Epesus 6:4 - DAWAN BÎLA AISKA

⁴ Aisa nani bara yapti nani, man nani luhpiam nani ra ai kupia baikaia tatuski kapara, sakuna Dawan latwan lâka ra witin nani ra smalki paks, lâ kat wapni tauki kaia.

Epesus 6:4 ပူးပေါင်းရင်းမြစ်များ

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

1 Kronikas 28:20

Bamna Debit bui Salaman ra win: “Kupiam karna bris bara karna bas, wark ba mihtam ra bris. Si bripara, swapni sin takpara. Kan Dawan Gâdki ba man wal kabia, witin yakan mai lulki swibia apia, tempel warkka ba sut dauki tnata alkma ba kat.

1 Kronikas 29:19

Baku sin luhpi Salaman ra kupia wapni kumi yas, baku mika man lâmka nani ba alki bri kabia, man witniskam bîla nani dîa lâ nani aisi mangkram ba sin, bara baha nani sut ba sin dauki kabia, bara tempel watla ba mâkbia, baha dukiara yang diara nani sut asla daukri ba.”

Sins Lâka 19:18

Luhpiam smalki wips, witin kau man bîlam wali ba piua ra; sakuna kupiam ra lukpara, witin ba âpu ikaia kat.

Sins Lâka 22:15

Tanis lâka ba lika kau tuktan nani ba kupia lukanka tâka sa; sakuna kupia kraukaia klalka ba mita baha wapni daukisa.

Sins Lâka 22:6

Tuktan ba ai rayaka yabalka lâka ba, pain smalki paki bas naiwa piua ra, baku mika witin almuk takbia ba ra, baha wina tnaya ra tawbia apia.

Sins Lâka 29:15

Klala wihki wan kupia kraukanka wal sins lâka wankisa, sakuna tuktan ban swin tauki ba ai yaptika swira daukbia.

Sins Lâka 29:17

Luhpiam ba smalki paks, bara witin ris maikbia, witin bui man rayakam ra sin lilia painkira nani âuyapah maikbia.

Aiseya 38:19

Witinka nani raya ba, baha nani baman, Dawan, mayunra maikbia, naiwa yang daukisna ba baku. Aisika nani ba ai luhpia nani ra naha kasakka tânka na param marikan kabia.

Epesus 6:3

bara baku mika naha tasba ra lilia kama bara piuam sin yari brima.”

Kli Smalkanka 4:9

Baku bamna aman kaiks, diara nani kaikram ba âmya tiki banhpara. Ban kaia ra, sinskam wina sin sâkpara. Man ra yamni kabia luhpiam nani ra bara mulam nani ra sin smalkma.

Kli Smalkanka 6:7

bara luhpiam nani ra ban smalki bas, wamtla ra kama, yabal ra kama sin baha dukiara aisi bas, aitnikisma piua ra, krikrikam wina kli buisma piua ra sin.

Kolosi 3:21

Aisa nani, yarka luhpiam nani ai kupia baikbiara, witin nani ba ai karnikas baku lukaia apia ba mata.

2 Timoti 1:5

Bamna kasak lukankam lâka kunin âpu brisma ba, yang kupi krawisa. Kukikam Loida bara yaptikam Eunice pas baha kasak lukan lâka ba brin, bara yang pain pali kaikisna man sin baha ba brisma.

2 Timoti 3:15

kan tuktan lupia piua wina man ba Ulbanka holikira nani kakaira sma, bara baha nani mita sins maikaia sip sa, bara Kraist Jisas ra kasak lukan lâka bri mita, baha nani sin swaki mai sakaia sip sa.

Jasua 24:15

Sakuna man nani lika Dawan dukia daukan mai daukras kaka, pliki sâks naiwa man nani ya dukia daukaisma ba: man nani damikam nani bui Éufrates awalka un ra iwi kan bara gâd bahki nani ra kulkan ba, apia kaka amorreo nani gâdka bahki nani ra mayuni kan ba naha tasbaya ra. Sakuna yang tani ra lika, waitla uplika sut sin, Dawan dukia dauki banhwamni.

Wihta Nani 13:12

Bara Manoa kli witin ra win: —Man bui yang nani ra ai wiram ba takbia ba ra, ¿yang nani bui tukta ba nahki pakaia sna ki? ¿Yang nani witin wal dîa daukaia sna ki?