Epesus 6:20 - DAWAN BÎLA AISKA

²⁰ Naha smalkanka na dukiara Gâd mita baha lâka tâwan aisaia ai blikan, bara baha tâwan sika naiwa silak ra ai brisa. Puram suni bas, baku mika naha sturka yamni na aitani kat sibrin âpu smalkamna.

Epesus 6:20 ပူးပေါင်းရင်းမြစ်များ

Sins Lâka 13:17

Saki blikan uplika watawikira ba lika swira lâka baman twilkisa, sakuna saki blikan uplika kasakkira ba wan rakaika brih aula.

Aiseya 33:7

¡Kaiks witin nani kupia karnira nani ba, ai bîla baikra latara karna wini aisi ba, kupia kumi lâka daukaia, bîla twatwilkra nani ba tahpla pali inbia!

Aiseya 58:1

Dawan bui ai win: “Sibrin âpu karnikam aiska ni wins, dîa wiaia sma ba alki takaskpara, trumpit baku bîlam baikra buks, bara yang upliki nani ra param wis witin nani maipara buan ba, bara Jekob watla uplika nani ra sin wis saura daukan ba dukiara.

Jirimaya 1:17

Bamna man, kupiam karna bris; was bara yang dîa mai wîri ba baha wis. Man lika witin nani ra sibri apia sma, baha apia kaka yang bui mai munrika man bui witin nani mawan ra tatatwi kama.

Jirimaya 40:1

Dawan Jirimaya ra aisin, aihwawakra nani kamandantika Nebuzaradán Ramá ra witin ba pri sakan ba ningkara. Jerusalem, Juda wina uplika nani Ramá ra bâra kan ba, Babilon ra brih waia, bara Jirimaya sin baha nani tilara priskan bâra kan Nebuzaradán witin wal prawan.

Apastil Nani Sturka 21:33

Bara kamandanti ba, Pal lamara wih alki, adar yan sîn wâl ni priskbia; bara makabi walan witin ba ya, bara dîa sin daukan sapa.

Apastil Nani Sturka 26:29

Bamna Pal bila: —Wiria, apia kaka manis kra, sakuna yang bui Gâd ra puri sunisna, man bara wala nani nâra naiwa ai wali na sut yang wal baku takbia, sakuna naha ai priskan na wal lika apia.

Apastil Nani Sturka 28:20

Baha dukiara sika man nani mai paiwri aikuki prawi, aisi kaikaia. Yawan Israel luhpia nani naika wan kainara diara briaia bîla kaiki ba dukiara sika, naiwa mihti priskan na.

Apastil Nani Sturka 28:31

Pri pali Pal Gâd kingka lâka ba smalki kan, Dawan Jisas Kraist sturka sin. Bara upla kumi sin witin ra trabil munras kata.

Apastil Nani Sturka 5:29

Sakuna Pita bara apastil wala nani sut, naku win: —Yang nani Gâd bîla ba kau walaia sna, upla nani ra lika apia.

2 Korint 3:12

Yang nani kainira diara briaia lukisna ba mita sika, kupi aiska ni aisisna ba.

2 Korint 5:20

Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.

Epesus 3:1

Naha tâwan, yang Pal, Kraist Jisas tâwan silak ra sna, man nani Ju apia nani mampa ra pain kaia ba dukiara.

Epesus 4:1

Baha mita, yang Dawan warkka ba tâwan silak ra sna ba, man nani ra mamkabisna, Dawan mita mai paiwan tânka kat iwi kama, sim piua luan ra nahki kapram ba baku.

Epesus 6:19

Yang dukira sin puram suni bas, aisaia awarka ra Gâd mita bîla nani aikka aisamna, bara baku mika yang sip kamna swaki sakan sturka yamni yukukan ra ba sibrin âpu param aisaia.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

Pilipai 1:7

Aitani pali sa man nani sut dukiamra baku lukamna, uya latwan mai kaikisna bamna, bara yang wal sin asla yamnika nani brisma, silak watla ra kamna kra, wihta nani mawanra sturi yamni ba tâwan kasak pali wisi wih aisi kamna kra sin.

Kolosi 4:3

Yang nani dukira sin puram suni bas, Dawan mita yang nani ra dur kum saki aikbia sturi yamni ba smalkaia; bara Kraist tânka prakan ba sin aisaia, kan naha sin dahra prakan tânka na dukiara silak ra ai brisa.

Kolosi 4:4

Puram suni bas, baku mika yang sip sna ba kat baha tânka ba param pali saki yamna.

1 Tesalonaika 2:2

Man nani pain kaikisma, yang nani na pat kanra Pilipai tawanka ra nahki saura ai wisata bara nahki sin rau ai sauhkata ba, Tesalonaika ra balras katna ba ra. Baku ai muni banhwan, ban sakuna, Gâd mita yang nani ra hilp ai munan ai sturka yamni ba sibrin âpu mai smalki banhwamna dukiara, aiklabanka karna tilara.

2 Timoti 1:16

Dawan Onesíforo watla uplika ba ai yamnika yabia, kan witin aima manis hilp aikan, bara yang silak ra sna ba dukiara sin ai swira lukras kata.

2 Timoti 2:9

Naha sturka yamni tâwan, yang pât nani wahwisna, bara ban sin lâ sasauhkra kum baku sîn ni ai priski ai brisa; sakuna Gâd bîla yamni ba lika sîn ni priskras sa.

Pilimon 1:10

Yang bui man ra Onésimo dukiara hilp makabisna; witin lika naha silak watla na kat, spirit lâka ra yang luhpi baku takan sa.

Pilimon 1:9

sakuna latwan lâka ba nina ra man ra mamkaban ai daukisa. Yang Pal lika pat almuk pali sna, bara nanara sin Kraist Jisas tâwan silak ra ai brisa.

1 Jan 3:16

Dîa ba latwan lâka sapa tânka yawan pain kaikisa, Jisas Kraist yawan wan tâwan ai rayaka ba yan bamna; bara yawan sin wan muihni nani tâwan wan rayaka ba yaban kaia sa.

Judas 1:3

Muihki laitwankira nani, uya pali brin ai dauki kan, baha swaki sakan lâka yawan nani bri ba dukiara man nani ra ulbaia, sakuna nanara daira walisna naha ba daukaia sna, baku natka ra mamkabaia, man nani kasak lukankam ba dukiara aiklabi kama, baha lika aima kum yaban kata Gâd uplika nani ra.