Epesus 5:2 - DAWAN BÎLA AISKA

² Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Epesus 5:2 ပူးပေါင်းရင်းမြစ်များ

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

Impakan Sturka 29:18

Bara daiwan aiska ba altar ra suni angkbia, baha kîa yamni ba Dawan ra yamni kulki prisantka yabia.

Impakan Sturka 29:25

Baha ningkara dukia nani ba, witin nani mihta wina saki altar ra suns, daiwan aiska angkaia wîna pliska ra swis, kîa yamni Dawan ra yabaia. Baha lika prisant kum Dawan ra yamni kulki yaban sa.

Libait Lâka 1:13

Baha ningkara ai sakripaiska dauki waitnika ba, kli baha wîna nani ba, kuhma nani, biara nani ba sut sikbia, bara prîs bui baha nani ba brih altar purara angki, kîa pain dauki Dawan pain kiawali ba, prisantka dauki yabia.

Libait Lâka 1:17

Baha ningkara daiwra wîna ba, pîs wâl ra daukbia, tnawa kum ba wâl ra klahbia, sakuna tnawa wala ba lika kalkras kabia, bara baha ningkara wîna ba aiska altar purara angkbia, Dawan ra prisantka kum, kîa witin pain kiawali kaiki ba kat dauki yabia.

Libait Lâka 1:9

Witin wîna ba kau angkras ba ra, tâura biara bara kuhma nani ba sut sikbaia sa. Baha ningkara lika prîs ba baha brih, altar ba purara suni angki, kîa pain dauki, Dawan pain kiawali ba dauki yabia.

Libait Lâka 3:16

Ningkara prîs ba baha nani sut brih, altar ra angkbia, plun angkaia prisantka, kîa painkira Dawan kiawali ba, baha batanka nani sut ba witin bribia.

Emus 5:21

“Man nani aidrubanka tara dauki, mayunra priaska nani daukisma ba sut misbara kaikisna, saura pali kaikisna man nani asla taki banhwisma ba.

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Jan 13:34

Naha lâ raya na, man nani ra maikisni: Pana pana walkam ra latwan kaiki kama. Yang bui man nani ra latwan mai kaikisna ba baku, pana pana walkam ra latwan kaiks.

Jan 6:51

Bara yang pali na sika, baha rayaka britka kasbrika purara ba wina bal iwan ba; ya naha britka na pibia kaka, ban kaia ra raya kabia. Baha britka yang mita yabamna ba lika, yang pali wîni tara ba sika. Yang baha yabamna, upla nani sut raya kabia ba dukiara.

Roman 15:16

Jisas Kraist dukia dadaukra baku Ju apia uplika nani tilara wark daukaia. Baha warkka ba lika Gâd sturka yamni swaki wan saki ba aisi smalkaia, Ju apia uplika nani ba Gâd ra prisant kumi baku yaka pain briaia dukiara, Spirit Holikira mita holi sakan bamna.

Roman 4:25

witin mita Jisas ba yan wan saurka tâwan pruan bara pruan wina kli buan, baku mika Gâd mita kasakkira wan kulkan kaia dukiara.

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

Roman 8:37

Sakuna baha sut tilara, yawan na kau pura lalura sa, witin mita latwan wan kaikan bamna.

1 Korint 16:14

Dîa dîa dauki kama ba, latwan lâka wal dauki bas.

1 Korint 5:7

Baku bamna, saurka îska almuk ba lulki swis, bara man nani ba aiska pali klin kama. Baku mika, plawar akban raya kum îs âpu Insal luan Yua Liliaka ra pi ba banhwi kama, bara yang kasak pali kaikisna man nani ba nanara baku sma. Kan Kraist pali wan Insal luan Yua Liliaka dukia ba yawan dukiara sakripais dauki ikan sa, bamna witin sika Insal luan sîpka yawan bri ba.

2 Korint 2:14

¡Sakuna Gâd ra tingki kabia! Kan witin mita Kraist Jisas ra wan praki yawan na pura lalura nani wan daukisa, bara yawan bâk sin ai smalkanka ba latan marikisa, bara baha ba kîa damni pain kum baku tasba aiska ra kiawalisa.

2 Korint 2:15

Kan yawan na lika Kraist mita, Gâd ra kîa damni yamni painkira angki yabi ba baku sa, bara baha dus nani mâka kiawalisa, swaki saki uplika nani bara tanis tiwi uplika nani sin.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

Galesha 1:4

Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Galesha 2:20

Yang lika Kraist wal dus prihni ra pruri; baha mita yang apia sika raya sna ba, sakuna Kraist sika yang ra raya iwisa. Bamna wîni tara mapa ra yang raya sna ba lika, Gâd Luhpia ra kasak lukisna ba mita raya sna, witinka yang ra latwan ai kaiki prura mihta ra ban aimakan ba.

