingka Esarhadón yua ba wina, witin mita sika nâra wan bri balan ba.

Esdras 4:2 ပူးပေါင်းရင်းမြစ်များ

Blasi Sturka 10:11

Baha Sinar tasbaya wina Asur ra taki wan bara witin sin tawan tara wala nani paskan. Ninibi, Rehobot-ir bara Quélah tawanka ba sin.

2 King Nani 17:24

Bara Asiria kingka ba Babilon wina upla nani brih balan, baku sin Cuta, Avá, Hamat bara Sefarvaim wina, bara naha uplika nani aiska ba Sameria ra swin, Israel luhpia nani watlika ra. Baku witin nani Sameria ba brin bara ai tawanka nani ra iwi banhwan.

2 King Nani 19:37

Bara witin yu kum ai gâdka Nisroc priaska watla ra dimi mayuni kan, bara ai luhpia nani Adramélec bara Sarézer wal bui sord wal klaki ikan, bara Ararat tasbaya ra plapi wan. Ningkara witin ai watlika ra ai luhpia waitna Esarhadón ba king aimakan.

Esdras 1:5

Bahamna Juda bara Benjamín watla wihtka nani, prîs nani, Libait nani, baha nani sut ra Gâd mita spiritka ra tatukbi bukan, Jerusalem ra waia Dawan watla ba mâkaia.

Esdras 3:12

Bara prîs nani, Libait nani bara utla lalka nani manis pat almuk nani ba, witin nani tempel almuk ba kakaira kan, baha mita ai bîla baikra tara saki ini banhwi kata, kan witin nani kaikisa tempel ba kli raya mâkuya ba dukiara; sakuna wala nani lika lilia mita ai pura wini banhwi kan.

Esdras 3:2

Bara Jasua, Josadac luhpia ba, ai pânika prîs nani ba aikuki, baku sin Zorobabel, Salatiel luhpia ba, ai muihni aikuki, witin nani buan Israel Gâdka altarka ba paskaia, daiwan iki baha purara aiska angki Gâd ra yabaia dukiara, Moses, Gâd waitnika, ai wauhkataya ra ulban ba baku, witin nani daukan.

Nihimaya 9:32

“Baku bamna wan Gâdka, Gâd tara sma ba, karnakira, sibrinkira sin, wal aisi lâ daukram ba alki brisma latwankam lâka tara ba wal, man mamwanra ban lulki swipara pât saura nani ailal pali wahwan ba wan kingka nani, wihtki nani, prîski nani, damiki nani bara man uplikam sut, Asiria kingka nani yua nani ba wina naiwa yua kat.

Lawana Nani 73:8

Lawaska kikisa, praut lâka ni bara sinska lâka wal upla ra watawi munaia man plikisa;

Aiseya 37:37

Bara Senaquerib, Asiria kingka ba kli tawi mahka wan Ninibi ra, bahara sika witin takaskan.

Aiseya 37:38

Bara witin yua kumi ra ai gâdka Nisroc priaska watla ra dimi mayuni kan ba ra ai luhpia nani Adramélec Sarézer wal bui sord wal klaki ikan, bara Ararat tasbaya ra plapi wan. Bara witin ai watlika ra ai luhpia waitna Esarhadón ba king aimakan.

Oseas 14:3

Asiria uplika nani sip yang nani ra swaki ai sakras, aras ra uli plapamna kaka sin sip apia. Yang nani mihti ni alki paskri dawanka nani kumi ra sin kli man ba ‘Yang nani Dawanki sma’ wimna apia, kan Dawan, man ra baman sika rau nani ba umpira kaikan lâka ba sakisa.”

Galesha 2:4

Kasak pali, wan muihni kuninkira tila nani yukuwi, yang nani tilira dimi banhwan ba bui lika want kan, Taitus ba Aisa sainka bribia. Naha nani lika biki kakaira nani baku diman, yang nani Jisas Kraist wal asla takri mita pri lâka brisna ba kaikaia, bara kli alba wan daukaia wisi.

2 Timoti 3:8

Bara Janes, Jambrés wal, witinka nani sukia nani kan ba, Moses mapara buan ba baku, baha uplika nani sin kasak tânka mapara bûi banhwisa. Baha uplika nani sinska ba aihka saura takan sa, bara kasak lukan lâka mapa ra witin nani pain aihwa apia sa.