Esdras 10:3 - DAWAN BÎLA AISKA

³ Bamna kaiks, nanara yang nani pramis takaisna, man wan smalkisma baku wala nani sin Gâd lâka kulki ba baku, yang nani daukaisna: wan mairka nani ba sut pliska ra bliki banhwaisna, ai luhpia nani sin, bara lâ ulbanka ba aimakbia, man bara wala nani brinkam ba kat.

Esdras 10:3 ပူးပေါင်းရင်းမြစ်များ

2 King Nani 11:17

Baha ningkara Joiadá lâ kum daukan Dawan, king bara upla nani ba kat, bara witin nani ba Dawan uplika nani ai wîna ba kulkan, king bara upla nani ba tila kat sin baku ai wîna ba kulki banhwan.

2 Kronikas 29:10

Baku bamna, yang Dawan wal lâ kum plikisna, witinka Israel Gâdka ba, ai lawanka ba wan tila wina sakaia lâka.

2 Kronikas 30:12

Gâd sin upla nani ba nikban Juda wina king adarka ba kat daukaia, bara wihta nani win ba kat sin, baku Dawan blikan ba kat.

2 Kronikas 34:21

—Dawan ra wih makabi wals yang dukira, upla nani Israel bara Juda kiamka wina kau swin nani ba dukiara, naha wauhkataya ra ulbanka ba tânka; kan naha dukiara Dawan yawan wal ai kupia sauhkisa kaia sa, wan almukka nani Dawan dîa win ba kulkras kan bamna, baku sin dîa sut baha wauhkataya ra ulban ba kat daukras kan bamna.

2 Kronikas 34:27

bara kupiam ra uya luki yang ra mihti ra aimakram bamna naha pliska ra bara ai uplika nani iwi ba mapara aisari ba walram bamna, bara man lika yang ra bawram bamna, kwalkam nani sin kalkram maiwanra, baha mita sin mai walri. Yang, Dawan, mai wisni.

Esdras 10:11

Baku bamna, man nani nanara aisikam nani Dawanka bara Gâdka ba mawanra pâtkira banhwisma ba damra wals, baku bamna Dawan lâka ba alki dauks, idan uplika nani lâka ba wina dakwi taks, baha purkara tringsar mairin nani ba wina sin.

Esdras 10:44

Naha uplika nani sut sika tringsar mairin nani ba ai maya bri banhwi kan ba, sakuna witin nani ba mahka ai tawanka ra blikan wan, bara ai luhpia nani sin.

Esdras 10:9

Bahamna Juda wina waitna nani ba sut, Benjamín wina sin sut aidrubi asla takan Jerusalem ra lapta yua 20, kati 9 alkan bilka ra, wibia kaka, yu yumhpa ra upla nani ba asla takan. Bara baku, witin nani sut Gâd watla latka ra asla iwi banhwan, baha pâtka ba dukiara luki banhwi kan, baha purkara lî sin auhi kan ba tâka mita witin nani tatatwi banhwi kan.

Esdras 9:4

Baha nani Israel Gâdka klalka sibrinka bri nani ba, upla nani kangbi sakan kan kli tawi balan nani ai saurka daukan ba tâka mita, witin nani ba yang ra balan, sakuna yang kupi wirha ban kan, sakripais daukaia piua ba kat.

Nihimaya 10:1

Yang nani sika naha wauhkataya ra nini ulbisna: Yang, Nihimaya, Hacalías luhpia, witinka wihta tara kata ba; Sedequías,

Nihimaya 8:14

Witin nani aisi kaikan, bara sakan Dawan mita Moses ra dîa daukaia win lâka ba bahara ulban kan, Israel luhpia nani ra wibia kati 7 aimaki ba piua ra baha liliaka dauki bara Israel luhpia nani ba utla papakni nani ra dimi kaia sa.

Nihimaya 9:38

Bamna baha sut takan ba tâka mita, yang nani ulbi kasak pramis takisna, bara wauhkataya ba ra yang nani wihtki nani, Libait nani, prîs nani ai nina ulbi sîl prakan.

Lawana Nani 119:120

Wîni aiska ba tatatwisa, man mamwanra; lâka aisi daukram adarka ba mamyunisni.

Lawana Nani 119:59

Yang daukisna ba dukiara kupi ra luki kaikri bara yang kli man lâmka bîla nani walaia daukri.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Aiseya 8:20

dîa daukaia bara dîa aisaia bîla kum wan wibia ba walaia?” Âu, witin nani baku aisabia sika, sakuna tanis lâka kabia.

Isikiel 9:4

Bara win: “Jerusalem lila bâk lui was, bara sain kum mangks upla nani lal purara, baha nani sari bri nani ra, baha saurka nani witin nani ai tilara dauki ba dukiara.”

Kli Smalkanka 29:12

Man nani wal naiwa pramis dauki swer takaia sma, Dawan Gâdkam nani wal lâ daukan ba dukiara.

Jasua 9:6

Bara witin nani Guilgal ra, Israel luhpia nani kiamka ra wan, bara witin nani ra win: —Yang nani laih tasba wala nani wina aulna. Man nani ba yang nani wal lâ kum dauks.