Epesus 5:25 - DAWAN BÎLA AISKA

²⁵ Maya waitna nani, mayam mairin ra latwan kaiki kaia sma, sim Kraist mita serts ra latwan kaiki baha pura mata ai rayaka pât mihta ra mangkan ba baku.

Epesus 5:25 ပူးပေါင်းရင်းမြစ်များ

Blasi Sturka 2:24

Baku bamna mairin ba dukiara waitna ba ai aisika bara ai yaptika sin swibia, bara ai mairka ra asla prawbia, bara witin nani wal ai tânka brih, wal ai wîna kumi takbia.

Blasi Sturka 24:67

Baha ningkara Aisak bui Rebeca brih wan ai yaptika Sara tintka watla ra, bara witin wal ai maya takan. Aisak Rebeca latwan pali kaikan bara witin ai yaptika pruan kan sakuna, baku ai maisa nihkra ba brin.

2 Samuil 12:3

sakuna umpira ba lika sîp lupia kumi baman atki bri kan. Witin pali bui pakan, sîpka lupia ba ai luhpia nani tilara pakan, ai pata pali wina dakaki kan, ai kapka di ba wina sin dakaki kan, bara ai lama bilara bri yapi kan. Waitnika ba ai sîpka lupia ra uba latwan kan, ai luhpia mairin ra latwan kaiki baku.

Yamni Kulki Lawana 1:11

Gul ni kiama lula painkira dauki maiki banhwamni, silbar wal purak lalaubi praki ni.

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Jan 6:51

Bara yang pali na sika, baha rayaka britka kasbrika purara ba wina bal iwan ba; ya naha britka na pibia kaka, ban kaia ra raya kabia. Baha britka yang mita yabamna ba lika, yang pali wîni tara ba sika. Yang baha yabamna, upla nani sut raya kabia ba dukiara.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

Galesha 1:4

Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Galesha 2:20

Yang lika Kraist wal dus prihni ra pruri; baha mita yang apia sika raya sna ba, sakuna Kraist sika yang ra raya iwisa. Bamna wîni tara mapa ra yang raya sna ba lika, Gâd Luhpia ra kasak lukisna ba mita raya sna, witinka yang ra latwan ai kaiki prura mihta ra ban aimakan ba.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Epesus 5:24

bamna maya mairin nani ba diara sut mapa ra ai maya waitna nani ra pain kulki kaia sa, sim serts mita Kraist ra kulki ba baku.

Epesus 5:28

Bamna maya waitna ai maya mairin ra baku latwan kaikaia sa, sim ai wîna latwan kaiki ba baku. Ya ai maya mairin ra latwan kaikisa kaka, witin ai wîna latwan kaikisa.

Epesus 5:33

Sakuna naha sin wiaia want sa, man nani kumi bani mayam mairin nani ra latwan kaikaia sma sim wînam pali ra baku, bara maya mairin ba ai maya waitna ra kulkaia sa.

Kolosi 3:19

Marit waitna nani, mayam mairin nani ra latwan kaiki bas, bara witin nani mapara lâ karna mangkpara.

1 Timoti 2:6

Jisas Kraist ai wîna tara ba prura mihta ra mangkan, upla sut swaki sakan kaia ba mana aibapaia dukiara; bara naha na ai piua aimakan kat latan marikan kata.

1 Pita 3:7

Man nani, maya waitna nani sin, mayam mairin nani wal diara tânka briaia kat iwi bas. Witin nani ra kulkanka yabi bas, mairin ba kau swapni ba mita baman lika apia, sakuna Gâd ai kupia painka ra, witin nani ra sin pramis daukan rayaka yabaia man nani ra baku. Baku dauki bas bara diara kumi sin puram sunra ba takaskbia apia.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.