Esdras 4:1 - DAWAN BÎLA AISKA

¹ Juda bara Benjamín uplika wailhka nani ba walan, upla nani alki brih wan kan wina kli tawi balan nani ba, Dawan Israel Gâdka tempelka ba kli paski kan.

Esdras 4:1 ပူးပေါင်းရင်းမြစ်များ

Esdras 1:11

Gul bara silbar dukia nani sut asla prakan ba ra 5,400 nani bâra kan. Naha dukia nani sut ba Sesbasar brih Babilon wina takan, bara kli Jerusalem ra brih wan, upla nani kangbi sakan kan kli tawi aula nani ba wal.

Esdras 10:7

Ningkara winanka kum daukan Juda bara Jerusalem ra upla sut ra alba lâka ra kan kli balan uplika nani ba sut, Jerusalem ra asla takbia dukiara.

Esdras 3:13

Ba mita upla nani na inisa sapa, apia kaka lilia mita ai pura winisa sapa sip tânka briras kan, kan baha binka ba laih wina walaia sip kan.

Esdras 6:16

Israel luhpia nani, prîs nani, Libait nani bara wala nani alba lâka ra kan kli balan nani ba aikuki, lilia tara dauki Gâd mihta ra mangkan.

Daniel 5:13

Bara Daniel ba king mawanra brih wan, bara king bui makabi walan: —¿Man ba Daniel, yang aisiki king Nabucodonosor bui Ju nani bri sal silak ra bri kan ba kumika sma ki?

Daniel 9:25

Naha na kasak pali tânka brin kaia sa: Baha adar maikbia ba wina, kli tawi aidrubi balbia bara Jerusalem ba kli paskan kabia, baha wan wihtka tara ba balbia ba kat, wik nani matlalkahbi luan kaia sa, bara yabal nani Jerusalem tawan kutbanka nani ba kli raya paskan kabia, sakuna 62 wik lubia ra, sari lâka tara piua nani kabia.

1 Korint 16:9

Bahara yang maipa ra sans tara pain kum bâra sa, Dawan warkka pain pali daukaia dukiara, bara upla ailal baha mapara banhwi ba bâra sa.