Esdras 1:4 - DAWAN BÎLA AISKA

⁴ Bara ya nani kau bâra nani ba tila wina, ai tasbaya swi si mahka plis wala ra auya kaka, ai lamara iwi uplika nani ba mita witin ra tâ baikbia sa silbar, gul, diara wala kukanka nani bara daiwan nani sin yabia. Baha purkara, Gâd watla Jerusalem ra ba prisantka sin.”

Esdras 1:4 ပူးပေါင်းရင်းမြစ်များ

1 Kronikas 29:17

Dawanki, yang kaikisna man upla kupia tânka pliki kakaira sma, bara kupia wapnikira ba man yamni kaikisma; baha mita yang kupi wapnikira ni naha diara nani na maikri sa, bara nanara man uplikam nani nahara asla taki banhwan na, liliakira pali wal diara maikan sa.

1 Kronikas 29:3

Baha sut purkara, tempel ba dukiara diara nani brisna tilara, Dawanki tempelka ra latwan kaikisna ba mita, yang pali bui sin ba dukiara yabisna gul bara silbar mani:

1 Kronikas 29:9

Bamna upla nani ba lilia takan kan upla nani ailal ai kupia aiska ni diara yan bamna, upla nani ba Dawan ra ai prisantka yan. King Debit sin uya lilia takan.

2 Kronikas 31:14

Lalma durka main kakaira ba sin Libait kum nina Coré, Imná luhpia, upla nani Dawan ra diara brih warkka ba witin dauki kan pura sunaia warkka ba daukaia Gâd ra yaia ba, witin kaiki kan baha daukaia.

Esdras 1:3

Bamna ya man nani tilamra Dawan uplika bâra sa kaka, Gâd ba man nani wal kabia. Bamna Jerusalem ra was, baha lika Juda tasbaya ra ba, bahara Dawan Israel Gâdka tempelka ba mâkaia, witin sika Dawan, Jerusalem ra iwi ba.

Esdras 1:5

Bahamna Juda bara Benjamín watla wihtka nani, prîs nani, Libait nani, baha nani sut ra Gâd mita spiritka ra tatukbi bukan, Jerusalem ra waia Dawan watla ba mâkaia.

Esdras 9:15

“Dawan Israel Gâdka, man kasak wapni pali sma, ban pât nani tilara man mita daukram, yang nani dakni lupia kum naiwa yua kat kau ban raya kaia, baku yang nani naiwa nâra sna. Yang nani sika pâtkira sna, man kaikisma; baha mita lamamra kaia sip apia banhwisna.”

Impakan Sturka 35:29

Israel waitnika bara mairka nani sut aitani lukan Dawan ra diara yabaia Moses ra win baku. Witin nani ai kupia param ni ai dukia wina mana luha Dawan ra brih balan.

Aiseya 10:21

Upla tila nani baman Jekob tawanka wina, karnika wala mita sip pura luras ba Gâdka ra, tawi balbia.

Apastil Nani Sturka 24:17

“Mani ailal plis wala nani ra baman tauki katna ba wina, yang pali tasbaya ra kli balri, upliki nani ra prisant yaia, bara sakripais sin daukaia.

Galesha 6:2

Pana pana wan walka wirhika ba twilki hilp munaia sa, kan baku lika man nani sip kama Kraist lâka ba aiska pali daukaia.