Esdras 10:1 - DAWAN BÎLA AISKA

¹ Esdras Gâd tempelka ra dimi aisi ai pura suni ai dahra saki kan ba ra, ai lula kriki ai mawan ra kauhi ini, baha dauki kan ba ra Israel luhpia nani dakni kum taki, ai lamara wan: waitna, mairin bara tuktan nani, baha nani sin ai kupia wirha pali ini banhwi kata.

Esdras 10:1 ပူးပေါင်းရင်းမြစ်များ

1 King Nani 8:30

Baku bamna, albikam pura sunra ba walma, bara uplikam Israel luhpia nani sin, naha watla ra bal ai pura suni ba walma. Man iwaikam kasbrika purara pali ba wina wali kama, pâtka ba sin ban swih tikma.

1 King Nani 9:3

bara Dawan bui win: “Yang puram sunra bara makabankam daukram ba sut walri. Yang bui naha tempel daukram na yamnika yâri sa, bahara yang nini ba swiaia ban kaia ra. Bara naha watla ba, yang piu sut main kaiki kamna bara yang sin bâra kamni.

2 Kronikas 20:13

Juda aiska Dawan mawanra bûi kan, mairin nani, luhpia nani sin bara tuktan kau sirpi nani sut.

2 Kronikas 20:9

‘Yawan ra saurka kum aula sa kaka, klala kum baku, war kabia, siknis, apia kaka plun wahwan, yawan naha tempelka mawanra balan kaia sa, kan man naha tempelka ra sma, bara yawan pâtka wahwanka dukiara man ra makabi banhwamni, bara man wan walma, swaki sin wan sâkma.’

Esdras 10:6

Bara Esdras, Gâd tempelka ba wina bûi taki wan bara Eliasib luhpia waitna, Johanán yapaika ra wan, bahara witin plun piras bara lî sin diras ban lalawata, kan ai kupia kriwanka ba kau ban kan baha nani alba wina balan nani saura daukan ba ra luki.

Nihimaya 1:4

Baha sturka nani walri ba ra, yang mahka iwi inri, kupi sin kriwan bara baku yu ailal kasak sari briri, plun sin piras kasbrika purara Gâdka ra puri sunri.

Nihimaya 1:6

Mamkabisni, tihmia ra bara kakna ra man ra puri sunisna na, man nampakan Israel luhpia nani tâwan, kiamam pri tniki yang ra wals. Kaikisni yang nani Israel luhpia nani, man mamwanra saura daukri ba, yang bara aisiki watla uplika nani sut sin saurka dauki banhwan sa.

Nihimaya 10:28

Bara tawan uplika nani kau bâra nani ba, wibia kaka, prîs nani, Libait nani, dur ra aihwawakra nani, aiwawanra nani, tempel ra wark taki nani ba, bara upla wala nani idan nani wina dakwi taki Gâd lâka ra tniwan nani ba, ai maya nani, ai luhpia waitna bara mairin nani aikuki, tuktan nani sut pat diara tânka briaia sip kan nani ba sin,

Nihimaya 8:9

Lâ aisi kaiki ba wali upla sut ini kan, Nihimaya wihta tara ba, prîs smasmalkra Esdras sin; bara Libait nani bui lâ tânka param saki aisi kan nani ba mita upla nani sut sari bri ini kan ba ra win baha yua ba holi kulkaia sa, Dawan ai Gâdka yua sa, bamna sari brih inbia apia.

Lawana Nani 119:136

Naikra laya ba, tingni laya nani baku plapisa, upla nani man lâmka ban brin daukras bamna.

Lawana Nani 32:5

Saurki daukri dahra, yang bui man ra param mai wîri; watawi daukri ba, man ra yukukras kupi wal lâ daukri ba, lâ krikanka daukri daihra ba sut man ra sakri, bara Dawan, man, pâtki nani ba sut ban swih tikram.

Jirimaya 13:17

Man nani naha walras kama kaka, yukuwan ra ini kamna praut lâka brisma ba tâwan; naikra nani wina laya ba plapi kabia, kan silak ra bri auya sa Dawan sîpka daknika ba.

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Daniel 9:20

“Yang ban puri suni kapri bara saurki nani dukiara aisi katna, upliki Israel luhpia nani dukiara sin, Dawan Gâdki ilka holikira ba dukiara makabi katna.

Oseas 14:2

Man nani lika Dawan ra kli tawi bal, bara naku witin ra puram suns: “Yang nani watawi daukri ba sut ban ai kulkpara, bara man ra mamyuni makabi puri suni banhwisna na, kupiam yamni lâka ra bris.

Sakaraya 12:10

“Kupia yamni ai pura suni kaia spiritka wal, Debit kiamka nani ba Jerusalem ra iwi uplika nani ba banhkamni. Bara baha nani witin ra saban ba kat kaikbia, bara witin pura mata sari pali ini banhbia, luhpia waitna kumi baman kan, apia kaka tawahkia kan sarka ini ba baku.

Matiu 3:6

bara ai saurka nani dahra saki banhwi kan nani ba, Jan mita Jordan awala ra tahbi dauki kan.

Luk 19:41

Witin pat Jerusalem lamara balan, bamna tawanka ba kaiki, Jisas baha pura mata ini,

Apastil Nani Sturka 10:30

Bara Cornelio bila: —Pat yu walhwal sa, sim naha awarka baku kan, yang waitla na ra tutni 3 aklak pura sunra dauki kapri, waitna kumi kwala ingnikira dimi yang ra latan takan.

Apastil Nani Sturka 21:5

Sakuna wik kum ba luan ningkara, yang nani mahka taki impakri. Lalukra nani sut ai maya mairin nani, ai luhpia nani aikuki yang nani yuli kahbi tawan ba wina takan, bara auhya ra luli kriki, puri suni banhri.

Roman 9:2

piu bani sarka lâka tara kum brisna, kupi ra sin latwan kum ban brisna,

Kli Smalkanka 31:12

Upla sut asla takan kaia sa, waitna, mairin bara tuktan sin, tringsar nani tawankam ra iwi ba sin lâka na aisi kaikan kabia, bara wali muni Dawan Gâdkam ra kulkaia ba lan takbia, bara ai ulbanka bilara dîa ulban ba kat sin trai kaikbia.

Jasua 7:6

Baha yua Jasua bara Israel almukka nani sut, ai prâka kalkan bara ai lal purara yamhpus yakabi sari bri tukinka ba daukan. Bara baha yua aiska witin nani Dawan lâka auhbaia watla ba lamara ai mawan tasba kat aimakupi bâra kan.

Jasua 8:35

Moses lâka bîla nani win ba sut pali aisi kaikan, kumi sin aisi kaikras swiras kan, Israel luhpia nani sut, mairin nani, tuktan nani, tringsar nani witin nani ai tilara iwi kan ba, sut pali wali kan witin aisi kaiki kan ba.