Epesus 6:13 - DAWAN BÎLA AISKA

¹³ Baha mita, Gâd bui war aiklabaia dukia nani wanki ba sut buki bris, bara baku lika yua saura ra bapi buaia sip kama, bara baha daukma ba ningkara, ban bapi bûi kama.

Epesus 6:13 ပူးပေါင်းရင်းမြစ်များ

Smasmalkra 12:1

Man kau wahma bara tiara sma ba yua nani ra, Papaskrikam ra kupiam krauki bas, kau piua saura mai alkras ba ra; mankam nani balbia bara wima: “Baha wal liliaka kumi sin briras kapri.”

Emus 6:3

Mai sauhki tikaia yua tara aula ba dukiara, man nani lukaia want apia sma, sakuna man nani mita sauhki tikanka tara ba aubi brih aulma sa.

Malaquía 3:2

Sakuna, ¿baha yua ba ya bui takaskbia? ¿Ya ban bûi kabia? Witin pauta klauhi baku balbia, angki klin wan sakaia, sup baku wan tâskika nani ba sikbi sakaia dukiara aula.

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

Luk 8:13

Saumuk mâ nani walpa nani tilara kauhan ba lika upla nani sturi yamni ba wali, liliakira brisa, sakuna ai wakia pain briras, piu wiria baman kasak lukuya, kuna traika kaikanka aula ba ra, mahka tnaya ra tawuya.

Roman 13:12

Tihmia ba pat aihkika luan sa bara yu baiwaia baila sa; baha mita tihmia ra daukanka saura nani ba mahka swiaia sa; bara suldiar kum baku war aiklabaia dukia nani ba buki bri baku, ingni prâka ba yawan dimaia sa.

2 Korint 10:4

Kan yawan ra aiklabaia dukia ba lika naha tasba wina apia sa, sakuna Gâd wina karnika brisa, bara ba mita kan kahbaika pliska nani ba sip sa âpu daukaia, baku dahra kwakwahkra nani ra sin.

Epesus 5:16

Piua brisma na pain yus muni bas, kan yua nani na saura sa.

Epesus 5:6

Upla mita yarka bîla bahki aisi kunin mai munbiara, kan bahmuna dukia saura nani wina sika, Gâd klalka tara ba aula, bîla wali daukras nani ba klala yaia dukiara.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

Jems 4:7

Baku bamna, Gâd ra bawi banhs. Sitan mapara dutki bus, bara witin ba man nani wina plapbia.

1 Pita 4:1

Baha mita, Kraist ai wîna ra pât wahwan ba baku, man nani sin pât wahwaia wilin kaia sma. Kan ani uplika pât wahwan kaka, saurka ba mahka swin sa,

Param Marikanka 3:10

Ban bapi buaia lâika ba ban bri kapram, baha ba mita tasba aiska ra trabil balaia piua ba wina ban pain mai bri kamna; baha trabilka ba lika tasba ra iwi uplika sut ra traika kaikbia sa.

Param Marikanka 6:17

Kan lawanka tara yua ba balan sa, ¿bara ya baha mapara ban buaia sip kabia ki?”