Epesus 1:4

Tasba na kau paskras kan ba piua wina, Gâd pat Kraist ra wan praki bâk saki wan brin, witin ai mawanra kaia ai uplika takaia pâtkas kaia, ai latwanka lâka ba mita.

Epesus 3:17

kasak lukisma ba mita, Kraist man nani kupiam ra iwi kabia, bara baku mika man nani latwan lâka wakia nani purara karna taki tihu pali bapram kabia,

Epesus 3:19

Bahamna, puri sunisna baha latwanka lâka tânka ba man nani brima, baha tânka ba kau tihu sa tânka wala sut kaikan wan dauki ba wal, bara baha mita Gâd latwanka lâka ni aibanhwan pali kama.

Epesus 4:15

Kau pain sa, latwan lâka spiritka ni yawan diara kasak baman aisi kaia, diara sut ra Kraist wal asla taki pâwi kaia sa, kan witinka sika wîna tara aiska lal ba.

Epesus 4:2

Man nani ba praut âpu bara bawikira bas; wihka sin bîla kaiki kama, pana pana walkam ra latwan lâka ba mariki kama.

Epesus 5:15

Bamna, man nani nahki sma ba aman kaiki bas, sins aitani briras nani ba baku kapara, sakuna sinskira nani bas.

Epesus 5:25

Maya waitna nani, mayam mairin ra latwan kaiki kaia sma, sim Kraist mita serts ra latwan kaiki baha pura mata ai rayaka pât mihta ra mangkan ba baku.

Kli Smalkanka 27:6

Dawan Gâdkam ra bahara sakripais dauki yabi kama,

Pilipai 4:18

Bamna yang lika pat diara nani sut briri, bara pura lui pali. Epafrodito wal prisant nani ai blikram ba ni, dîa dîa luha sna ba sut brisna. Man nani mita ai blikram ba lika dus nani mâka kîa yamni prisantka kum baku kan, sakripais kum Gâd mita pain kaiki bri ba baku.

Kolosi 3:14

Baha sut purkara, latwan lâka kwalka ba dims, baha sika kasakka lâka nani sut asla kumi ra wilkan ba.

1 Tesalonaika 4:9

Wan muihni nani ra latwan kaikaia tânka dukiara lika, yang diara kumi sin âpu sna man nani ra mai ulbaia, kan Gâd pali mita pat mai smalkan sa, pana pana walkam nani ra latwan kaikaia.

1 Timoti 2:6

Jisas Kraist ai wîna tara ba prura mihta ra mangkan, upla sut swaki sakan kaia ba mana aibapaia dukiara; bara naha na ai piua aimakan kat latan marikan kata.

1 Timoti 4:12

Wahma sma ba ra wisi, upla nani mita yarka mai kulkras kabiara; sakuna tânkam ba ni lalukra nani ra lâ yabi bas, bîlam aisisma ba wal, taukisma ba wal, latwan lâka, kasak lukan lâka bara sunu lâka ni sin.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 8:3

Prîs tara bani ba prisant nani bara sakripais nani sin yabaia wisi mangkan sa; bara baku sin, Jisas Kraist ba diara kum yabaia witin bri kaia sa.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

Hibru Nani 9:23

Baku bamna, naha diara nani kasbrika purara dukia lilka nani na diki sakaia, sakripais nani na want kan; sakuna kasbrika purara dukia nani pali sin baha nani purkara kau sakripais yamni nani want sa.

Hibru Nani 9:26

kan baku kan kaka, tasba paskan piua ba wina witin aima ailal pruaia kan. Baku watlika ra, piua nani na pat aimaki na ra, Kraist ba aima kumi baman latan takan ba, baha ba ban kaia ra aitani sa.

1 Pita 4:8

Diara sut purkara, pana pana uplikam ra latwan kaiki bas, kan latwan lâka ba mita saurka ailal ban swih tikisa bamna.

1 Jan 3:16

Dîa ba latwan lâka sapa tânka yawan pain kaikisa, Jisas Kraist yawan wan tâwan ai rayaka ba yan bamna; bara yawan sin wan muihni nani tâwan wan rayaka ba yaban kaia sa.

1 Jan 3:23

Bara witin ai lâka ba sika, ai Luhpia Jisas Kraist ra yawan kasak lukaia, bara pana pana wan walka ra latwan kaikaia, witin mita yawan ra wan win ba baku.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.