Epesus 5:27 - DAWAN BÎLA AISKA

²⁷ bara baku mika witin ai mawanra bri balan sim serts pranakira baku, taya tâski âpu, bara taya sriwan âpu, dîa dîa bahmuna sâtka wala sin âpu, sakuna holikira bara kasakkira pali.

Epesus 5:27 ပူးပေါင်းရင်းမြစ်များ

Lawana Nani 45:13

¡King luhpia mairin ba dimi aula ai prana tara ba wal! Ai prâka ba gul baku dimisa.

Lawana Nani 87:3

Gâd tawanka, nahki man ba pramna painkira sa wisa:

Yamni Kulki Lawana 4:7

¡Man ba pranakira sma, laitwankira mairin; minam wina lamla kat, pranakira sma! ¡Man wînam ra sauhkan kumi sin âpu!

Aiseya 62:3

Bara man ba mayunra kraunka kum kama, Dawan mihta ra bara king tasbaya kraunka kama man Gâdkam mihta bilara.

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

2 Korint 11:2

Kan yang lika man nani tâmwan lawisna, tâmwan lawanka kum Gâd wina sa; kan man nani ba Kraist mihta ra mai mangkri, bamna brin ai daukisa man nani ba witin mawanra mai brih waia, sim tiara pain kumi waitna kumi kat wal marit taki ba baku kaia.

2 Korint 4:14

Kan yang nani pain kaikisna, Gâd, witinka mita wan Dawan Jisas pruan wina bukan ba, yawan na sin pruan wina kli wan bukbia Jisas wal; bara man nani aikuki wan brih wabia ai mawanra.

Epesus 1:4

Tasba na kau paskras kan ba piua wina, Gâd pat Kraist ra wan praki bâk saki wan brin, witin ai mawanra kaia ai uplika takaia pâtkas kaia, ai latwanka lâka ba mita.

Kolosi 1:22

Kuna nanara, Gâd mita man nani ba witin wal kupia kumi mai daukan Kraist ai wîna tara pât wahwi pruan ba mita. Witin naha daukan, man nani sut witin ai mawanra holikira, tâski âpu bara pâtkas pali kama dukiara.

Kolosi 1:28

Yang nani Kraist dukiara smalkisna, upla nani sut ra kupia krauki smalki banhwisna sins tânka manis ra baku dauki Kraist ra kasak wapni brih waia dukiara.

1 Tesalonaika 5:23

Gâd pali mita, witinka kupia kumi lâka wanki ba, man nani ba witin ai uplika pali mai daukbia, bara spiritkam, sulkam bara wînam tara ba sin tâski âpu yamni bri kabia, wan Dawan Jisas Kraist balaia ba dukiara.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

1 Pita 1:19

man nani ba Kraist tâlia manakira ni pri mai sakan, witinka sîp ai taya ra watawan âpu bara tâski sin âpu baku kan ba.

2 Pita 3:14

Baha mita, muihki laitwankira nani, naha diara nani bîla kaikisma ba ra, dîa sip sma ba kat trai kaiki bas; bara Gâd bui man nani mai kaikbia ba ra, kupia kumi, tâski âpu bara pâtkas nani kama.

Judas 1:21

Gâd latwanka lâka ra ban bas, bara bîla kaiki bas wan Dawan Jisas Kraist mita ai kupia pihni lâka ra, raya ban kaia lâka ba wankbia.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

Param Marikanka 14:4

Naha nani sika mairin nani wal tâski taki banhras kan ba, bamna witin nani sunu ban sa. Witin nani na Sîp Luhpia ba nina blikisa ani anira wabia ba; witin nani na upla nani tila wina swaki sakan sa, bara naha nani sika pas upla nani Gâd dukia bara Sîp Luhpia ba dukia sin.