Esdras 2:1 - DAWAN BÎLA AISKA

^1-2 Naha sika Israel luhpia nani Juda tasbaya ra aisubi takan nani ba, king Nabucodonosor mita alki Babilon tasbaya ra brih wan kan ba, baha wina witin nani kli tawi Jerusalem ra balan, bara plis wala nani ra sin. Witin nani ai tâura aimaki balan Zorobabel, Jasua, Nihimaya, Seraías, Reelaías, Mardoqueo, Bilsán, Mispar, Bigvai, Rehúm bara Baaná sin, bara naku kata:

Esdras 2:1 ပူးပေါင်းရင်းမြစ်များ

2 King Nani 25:11

Ningkara tawan uplika nani takaskan kan nani ba Babilon kingka ra tawan nani ba, bara upla wala wark sâtka nani taki ba sut Nebuzaradán kamandantika ba mita alki, Babilon ra brih wan.

1 Kronikas 9:1

Israel kiamka nani ba naku Israel kingka nani wauhkataya ra ulbi mangkan kata. Sakuna Juda uplika nani saurka daukan ba tâwan, Babilon ra blikan wan.

1 Kronikas 9:2

Pas upla nani ai pliska brin nani ba lika Israel luhpia nani prîs nani, Libait nani, tempel ra wark dadaukra nani ba sin.

Esdras 1:11

Gul bara silbar dukia nani sut asla prakan ba ra 5,400 nani bâra kan. Naha dukia nani sut ba Sesbasar brih Babilon wina takan, bara kli Jerusalem ra brih wan, upla nani kangbi sakan kan kli tawi aula nani ba wal.

Esdras 2:70

Bara prîs nani, Libait nani bara tawan uplika nani kum kum ba Jerusalem kat takaski ai watla mâkan, bara aiwawanra nani, dur aihwaki kakaira nani, tempel warkka dadaukra nani, baku sin Israel luhpia nani kau bâra kan nani ba lika, ai tawanka nani kat takaskan.

Esdras 6:2

bara Media tasbaya ra, king watla Ecbatana ra, wauhkataya nani auhbaika pliska wina buk tara kum sakan, baha bukka ra naku ulbi swin kan:

Esdras 8:35

Israel luhpia nani priski alba lâka ra brih wan kan ba wina kli balan nani ba, witin nani bui daiwan nani iki aiska angki Gâd ra yabaia ba yan, witinka Israel Gâdka ba; bara baku sin Israel uplika aiska nina ra yan naha daiwra nani: bîp wainhka nani mani kumi alkan ba 12, sîp wainhka 96, sîp luhpia 77 bara guts wainhka 12 yan, baha daiwra nani ba saurka daukan ba sakripaiska dukiara, bara aiska angkan Dawan nina ra.

Nihimaya 12:1

Naha nani sika prîs nani bara Libait nani sin Zorobabel, Salatiel luhpia waitna, bara Jasua aikuki alba lâka ra brih wan kan wina kli bali banhwan ba: Prîs nani ba: Seraías, Jirimaya, Esdras,

Ester 1:1

Naha na Asuero yua nani ra takan, Asuero India tasbaya ba wina, Etiopía tasbaya ba kat tasba nani 127 kingka aimaki bara tâ bri kan piua ra.

Ester 1:11

kwin mairin Vasti ba prana dauki muni, king kraunka ba wal brih balbia taim upla nani kaikaia dukiara, wihta tara nani sut ra ai prana ba marikaia dukiara, kan witin ba mairin pranakira pali kan ba mita, rait pali witin ba mairin painkira kan.

Ester 1:3

Bara witin king aimakan ba wina, mani 3 luan ningkara, ai warkka uplika nani ra lilia tara pali daukan, Persia wih Media wal tasbaya wihtka nani kau karnakira nani ba mawanra.

Ester 1:8

Ban sakuna, king ba mita adar yaban wihtka nani king watla klin dauki nani pura kakaira nani ra, upla kumi ra sin taibi muni dakakbiara, sakuna paiwan uplika bani ba, nahki pali diaia ai brinka ba kat witin nani ra yabia.

Ester 8:9

Pat pali king wauhkataya âiulbra nani ba paiwan balan. Baha manka ba kati 3 yua 23 ra, apia kaka Siván katka ba bilka ra Mardoqueo dîa win kan ba kat ulban, Ju nani ra, wihta tara nani ra, aiklaklabra wihtka nani ra bara king nani India tasbaika wina Etiopía kat ba tasba nani 127 bâra kan; bara tawan bani ba ai ulbanka kat, bara tawan sirpi nani dîa ai bîla aisinka ba kat, bara Ju nani ra sin dîa ai ulbanka bara ai bîla aisi kan ba kat ulban kata.

Aiseya 48:20

Babilon wina man nani bal taks, Caldea uplika nani tila wina plaps, liliakira wal naha sturka nani wis upla sut ra, bara brih was tasba tâ wala pali kat. Wis: “Dawan ba pri sakan ai dukia dadaukra Jekob ra.”

Jirimaya 50:19

Israel ba ai tasbaya ra kli waia daukamna, sîp kum Carmelo, Basán, Efraín ilka nani tilara, Galaad ra ai pata ailal pali piaia bri ba baku.

Inanka Nani 1:3

Pât nani wahwi wark karna taki taibi ba purkara, Juda ba priski brih wan nanara bahara pât wahwisa. Kainara tawan tilara king aimaki kata ba, nanara ai riska pliska sakras sa. Ai nina bliki nani kan ba mita, aiska prak alki brin sa, bara taiban lâka ra mangkan sa.

Inanka Nani 1:5

Ai waihla nani bui taibi brisa, ai lahmika nani lika pâwisa. Kan Dawan bui yan witin ra pât wahwisa, saurka nani uya daukan ba tâwan. Ai luhpia nani sut upla iwras tasbaya ra brih wan ai waihla nani mita.

Inanka Nani 4:22

Man klalkam ba danh takan sa, Saion tawanka, Dawan ba kli tasbayam wina priskan lâka ra mai blîkbia apia. Sakuna saurkam ra klala yabia, Edom tawanka, bara saurkam sut ba param ra sakan kabia.

Sofonías 2:7

Juda uplika nani baha yua pâtka ra pruras swak takan kabia nani ba, Dawan ai Gâdka, witin nani tâwan aimaki balbia bara ai kuntrika ba bribia, bara piua yamni ra witin nani dimbia. Bara bahara ai daiwra daknika nani ba kaiki tihmia ra Ascalón watla nani ra dimi yapi kabia.

Apastil Nani Sturka 23:34

Wihta tara ra wauhtaya yan aisi kaikan ningkara, makabi walan Pal ba ani wina sapa. Cilicia wina sa win walan ba ra,