Epesus 4:8 - DAWAN BÎLA AISKA

⁸ Baha mita Ulbanka ba wisa: “Witin diara nani sut wal kau kasbrika pura ba kat ulan ba ra, priskan uplika nani ailal brih uli wan, bara upla nani ra sin prisant nani yan.”

Epesus 4:8 ပူးပေါင်းရင်းမြစ်များ

Ester 2:18

Bara naha ningkara king pata tara daukan, Ester ra kulkanka yaia dukiara, ai warkka uplika sut bara ai kingka lâka ra wark dadaukra nani sut ba paiwi muni. Ai tawanka ra lal mana nani ba sin alahban king ai tasbaya nani aiska ra, bara sin diara nani ba mana luha yabi kan, ai kupia brinka ba kat.

Lawana Nani 68:18

Gâd, man purara uli watma upla nani priski brih muni, lal mana sakram upla nani wina; bara man mampara babura nani sut ba, Dawan, man ra bawan.

Sins Lâka 30:4

¿Yamna kasbrika purara uli wan bara kli bal iwan? ¿Yamna pâsa nani ba ai mihta kruskan ra alki briaia sip ba? ¿Yamna kabu laya nani ba ai watlika ra alki mangkan? ¿Yamna tasba tnata lainka nani sut dutki bapan? ¡Yang ra ai wipara ai nina ba nu sma, bara kau pali ai luhpia nina ba!

Epesus 4:11

Bara upla nani ra prisant nani yan, tila nani apastil nani kaia, wala nani ra lika Gâd dahra aisaia, bara wala nani ra swaki sakan lâka sturka ba smalkaia, wala nani ra lika sepad nani bara smasmalkra nani kaia.

Kolosi 2:15

Kraist dus prihni ra pruan ba mita, tasba wihtka nani spirit lâka mapara karnika bri nani ra pura luan, ban sin baha nani ra swira tara pali daukan, bara witin baha nani ba alki priski baku, ai pura luan daknika tilara dingki brih auya kan.

Wihta Nani 5:12

“¡Rawi bus, Débora, rawi bus, rawi bus bara lawana kum aiwans! ¡Barac, man, Abinóam luhpia waitna, bus bara uplikam nani priski bri ba, lanhki saki brih was!

1 Samuil 30:26

Debit ba Siclag ra wan ba ra, witin diara nani brin ba wina mânka kum tnaya ra sakan bara Juda ra ai uplika nani almuk nani ra prisantka blikan, naha bîla na wal: “Naha prisantka man nani brisma na, Dawan wailhka nani ba wina dakbi briri ba wina mânka kum sa.”