Epesus 5:15 - DAWAN BÎLA AISKA

¹⁵ Bamna, man nani nahki sma ba aman kaiki bas, sins aitani briras nani ba baku kapara, sakuna sinskira nani bas.

Epesus 5:15 ပူးပေါင်းရင်းမြစ်များ

2 Samuil 24:10

Sakuna upla sut kulki kaikan ba ningkara, Debit lika witin pâtkira ai dara walan bara Dawan ra ai dahra sakan: —Dawan, yang bui man ra puri sunisni. Upla kulki kaikri ba yang saura tara pali daukri, mamkabisni albikam na ban saurka swi tiks, upla sinskas kum baku yang daukri.

Job 2:10

Job pana win: —¡Mairin, man diara tanis aisapara! Gâd wina diara yamni wanki ba yawan wilinkira brisa kaka, ¿dîa muni diara saura wanki ba sin yawan briras kabia? Baku bamna, baha sut tilara Job ai bîla aisinka ni wiria pan saura yaras kan.

Lawana Nani 73:22

kan yang tanis kum diara tânka sin briras; ¡yang na man mamwanra daiwan kum baku katna!

Impakan Sturka 23:13

“Diara nani sut yang mai wîri ba kat dauki bas. Bara aikrika, gâd wala nani kumi sin dukiara man nani unam nani wina walamnara.

Sins Lâka 14:8

Sinska lâka ba, sinskira ra yaban ai daukanka tânka brisa, sakuna sinskas ba ai sinskas ba mita kunin munisa.

Sins Lâka 15:21

Tanis lâka lika, sins yamni luha uplika liliaka sa; sakuna diara tânka brih luki uplika, ai wapnika ba wapni daukisa.

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.

Matiu 25:2

Tila ba wina, matsip ba sinskas kan, bara matsip wala ba lika sinskira nani kata.

Matiu 27:24

Pailat witin sip diara daukras kan kaikan, bara bin lika kau tara taki kan ba ra, adar yan lî bri sal yabia, bara upla sut mawanra ai mihta nani sikbi, win: —Naha waitnika pruaia pâtka na man nani daukisma; yang baha tilara âpu.

Matiu 27:4

naku win: —Yang saura daukri, waitna pâtkas kum prura pâtka ra mangkri bamna. Sakuna witin nani bila: —¿Bara baha ba yang nani maipara dîa sa ki? ¡Ba lika man kaikma si!

Matiu 8:4

Bara Jisas mita witin ra win: —Kaiks, upla kumi ra sin wipara, sakuna wih prîs ra wînam mariks, bara Moses win ba baku prisantkam yas; baku mika upla nani kaikbia pat rawram ba.

Luk 24:25

Bara Jisas win: —¡Man nani lika sip diara tânka briras sma, prapit nani diara nani aisin dukiara sin pat sip kasak lukras sma!

1 Korint 14:20

Muihki nani, tuktan sirpi nani baku luki kapara. Saura daukaia mapa ra lika tuktan nani baku bas, sakuna lukankam mapa ra lika upla almuk nani baku bas.

Galesha 3:1

¡Galesha uplika nani, tanis nani! ¿Ani sukika pali ba kupiam yabaki alkan? Yang nani smalkanki ba ni man nani namkra kat, Jisas Kraist dus prihni ra saban ba mamrikatna.

Galesha 3:3

¿Nahki man nani ba ban sinskas sma ki? ¿Dîa trai kaikisma, Spirit mita diara nani tâ krikan ba, nanara karnikam ni daukaia plikisma?

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Epesus 5:33

Sakuna naha sin wiaia want sa, man nani kumi bani mayam mairin nani ra latwan kaikaia sma sim wînam pali ra baku, bara maya mairin ba ai maya waitna ra kulkaia sa.

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Kolosi 1:9

Baha mita yang nani baha walri yua ba wina, man nani mamta takaskras puri suni banhwisna, bara Gâd ra yang nani makabisna, man nani ra ai kupia lâka yamnika ba mamrikbia, bara sins lâka sât sât nani sin maikbia, bara diara tânka kaikaia spiritka ba sin.

Kolosi 4:5

Pain tauki bas, kristian apia nani ba wal, bara piua brisma bani ba pain man nani yus muni bas.

1 Tesalonaika 5:15

Aman kaiks, upla kum mita wala ra saura munbia kaka, pana saura munbiara. Sakuna, man nani piua sut pana pana walkam wal diara yamni ba daukaia trai muni bas, bara upla sut wal aikuki sin.

1 Timoti 6:9

Sakuna yuyakira takan dauki nani ba, traika kaikan ra kauhisa, bara brinka karna taniskira ailal alki priski brisa; baha nani sika upla nani ra saura muni ba, bara sauhki tikaia lâka ra bara tanis tiwaia lâka ra sin rungkisa.

Hibru Nani 12:25

Baha mita, aman kaiki bas, bara witinka wan aisi ba ra walaia apia lika wipara. Baha nani ba witinka naha tasba ra Gâd dahra aisi kan ba ra walaia apia win ba, swak takras kata; baku bamna, yawan pali lika kau swak takbia apia, witinka kasbrika purara wina wan smalki wan aisi bara wan nina laki tris tawbia kaka.

Jems 3:13

Man nani tilamra upla sinskira bara diara tânka kakaira kum bâra sa kaka, latan marikbia witin wapni tauki ba lâka ni, ai sinska mita bawikira lâka yabi ba ni.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

Param Marikanka 19:10

Yang insal ba mina kat kauhri, puri suni mayunaia wîri, sakuna witin mita ai win: “Man baku daukpara; kan yang na Gâd dukia dadaukra kum sna, sim man bara muihkam nani baku, Jisas sturka yamni kat kasak lukisma ba baku. Gâd ra puram suni mayuns.” Kan Gâd prapitka nani ba lika, Jisas sturka yamni witniska nani sika.