Epesus 5:30 - DAWAN BÎLA AISKA

³⁰ kan serts ba witin ai wîna tara sa, bara yawan lika sim baha wîna sirpika nani sa, ai wîna tara bara ai dusa nani wina wan paskan.

Epesus 5:30 ပူးပေါင်းရင်းမြစ်များ

Blasi Sturka 2:23

bamna waitna ba mairin ra kaikan ba ra, naku win: “¡Naha lika yang wînki wina wînka sa bara dusi nani wina dusa! Bamna witin ai nina ba, ‘mairin’ mâkan kabia, kan witinka ba waitna wina brih paskan sa.”

Roman 12:5

Baku sin, yawan na ailal sa, sakuna Kraist ra prakan ba ra, wîna kumi baman takan sa, bara yawan bani wala wal asla wan prakan sa, wîna tara kumi sirpika nani wal asla ba baku.

1 Korint 6:15

¿Man nani kaikras sma ki, man nani kumi bani wînam tara ba Kraist wîna sirpika nani sa? ¿Bara yang na Kraist wîna tara sirpika ba kum brih, rug mairin wîna tara ra bri si mangkamna ki? ¡Sip apia pali!

Epesus 1:23

Bamna serts ba sika Kraist wîna tara, baha sika Kraist banhwanka; bamna Kraist pali mita sin diara nani sut ba banhki pali daukisa.

Epesus 5:29

Bamna upla kumi sin âpu sa witin ai wîna ra misbara kaiki ba, sakuna witin plun dakakisa bara main sin kaikisa, bara Kraist mita serts ra dauki baku,

Kolosi 2:19

Witin nani lika lal pali Kraist ba wal asla apia sa; witinka mita sika wan dakaki, wan paki ba; bara wan wîna tara pîska bani asla dauki ba, Gâd ai kupia ra luki ba kat.