Esdras 1:2 - DAWAN BÎLA AISKA

² “Ciro, Persia kingka ba, naku wisa: Dawan, kasbrika nani laih purara ba Gâdka, witin mita naha kingka tasbaya aiska sut ba yang mihti ra mangkan sa, bara Jerusalem ra tempel watla kum mâkamna ai win, baha lika Juda tasbaya ra ba.

Esdras 1:2 ပူးပေါင်းရင်းမြစ်များ

1 King Nani 8:27

“Ban sakuna, ¿baha ba kasak sa ki, Gâd ba naha tasba purara iwi kaia? Bara kaiks kasbrika pura ba bara yahpika ba sip alki briras sa, bara nahki sip kabia naha tempel yang bui paski maikri na.

2 Kronikas 2:12

Bara witin kau pura praki win: “¡Dawan ba yamni pali kabia, witinka Israel Gâdka ba, kasbrika pura bara tasba sin paskan ba, bara king Debit ra luhpa kum yan ba sins lâka tara bri ba, diara sut tânkira dadaukra ba bara witin Dawan tempelka ba mâkaisa baku sin king iwaia watla ba!

Esdras 1:5

Bahamna Juda bara Benjamín watla wihtka nani, prîs nani, Libait nani, baha nani sut ra Gâd mita spiritka ra tatukbi bukan, Jerusalem ra waia Dawan watla ba mâkaia.

Esdras 3:7

Walpa bara dus ni utla mâmakra nani ra lalah yaban, bara plun, wain bara batana laya nani Tiro bara Sidón uplika nani ra yaban, Líbano wina kabuk yalam tatka nani ba Jope kat bri balaia dukiara, Persia kingka Ciro adarka baku daukbia win kan ba kat dauki banhwi kan.

Esdras 4:3

Bara Zorobabel, Jasua bara Israel aisika nani bui pana naku win: —Aitani apia kabia yang nani na man nani wal Gâdki watla ba mâkaia, kan Persia kingka Ciro bui ai blikan, yang nani yakan naha na mâkaia, Israel Gâdka watla ba.

Esdras 5:15

Bara Ciro bui Sesbasar ra adar yaban naha diara watla nani na bribia bara Jerusalem tempelka ra brih wabia, bara Gâd tempelka ba sin ai pliska kat kli mâkbia.

Esdras 6:10

bara baku lika sip kabia Gâd laih purara ba ra sakripais angki, witin yamni kaiki ba dauki, king bara ai luhpia nani dukiara sin ai pura sunbia.

Esdras 6:3

“King Ciro, witin king aimakan pas manka bilara, naha adarka nani yan ulban: ‘Gâd tempelka Jerusalem ra ba dukiara lika: Utla tara playka nani ba bapi, bara kli mahka mâkbia, bahara sakripais dauki kaia dukiara; tempelka ba naku yahpika bri kabia: 90 pît purara, bîla yahpika sin 90 pît;

Esdras 7:12

“King Artajerjes bui Esdras ra lakula daukisa, prîs smasmalkra Gâd kasbrika purara bâra ba lâka kakaira ba.

Nihimaya 1:4

Baha sturka nani walri ba ra, yang mahka iwi inri, kupi sin kriwan bara baku yu ailal kasak sari briri, plun sin piras kasbrika purara Gâdka ra puri sunri.

Nihimaya 1:5

Bara witin ra wîri: “Dawan, man laih pura Gâdka, Gâd tara sibrinkira sma, lâ daukisma ba dutki alki brisma, dîa aisi daukram ba kat kulkisma, baha nani man lâmka bîla kulki latwan mai kaiki nani sut ra.

Lawana Nani 136:26

¡Man nani kasbrika pura ba Gâdka ba ra tingki wis, ai latwanka lâka ba ban kaia ra ban sa bamna!

Lawana Nani 85:2

Uplikam watawika lâka pâtka ba swih tikram, bara ai saurka nani kan ba sut sin;

Sins Lâka 21:1

King lukanka ba Dawan mihta ra sa; tingni nani lî plapi ba baku nina blikisa Dawan yabalka ra brin dauki ba kat.

