Epesus 6:17 - DAWAN BÎLA AISKA

¹⁷ Swaki sakan lâka ba sin lal pura bikaia baku lamla ra baps, Spirit Holikira mita wanki sord ba sin bris, baha sika Gâd bîla.

Epesus 6:17 ပူးပေါင်းရင်းမြစ်များ

2 Samuil 22:36

“Man bui yang kaini kahbi, swaki ai sakisma; kupiam pihni lâka nani ai paki tara ai sakisa.

Aiseya 49:2

Bara yang twisi ba sord malira baku mangkan, ai mihta distika ni ai bikan; bara trisba lipni baku ai daukan, trisba watla ra ai mangki main ai kaikan.

Aiseya 59:17

Dawan ai kasakka lâka ba ni ai lama prakaika kum baku diman. Ai lal ra sin swaki sakan sumurka ba bapan; pana munaia kwalka ba brih bara ai prâka baku diman. Bara ai kupia baiwaia lâka ni ai pura prâka tara baku diman.

Oseas 6:5

Baha mita prapit nani aisin ba baku, yang bui man nani ra yuya baman mai daukri; yang bîli smalkanka ba ni, man nani mai ikri. Kasakki lâka ba ingni baku ingwisa.

Sakaraya 4:6

Bara witin naku ai win: “Naha bîla sika Dawan mita Zorobabel ra aisi ba: ‘Aiklabaia daknika ra luki tniwpara, man karnikam ra sin apia; ban sakuna, yang Spiritki ra luki tniws. Karnika sut bri ba Dawanka aisisa.,

Matiu 4:4

Sakuna Jisas bila: —Ulbanka ra wisa: ‘Upla ba brit mita man raya kabia apia, sakuna Gâd aisi bîla ba wal sin.’

Matiu 4:7

Jisas bila witin ra: —Ulbanka ra sin wisa: ‘Man bui Dawan Gâdkam ra traika kaikpara.’

Epesus 5:26

Kraist naha daukan serts ba holikira sakaia mata, bara lî ni bara ai smalkanka bîla ni klin daukan,

1 Tesalonaika 5:8

Sakuna yawan lika kakna uplika nani, baku bamna, wan dahra pain wali kaia sa. Yawan na kasak lukan lâka bara latwan lâka wal wan kaina kahbaia sa, sim suldiar kum ai lal prakaia dukia ni ai kaina kahbi ba baku. Baku sin yawan na swaki sakan lâka ba wan kanra bîla kaikaia sa.

Hibru Nani 4:12

Kan Gâd bîla ba rayaka brisa, bara karnika sin brisa. Baha ba sika sord mala napa wâl bri ba sut purkara kau mala sa, bara wan sulka bara wan spiritka biara pali ba kat dimi wisa, wan lukutbaika bara wan dusa bîla kat sin. Baha bîla ba mita wan kupia lukanka nani ba bara dîa daukaia luki ba sut sin klir pali sakisa.

Hibru Nani 6:5

Witin nani lika Gâd bîla painkira ba, bara naika balaia tasbaya karnika ba sin pat brih trai kaikan sa.

Param Marikanka 1:16

Ai mihta aihkika ra slilma 7 bri kan, bara ai bîla ba sord napa wâl mala ba baku kan. Ai mawan ba lika ingni kan sim wan yu lapta ai karnika aiska ni ingwi ba baku.

Param Marikanka 12:11

Wan muihni nani witin pura luan sa Sîp Luhpia ba ai tâlia laikan ba mita, diara kasak kat witniska aisi ba mita sin; kan witin nani ai rayaka ba tikaia sibrin âpu, sakuna pruaia lika wilin nani kan.

Param Marikanka 19:15

Ai bîla wina sord mala kum taki kan, baha ni upla sât sât pura luaia dukiara. Witin baha nani purara wihta aimakbia ayan klalka ni, bara witin nani lâka daukbia upla kum ai mina ni wain mâ taibi laya saki ba baku, bara Gâd witinka karnika sut bri ba kupia baiwanka tara wainka ba, baha nani ra yaka dibia.

Param Marikanka 2:16

Baku bamna, kli tawi Gâd ra bal; kan baku daukras sma kaka, pat pali man ra wamna, bara sord bîli wina taki ba ni man nani mampara aiklabamna.

1 Samuil 17:5

Bras ni daukan sumurka bapi kan, prâka ba sin bras ni daukan prâka dimi kan, prâka ba 125 paun bri kan.

1 Samuil 17:58

bara witin Debit ra makabi walan: —Ai wis, wahma lupia, ¿man ba ya luhpia sma? Debit pana win: —Yang lika Jesé luhpia, witinka Betlehem wina ba, king dukia dadaukra.