Epesus 6:14 - DAWAN BÎLA AISKA

¹⁴ Bahamna ban bapi bûi banhwi bas, kasakka lâka kwalka ba ni dims, bara wapni lâka ni kainam suni bas.

Epesus 6:14 ပူးပေါင်းရင်းမြစ်များ

2 King Nani 3:21

Bara Moab uplika nani aiska, king nani ba, witin nani ai mapara aiklabaia auya sa win walan ba ra, witin nani paiwan upla sut, tuktan nani wina almuk pali ba kat, bara ai tasbaya luaika pîska ba kat bal aihwaki banhwan.

Job 29:14

Kasakka lâka bara wapni lâka ba yang wîni pîska kum kata, baha nani ba yang prâika kan bara yu bani dimi kapri.

Aiseya 11:5

Kasakka lâka prâka dimi kabia, wapni lâka sin.

Aiseya 59:17

Dawan ai kasakka lâka ba ni ai lama prakaika kum baku diman. Ai lal ra sin swaki sakan sumurka ba bapan; pana munaia kwalka ba brih bara ai prâka baku diman. Bara ai kupia baiwaia lâka ni ai pura prâka tara baku diman.

Luk 12:35

“Man nani ridi bas, lampkam nani sin klauhi kabia.

Roman 13:12

Tihmia ba pat aihkika luan sa bara yu baiwaia baila sa; baha mita tihmia ra daukanka saura nani ba mahka swiaia sa; bara suldiar kum baku war aiklabaia dukia nani ba buki bri baku, ingni prâka ba yawan dimaia sa.

2 Korint 6:7

diara kasak pali dukiara smalkanka yabi banhwisna ba bui bara Gâd karnika ba mita sin. Aiklabaia dukia wapni pali ba yus muni banhwisna, wan dukiara aiklabi pura luaia ba dukiara bara wan mapara aiklabaia aula ba mapara sin.

Epesus 5:9

kan ingni ba latwan lâka brih aula, kasakka lâka bara rayaka wapni briaia lâka sin.

Epesus 6:13

Baha mita, Gâd bui war aiklabaia dukia nani wanki ba sut buki bris, bara baku lika yua saura ra bapi buaia sip kama, bara baha daukma ba ningkara, ban bapi bûi kama.

1 Tesalonaika 5:8

Sakuna yawan lika kakna uplika nani, baku bamna, wan dahra pain wali kaia sa. Yawan na kasak lukan lâka bara latwan lâka wal wan kaina kahbaia sa, sim suldiar kum ai lal prakaia dukia ni ai kaina kahbi ba baku. Baku sin yawan na swaki sakan lâka ba wan kanra bîla kaikaia sa.

1 Pita 1:13

Baha mita, man nani dîa daukisma ba pain luki bas, bara rayakam ba pain bri bas. Gâd ai latwanka tara ba mita, Jisas Kraist balbia bara yamnika nani maikaia ba kat kainamra bîla kaiki bas.

Param Marikanka 9:17

Baha diara aihka kaikri ba ra, aras nani bâra kan bara âiulra nani ba sin; aras uli nani ba ai lama prakaika bri kan ba lika pauta klauhi baku kan, blu jasint baku kan, bara lalahni sim sulpa baku kata. Araska nani lal ba lika layan lal baku, bara ai bîla nani wina pauta, kiasma bara sulpa sin taki kan.

Param Marikanka 9:9

Ai wîna tara nani ra ayan ni daukan prâka nani baku ni dingkan kan, bara ai tnawa nani binka ba lika, wagin ailal aras nani raski war ra brih plapi dimuya binka baku.