Esdras 1:7 - DAWAN BÎLA AISKA

⁷ Bara king Ciro ba Dawan watla dukia nani king Nabucodonosor mita Jerusalem wina bri si ai gâdka bahki nani watla ra swin kan ba sin saki kli yaban.

Esdras 1:7 ပူးပေါင်းရင်းမြစ်များ

2 King Nani 24:13

Baha ningkara Nabucodonosor bui Dawan watla ra diara kukan nani bâra kan ba sut pali sakan, baku sin king watla ba wina, bara Dawan watla ra king Salaman mita diara nani gul ni paski swin kan ba aiska saki sauhki tikan.

2 Kronikas 36:10

Bara mani tara bal diman ba piua ra, king Nabucodonosor mita adar yaban Babilon ra brih wabia, Dawan tempelka ra diara nani yus muni dukia nani kau manakira nani ba wal, bara Sedequías ba Juda bara Jerusalem kingka mangkan, witin Joaquín taika kan ba.

2 Kronikas 36:18

Gâd tempelka ra diara nani bâra kan ba, tara, sirpi bara diara manakira nani sut brih wan, king prapatika bara ai uplika nani yuyaka sin sut, Caldea kingka ba bui Babilon ra brih wan.

2 Kronikas 36:7

Nabucodonosor tempel dukia holi kan ba wina bakriki prais brih wan, bara Babilon tempelka ra mangkan.

Esdras 5:14

‘Baku sin gul bara silbar ni paskan dukia nani Ciro mita Jerusalem, Gâd watla wina saki brih wan kan ba, baha nani sin king Ciro mita Babilon gâdka tempelka ba wina sut pali saki Sesbasar wihta tara mihta ra mangkan bara kli bri balan.

Esdras 6:5

Baha purkara sin, gul bara silbar ni paskan dukia nani Gâd watla ra kan king Nabucodonosor wih, Jerusalem tempelka wina saki Babilon ra brih wan nani ba kli yabia, bara Jerusalem ra bri si Gâd watla ra suni swibia.’ ”

Jirimaya 51:44

“Bel, Babilon gâdka ba, klala yabamna, langkan yaba munrika aikabia, nisan nani witin ra kli plapbia apia. ¡Babilon kutbanka nani ba pat kauhan!

Daniel 1:2

Dawan bui ban swin Nabucodonosor Juda kingka Jerusalem ra ba alkaia, bara sin Dawan watla ra diara nani bâra kan ba ailal pali saki briaia. Bara Nabucodonosor lika silak uplika nani ba sut Babilon ra kwahki brih wan, bara Gâd watla ra dukia nani kan ba bri si ai gâdka nani watla ra auhbi swin.

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.