Epesus 6:19 - DAWAN BÎLA AISKA

¹⁹ Yang dukira sin puram suni bas, aisaia awarka ra Gâd mita bîla nani aikka aisamna, bara baku mika yang sip kamna swaki sakan sturka yamni yukukan ra ba sibrin âpu param aisaia.

Epesus 6:19 ပူးပေါင်းရင်းမြစ်များ

Apastil Nani Sturka 13:46

Bamna Pal bara Bernabé wal lika sibrin âpu aisi, win: —Aitani pali kan Gâd bîla na man nani ra pas mai smalkaia. Sakuna man nani mita alki briras, raya ban kaia lâka ba sin brin mai daukras sa kaka, yang nani lika Ju apia uplika nani ra mahka auna.

Apastil Nani Sturka 14:3

Apastil nani ba bahara piua wihka takaskan, bara ai kupia aiska ni sibrin âpu Dawan dukiara aisi kan. Gâd latwanka lâka dukiara aisi kan bamna, Dawan mita kau tâ baiki karnika sin yan, sain nani, wark aihka nani sin daukaia.

Apastil Nani Sturka 18:26

Apolos lika ai lukanka aiska ni Ju nani priaska watla ra aisi kan. Sakuna Priscila bara Áquila wal baha walan ba ra, witin nani mita Apolos ba tnaya ra bri si, kau Dawan yabalka tânka param pali smalkan.

Apastil Nani Sturka 19:8

Pal lika kati yumhpa pali Ju nani priaska watla ra impaki wih, ai kupia aiska ni smalki, bara aikuki sin aisi kan. Witin lika upla nani ba kupia lakaia muni kan, Gâd king aimaki lâka ba dukiara.

Apastil Nani Sturka 2:4

Kumi bani ba Spirit Holikira ni aibanhwan, bara mahka bîla sât wala nani ra aisin, Spirit mita yan aisan ba kat.

Apastil Nani Sturka 28:31

Pri pali Pal Gâd kingka lâka ba smalki kan, Dawan Jisas Kraist sturka sin. Bara upla kumi sin witin ra trabil munras kata.

Apastil Nani Sturka 4:13

Aidrubanka wihtka nani ba mita kaikan, Pita Jan wal lika sibrin âpu kira aisi kan, bara kaikan baha nani wauhkataya uya lan takras kan, upla wala nani wal baku. Bamna tâ iwi banhwata, kan latan kaikan naha nani Jisas wal tauki kan.

Apastil Nani Sturka 4:29

Bara nanara, Dawan, kaiks witin nani sirang wan iki ba, kuna man nampakan nani ra kupia karna dauks, man smalkankam ba sibrin âpu aisaia ba dukiara.

Apastil Nani Sturka 4:31

Ai pura suni takaskan ba ra, witin nani asla taki bâra kan pliska ba nikban; bamna witin nani sut Spirit Holikira ni banhkan kan, bara sibrin âpu Gâd sturka yamni ba aisin.

Apastil Nani Sturka 9:27

Ban sakuna, Bernabé bui witin ba apastil nani ra bri si mariki win, nahki yabal ra Dawan wal prawan ba, bara nahki sin Dawan Saulo ra aisin ba, bara Damaskus ra sin witin sibrin âpu kira Jisas nina bri mâki smalkan ba.

Apastil Nani Sturka 9:29

Witin ai kupia aiska ni Dawan nina bri mâki aisi kan, bara Ju uplika Grik bîla aisi nani ba wal aisi blahwi kan, bamna baha nani mita trai muni kan witin ba ikaia.

Roman 15:30

Muihki nani, yang bui man nani ra mamkabisna wan Dawan Jisas Kraist ba tânka bara Spirit wina latwan lâka wanki ba dukiara sin, aiklabanka ra yang wal asla taki kama, bara yang maita sin Dawan ra puram sunma.

