Esdras 10:18 - DAWAN BÎLA AISKA

¹⁸ Naha prîska nani na sika tringsar mairin nani ba ai maya brin ba: Jasua kiamka nani ba wina, Josadac luhpia waitna ba, ai taya nani tila wina: Maaseías, Eliézer, Jarib bara Guedalías,

Esdras 10:18 ပူးပေါင်းရင်းမြစ်များ

Esdras 10:17

Bara kati pas mani tâura katka ba yua pas ba kat, kati yumhpa, witin nani baha waitnika nani tringsar mairin nani brin ba lâka ba aisi danh takan.

Esdras 2:36

Prîs nani Jedaías kiamka, Jasua watla uplika nani wina, 973;

Esdras 3:2

Bara Jasua, Josadac luhpia ba, ai pânika prîs nani ba aikuki, baku sin Zorobabel, Salatiel luhpia ba, ai muihni aikuki, witin nani buan Israel Gâdka altarka ba paskaia, daiwan iki baha purara aiska angki Gâd ra yabaia dukiara, Moses, Gâd waitnika, ai wauhkataya ra ulban ba baku, witin nani daukan.

Esdras 3:8

Zorobabel, Salatiel luhpia waitna ba, bara Jasua, Josadac luhpia waitna, witin nani ai pânika prîs nani wal asla ba ra, Libait nani ba aikuki, baku sin kangbi sakan kan kli tawi balan uplika nani sut kira asla pali, mahka kli tempel ba paskaia warkka tâ krikan, naha lika kli Jerusalem ra balan piua wina mani wâl pura kati wâl ra tâ krikan, bara Libait nani 20 mani bri ba wina ai purara uplika nani ba mihta ra mangkan, Gâd tempelka mâkaia warkka ba.

Esdras 5:2

Bara Zorobabel, Salatiel luhpia ba, bara Jasua, Josadac luhpia ba sin asla taki, bûi banhwan bara Gâd tempelka Jerusalem ra ba kli mâki banhwata. Bara witin nani aikuki kan Gâd prapitka nani, bara warkka taki hilp muni kan.

Esdras 9:1

Baha warkka nani ba sut daukan ba ra, Israel wihtka nani ba yang ra balan bara naku ai win: “Israel luhpia nani, baku sin prîs bara Libait nani ba, naha tasbaya uplika lâka nani wina sip dakwi takras sa: Kenan uplika nani, hitita nani, ferezeo nani, Jebús uplika nani, Amón uplika nani, Moab uplika nani, Idsip uplika nani bara amorreo nani dîa ai natka saura dauki tauki banhwi ba lâka kat taukisa.

Esdras 9:2

Witin nani bara ai luhpia waitna nani ba sin, baha uplika nani luhpia mairin nani wal ai maya brisa; baha mita Gâd uplika nani ba upla wala nani wal miks takisa. Bamna wihta tara bara wihta sirpi nani ba sika, tâ brih baha saurka dauki ba.”

Nihimaya 12:10

Jasua ba Joaquim aisika kan, Joaquim ba Eliasib aisika kan, Eliasib ba Joiadá aisika kan,

Nihimaya 13:28

Bara prîs tara Eliasib luhpia waitna Joiadá luhpia waitna nani tila wina kumika ba Sambalat, Horón wina kata ba dapnika kan, baha tâwan maiwan wina munri plapan.

Nihimaya 8:4

Bara dus ni plis kum paskan kata, bahara uli lâ aisi kaikaia pliska. Bara smasmalkra Esdras ba, baha pliska ra bûi aisi kaikan. Witin ai aihkika ra Matatías, Sema, Anías, Urías, Hilquías bara Maaseías sin bâra bûi kan. Bara ai smihka tani ra lika Pedaías, Misael, Malquías, Hasum, Hasbadana, Sakaraya bara Mesulam kat bûi kan.

Nihimaya 8:7

Bara Libait nani Jasua, Baní, Serebías, Jamín, Acub, Sabtai, Hodías, Maaseías, Quelitá, Azarías, Jozabad, Hanán bara Pelaías, baha nani ba lâ tânka ba laki upla nani ra smalki kan. Bara upla sut lika ai pliska kat ban bâra kan,

Jirimaya 23:10

Kuntrika na ra maya lâka sasauhkra waitnika nani banhwan, diara saura daukaia plapi tauki uplika nani, karnika yan ba ni saura ba daukisa. Baha tâwan Dawan mita tasbaya ba lahtubisa, bara tasba ba lâwan, twi nani sin upla iwras tasbaya ra kan ba aman.

Jirimaya 23:11

Dawan kasak aisisa: “Prapit nani bara prîs nani ba sin saura baman banhwisa; tempelki bilara saura dauki kan alkri.

Jirimaya 23:14

Yang kaikri prapit nani Jerusalem ra bâra ba, diara saura pali daukisa: upla maya lâka krikisa bara upla ra taibisa, baha dauki ba mita watawikira nani ba kau tâ baikisa, upla kumi watawika lâka ba swi si tnaya ra tawras. Witin nani ba bara tawan uplika nani ba Sodoma bara Gomora uplika nani baku sa.

Isikiel 44:22

Mairin piarka takan ba, apia kaka ai maya swin mairka ba, ai maya briaia apia sa. Israel wina tiara aihwa kum, apia kaka prîs prahki maya ba lika ai maya bribia.

Libait Lâka 21:7

“Ur mairin kum wal sin marit takbia apia, baku sin waitna mita alki saura munan mairka bara ai maya wal swin mairka ba wal sin apia, kan bahmuna mairka nani ba Dawan lâka ra holi daukan sa.

Hageo 1:1

Darío mani wâl Persia kingka kan piua ra, kati matlalkahbi, lapta yu kum aimakan ra, Dawan ai prapitka Hageo bâk aisin ai bîla dahra ba; Zorobabel, Salatiel luhpia waitna, Juda tasbaya ra wihta tara aimaki kan ba ra wiaia, prîs tara Jasua, Josadac luhpia ra sin wibia dukiara.

Hageo 1:12

Zorobabel, Jasua, uplika wala nani sut sin, prapit Hageo Dawan bîla dahra aisin ba walan, bara witin nani sibrin daukan, baku aisaia sika Dawan Gâd bui witin ra win ba.

Hageo 2:4

¡Zorobabel, waitna bas! ¡Jasua prîs nani wihtka sma ba, waitna bas! Juda uplika man nani sut sin lukankam karna bris. ¡Wark taks, kan yang lika man nani wal sna! Karnika sut brisna Dawanka, yang aisisni.

Sakaraya 3:1

Baha ningkara, Dawan mita prîs wihta tara Jasua lilka aihka kum marikan, bara witin lika Dawan insalka mawanra bûi kan. Jasua tnaya aihkika ra dahra kwakwahkra ba, sitan sin bahara bûi kan, bara witin mapara mahka aisaia muni kan.

Sakaraya 6:11

Silbar bara gul brima ba ni, kraun nani pasks, bara Josadac luhpia waitna, prîs tara, Jasua lal ra kraun kum mangks.

1 Timoti 3:11

Sim baku hilpa mairin nani ba kulkanka bri uplika nani kaia sa, upla dahra kwakwahkra kaia apia, witin nani ba ai rayaka wapni bri kabia, bara diara sut mapa ra kasak kaia sa.