Aiseya 41:2

¿Ya mita lalma tanik yaban bal takan baha kingka piu bani ra pura lui ba? ¿Ya mita nisan nani ba yaban, bara king nani ba yan bawisa, baha ai sordka bara ai pantamangkaika ba inma wahia baku akbi tikamna bara sin baiki sakamna?

Aiseya 44:26

Sakuna yang duki dadaukra aisan ba, yabri daukisa bara bâk saki briri uplika ba lukanka nani ba pain baman takbia. Yang param sakisna, Jerusalem ba kli upla iwan kabia, bara Juda tawanka nani ra sin. Yang daukamni, kli bukan kabia slingwanka nani ba wina.

Aiseya 44:28

Ciro ra yang wisna: ‘Man ba yang sepadki kama, man daukma yang dîa daukaia want sna ba sut’; yang bui Jerusalem ra wisna: ‘Man ba kli mai paskan kabia’; Bara tempel ra sin wisna: ‘Man ra playa tara nani kli bapbia.’ ”

Aiseya 45:1

Dawan mita Ciro ra batana laikan, king baku, mihta wina alkan bara yan nisan nani ra taibaia lâka, bara king nani war aiklabia dukia sut bri ba mihta dakbia. Dawan ba daukan baku takaia, Ciro kainara tawan getka ba param kabia upla kumi sin sip prakras kabia. Bara nanara wisa:

Aiseya 66:1

Dawan aisisa: “Kasbrika pura ba, yang iwaiki watla bara tasba ba, yang mini nani kahbaika sa. ¿Anira sip sa utla kum mâki aikaia? ¿Anira sip sa ris briaia pliska kum dauki aikaia?

Jirimaya 10:11

(Man nani, Israel luhpia nani, idan nani ra wis: “Kasbrika pura ba bara naha tasba na sin paskras gâdka nani ba lap tiwbia; baha nani kumi sin kasbrika munhtara nâra kabia apia.”)

Jirimaya 27:5

Yang karniki tara ba param mariki tasba na paskri, upla nani, daiwan nani diara sut bilara ba sin, bara yaura baha yabaia lukisna ba ra yabisna.

Jirimaya 29:10

“Dawan aisisa: ‘Babilon ra 70 mani piua yari ba lubia ba ra, yang bui man nani ra pramis mai munri ba daukamna man nani ra yamni lukri ba baku tasbayam ra kli mai brih waia.

Daniel 1:21

Bara Daniel ban bahara takaskan Ciro king mani pas aimakan piua ba kat.

Daniel 2:21

Witin mani nani bara piua wala nani ba sin lakisa, king nani ba sakisa bara mangkisa, sinskira nani ra sins lâka ba yabisa, diara tânka bri nani ra tânka bri kaia yabisa.

Daniel 2:28

Sakuna kasbrika purara Gâd kumi bâra sa, upla nani diara tânka briaia sip apia ba param sakisa, bara naika dîa takaia ba king mita man ra pat mamrikan sa, bara man yapi kapram bara yaprisauhkan ra diara aihka nani kaikram tânka. Bara nanara mai wiaisna,

Daniel 4:25

Bara king, man lika upla nani tila wina taki wih daiwan nani tilara takaskma, twi pi kama, wark bîpka nani baku, bara diwas laya ba man puramra kauhi kabia. Baku kama king man mani 7 baha piua man tânka brima ba Gâd Laih Purara iwi ba tasba kingka nani purara king kaia mangki ba.

Daniel 4:32

Upla nani tila wina taki daiwan nani tilara takaskma; bîp wainhka nani baku mani 7 twi pi kama, Gâd baman nisan nani sut purara karnika bri ba tânka brima ba kat, bara witin sika naha tasba ra, ya king kaia ba mangkisa.”

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Daniel 6:25

Bamna king Darío bui upla nani ra, nisan sâtka bani ra, bara bîla sât sât aisi ba sut ra ulbi naku win: “Kupia kumi lâka ba manis man nani ra kabia bara pâwanka ba sin,

Jona 1:9

Jona pana naku win: —Yang lika Hibru, Dawan ra puri sunisna, witin sika Gâd laih kasbrika purara ba, kabu, tasba sin Papaskra ba. Witin ra puri suni mayunisna.