Roman 16:25

Bara nanara, Gâd ra mayunpi, witinka sip pali ba man nani karnakira mai daukaia, dîa yang swaki sakan lâka bara Jisas Kraist tânka sin mai smalkisna ba baku. Naha tânka na lika Gâd kau tasba paskras kan piua wina, diara yukuki bri kata ba nanara param sakan ba sika,

1 Korint 1:5

Kan man nani lika Jisas wal asla sma ba mita, Gâd mita diara sut mapa ra yuyakira nani mai daukan sa, bîla nani aisisma ba mapa ra bara diara tânka nani kakaira sma ba mapa ra sin.

1 Korint 2:7

Sins lâka tânka aisisna na lika, Gâd sinska lâka dahra prakan ba dukiara sika, upla nani wina yukukan ba, kau tasba na paskras kaina wina Gâd bri ba, yawan wan prana dukiara.

1 Korint 4:1

Baku bamna, man nani mita yang nani na Kraist dukia dadaukra nani baku ai kulkaia sma, Gâd dahra prakan tânka nani ba aisi smalkamna wisi wan mangkan ba.

2 Korint 1:11

man nani sin puram sunra bâk hilp wan muni kama kaka. Bara upla manis pura sunra bâk hilp wan munbia kaka, Gâd ai kupia yamni lâka wanki ba dukiara upla manis tingki wibia.

2 Korint 3:12

Yang nani kainira diara briaia lukisna ba mita sika, kupi aiska ni aisisna ba.

2 Korint 6:11

Muihki Korint nani, kunin tânka âpu kira yang nani bui man nani ra aisari, bara yang nani kupi ba man nani ra param kwâki banhri sa.

2 Korint 7:4

Man nani dukiamra uya pali lukisna bara sin âiyapah sna. Pât nani yang nani wahwisna ba tilara, tâi baikisna bara sin lilia pali sna.

2 Korint 8:7

Bamna man nani lika diara sut aitani kat brisma: kasak lukan lâka, smalkaia mapa ra, diara tânka kaikaia lâka, diara sut ra karna munaia mapa ra, bara yang nani ra latwan ai kaikan lâka sin; baha mita, man nani naha latwan lâka warkka na sin manis daukaia sma.

Epesus 1:9

bara witin ai brinka yukukan ra ba sin wan marikan, baha sika witin Kraist bâk diara sut tnata alkaia luki kan ba.

Epesus 3:9

Bara adar sin aikan upla sut yarka kaikbia, Gâd patitara piua wina diara yukuki bri kan ba dîa kata sapa, witinka sika diara nani sut paskan ba.

Kolosi 2:2

Aiklabisni baha nani sut ai kupia nani ra tâ baikanka bribia, aikuki asla latwan lâka ra kabia, bara diara tânka kaikaia kasak ba bribia, bara Gâd tânka yukukan ra ba bribia, baha sika Kraist witinka pali ba;

Kolosi 4:3

Yang nani dukira sin puram suni bas, Dawan mita yang nani ra dur kum saki aikbia sturi yamni ba smalkaia; bara Kraist tânka prakan ba sin aisaia, kan naha sin dahra prakan tânka na dukiara silak ra ai brisa.

1 Tesalonaika 2:2

Man nani pain kaikisma, yang nani na pat kanra Pilipai tawanka ra nahki saura ai wisata bara nahki sin rau ai sauhkata ba, Tesalonaika ra balras katna ba ra. Baku ai muni banhwan, ban sakuna, Gâd mita yang nani ra hilp ai munan ai sturka yamni ba sibrin âpu mai smalki banhwamna dukiara, aiklabanka karna tilara.

1 Tesalonaika 5:25

Muihki nani, yang nani dukira puram suni bas.

2 Tesalonaika 3:1

Tnata ra, muihki nani, yang nani maita puram suni bas, Dawan sturka yamni ba aihni pali plis plis ra wabia, bara baha ba yamni kulki bribia, man nani tilamra takan ba baku.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

Pilimon 1:22

Bara sin, yang yapaiki pliska rum kum ridi dauks; puram suni banhwisma ba mita, kasak lukisna Gâd hilp ai munbia, yang na man nani ra waia.

Hibru Nani 13:18

Yang nani dukira puram suni bas. Kasak luki banhwisni yang nani kupi dahra walra na wapni pali brisni, yang nani diara sut mapara yang nani pain tauki kaia want sna bamna.