Esdras 3:11 - DAWAN BÎLA AISKA

¹¹ Upla tila nani Dawan ra aiwani mayuni kan, bara wala nani lika wini aisi kan: “Dawan ra tingki wis, kan witin ba yamnikira pali sa, witin lika Israel dukiara ai kupia swapnika ba ban kaia ra ban sa bamna.” Bara upla nani sut ba Dawan ra wini ai kupia aiska ni mayuni kan, Dawan watla playka nani ba bapi kan ba liliaka.

Esdras 3:11 ပူးပေါင်းရင်းမြစ်များ

1 Kronikas 16:34

“Dawan ra tingki wis witin ba yamni sa bamna ai latwanka lâka ba ban kaia ra sa.

1 Kronikas 16:41

Baku sin witin nani wal swin, Hemán, Jedutún bara wala nani wahbi sakan kata ba naku aiwanaia dukiara: “Dawan ra tingki wi banhs, kan ai latwanka lâka ba ban kaia ra sa.”

2 Kronikas 5:13

Witin nani sut asla taki trumpit nani ba sut kumi baku puhban, pan pruki, miusik pulaia dukia wala nani ba sin bin dauki mayuni Dawan ra tingki wih bara aiwani kan: “Man nani bui Dawan ra mayuns, kan witin yamni sa, kan ai latwanka lâka ban kaia ra sa.” Baha minitka kat, Dawan tempelka ba kasbrika ni banhwan,

2 Kronikas 7:3

Israel luhpia nani sut, pauta klauhan bal iwan ba kaikan bara Gâd prana ba sin kaikan, Gâd watla purara bal iwan ba kaikan, ningkara witin nani sut ai lal makupan tasba kangbaia baila ai mawan nani ba, bara Dawan ra ai pura suni banhwan naku aisi: “Witin ba yamni sa, bara ai kupia latwanka lâka ba ban kaia ra ban sa.”

Nihimaya 12:24

Libait nani wihtka nani ban naha nani kata: Hasabías, Serebías, Jasua, Binuy bara Cadmiel, bara ai pânika nani ba lika aikuki witin nani ai warkka kan ba Dawan ra mayuni tingki wiaia, Debit, Gâd waitnika dîa win kan ba kat daukan, witin nani kumi bani ai piua ba kat ai warkka daukaia.

Nihimaya 12:40

Baha ningkara, baha daknika wâlsut Gâd tempel kat wan, bara yang sin wihtka nani tila aikuki wari.

Lawana Nani 100:5

Kan Dawan ba yamni sa bamna, latwanka lâka ba ban kaia ra kabia, witin kasakka tânka ba ban kaia ra ban bâra kabia.

Lawana Nani 103:17

Sakuna Dawan kupia latwanka lâka ba, ban kaia ra bâra sa, baha nani witin ra pain kulki nani ba ra; ai kasakka lâka ba tnata âpu sa baha kiamka nani sut ra,

Lawana Nani 106:1

¡Dawan nina ba mayunan kabia! Man nani bui Dawan ra tingki wis, kan witin ba yamni sa bamna, ai latwanka lâka ba ban kaia ra ban sa.

Lawana Nani 107:1

Man nani bui Dawan ra tingki wis, kan witin ba yamni sa bamna; ai latwanka lâka ba ban kaia ra ban sa.

Lawana Nani 118:1

Man nani bui Dawan ra tingki wis, kan witin ba yamni sa bamna; kan witin ai latwanka lâka ba ban kaia ra ban sa bamna.

Lawana Nani 131:1

Dawan, yang kupi ra praut lukras sna, naikra nani ai sin pura luan daukras, diara tara aihkakira nani ninara sin yang waras, baha yang sip alkras sna ba.

Lawana Nani 135:3

Dawan ra mayuns man nani, kan witin ba yamni sa bamna; lawana aiwani witin nina mayuns, kan witin kupia yamni sa bamna.

Lawana Nani 47:1

¡Mihtam pruks, upla sut! ¡Dawan ra wins, lilia karna wini mayuns!

Lawana Nani 47:5

¡Dawan Gâd ai iwaika ra iwan, wini, lilia bin dauki, trumpit puhbi kira!

Impakan Sturka 15:21

Bara Miriam witin nani ra aiwani kan: “Man nani bui Dawan ra pain kulkan lâka ra aiwans, aras nani ba, aras âiulra nani ba sin, witin kabu ra rungki tikan bara pura luan lâka aihka painkira, pranakira dauki ai nina mayunan bamna.”

Aiseya 12:6

Liliam bri wini aiwans, Saion ra iwisma ba; Israel Gâdka Holikira, man nani tilamra bâra ba tara pali sa bamna.”

Aiseya 44:23

¡Kasbrika pura, liliakira wins Dawan daukan ba dukiara! ¡Wins raya sa, tasba tihuka nani pali ba! ¡Il nani bara unta ra dus tara nani sin, liliakira wini banhs; kan Dawan ai prana ba marikan, Israel luhpia nani ba swaki sakan bamna Jekob uplika nani ba!

Aiseya 6:3

Bara pana pana ai bîla baikra saki, wini kan: “Holi, holi, holi karnika sut bri Dawanka ba; tasba aiska ba ai prana ni banhwan.”

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Hageo 2:3

“Tempel almuk pranakira pali mâkan kan kaikan uplika nani ba, nanara yawan raya bri na nahki kaiki ba wan wibia. ¿Almuk ba wal praki kaiki ba ra, naha raya na prana lika bahki sa apia?

Sakaraya 4:7

Il tara, ¿man ba ya sma ki? ¡Zorobabel mawanra man ba tasba langni baku takma! Witin sika tempel walpaya wihtka ba, ai watlika ra mangkbia bara upla nani wini kabia: ¡Pranakira sa! ¡Pranakira sa!’ ”

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Luk 1:50

Bara piu bani baha nani witin ra sibrin luki nani ra umpira kaiki kabia.

Jasua 6:10

Sakuna Jasua aiklaklabra nani sut ra win, witin nani bin kumi sin daukaia apia, sâp pali wapi tawi kaia, ahkia witin mita witin nani sut ai karnika aiska ni ai pura winbia wibia ba kat bin daukaia kan.

Jasua 6:16

Prîs nani ba 7 yua ba trumpit puhban, bara Jasua sin upla nani ra win: “¡Nanara man nani sin puram wins! Tawanka na Dawan bui man nani mihtam ra mangkan sa.

Jasua 6:5

Man nani wali kama trumpit puhbi binka ba bin sât aihka kum puhbia, bara upla sut sin ai karnika aiska ni karna ai pura winbia, bara man nani kaikma tawan kutbanka ba sasakwi kauhbia. Bâra mika man nani aihni plapi tawan ra dimma.”