Esdras 1:6 - DAWAN BÎLA AISKA

⁶ Bara baku bamna lamara iwi uplika nani mita tâ baikan silbar, gul, diara wala kukanka nani, daiwan nani, baku sin diara mana tara dukia nani wal, baha purkara tempel watla prisantka sin yaban.

Esdras 1:6 ပူးပေါင်းရင်းမြစ်များ

1 Kronikas 29:9

Bamna upla nani ba lilia takan kan upla nani ailal ai kupia aiska ni diara yan bamna, upla nani ba Dawan ra ai prisantka yan. King Debit sin uya lilia takan.

Esdras 1:4

Bara ya nani kau bâra nani ba tila wina, ai tasbaya swi si mahka plis wala ra auya kaka, ai lamara iwi uplika nani ba mita witin ra tâ baikbia sa silbar, gul, diara wala kukanka nani bara daiwan nani sin yabia. Baha purkara, Gâd watla Jerusalem ra ba prisantka sin.”

Esdras 8:33

Bara lapta walhwal ra gul bara silbar bara diara wala nani gul ni bara silbar ni paskan dukia nani ba, sut paun munri, bara Gâd watla ra prîs Meremot, Urías luhpia ba mihta ra mangkri, witin wal kan Eleazar Finees luhpia ba, Libait nani Jozabad, Jasua luhpia ba, bara Noadías Binuy luhpia ba sin.

Nihimaya 6:9

Witin nani sut pali mita nahki sirang wan ikaia pliki kan, witin nani luki kan wan lukanka swapni takbia bara warkka dauki ba takaskaia; sakuna warkka ba yang kau karna daukri.

Lawana Nani 106:46

¡pura lalura nani ra sin yan ai kupia yamnika lâka wal banhkan!

Lawana Nani 110:3

Uplikam nani ba man ra maikisa man pura luma yua ba. Il holi nani ba purara, lalma kahbi kan diwas laya iwi ba baku, yu bani kau wahma taki kama.

Impakan Sturka 12:35

Uplika nani ba Moses dîa daukaia win ba kat daukan. Baha purkara, Israel luhpia nani Moses adarka kat, Idsip uplika nani ra gul bara silbar ni daukan dukia nani bara kwala nani sin makaban.

Impakan Sturka 12:36

Bara Dawan mita ban baku daukan Idsip uplika nani Israel luhpia nani ra ai kupia pihni lâka ra, witin nani dîa makaban ba sut yaban. Baku natka ra Israel luhpia nani mita Idsip uplika nani dukia sut mihta dakbi brih wan.

Aiseya 35:3

Mihta swapan nani ba man nani mita karna daukma, lula karnika âpu takan nani ba sin man nani mita karnika yama.

2 Korint 9:7

Upla bani dîa yaia ai kupia ra lukan ba kat yaia sa; saura luki baku taiban lâka ni lika apia, kan Gâd mita latwan kaikisa liliakira ni yabi uplika ra.