Epesus 4:30 - DAWAN BÎLA AISKA

³⁰ Gâd Spiritka Holikira ba sarka paskpara, kan man nani aihka saki mai muni baha sim Spiritka Holikira ni, Gâd dukia kaia wisi sîl mai mangkan sa, aiska mai swaki sakan kaia yua witin maikbia ba kat.

Epesus 4:30 ပူးပေါင်းရင်းမြစ်များ

Blasi Sturka 6:3

Bara Dawan aisin: “Yang bui upla ba ban swirka raya kabia apia, kan kasak pali sika witin ba wîna baman sa, bamna ai yua nani ba mani 120 baman kabia.”

Blasi Sturka 6:6

Bara Dawan sari takan, tasba ra upla paskan ba dukiara. Witin ai kupia ra praut lâka brin,

Lawana Nani 78:40

¡Aima an Gâd bîla wali daukras kan bara upla iwras tasbaya ra yaban pât wahwan!

Lawana Nani 95:10

Baha kiamka nani ba wal 40 mani kupi sauhki katna, bara wîri: ‘Naha uplika nani sut tiwi wataukisa; yang lâika bîla nani wali daukras.’

Aiseya 43:24

Man nani yauhrus kîa yamnikira ba yang duki atkras katma prisantka baku sal aikaia, sakripais ra wîna batanka nani ni banhkras katma, ban sakuna, man nani saurkam wirhika yang purira kahbram, watawikam lâka ni ai swapkram.

Aiseya 63:10

Sakuna witin nani Dawan mapara babura nani takan, Dawan holikira lâka ba witin nani mita kupia baikaia daukan; baha mita witin baha nani ba waihla takan bara witin nani ra aiklaban.

Aiseya 7:13

Bara Aiseya bui win: “Nanara man nani wals, Debit king watla bilara sma uplika nani. Man nani mampara diara saura sa, upla ra trabil muni swapni sakaia ba, ¿ban sakuna man nani, yang Gâdki ra sin baku munaia lukisma ki?

Isikiel 16:43

Man âmya tikram tiara katma ba, bara kasak kupi sauhkram daukankam nani saura ba ni, yamni kaikras sna ba wal; baku bamna, klala maikamna baha daukankam ba tâwan. Yang, Dawan, kasak aisisna.

Oseas 13:14

¿Prura tasbaya wina witin nani ba pri sakamna ki? ¿Prura wina witin nani ba swaki sakamna ki?... Prura, ¿anira sa, man karnikam sauhki wan tatikra ba? Prura tasbaya, ¿daukankam saura nani ba anira sa? ¡Naha uplika nani dukiara, kau kupi latwan bri kamna apia!”

Mark 3:5

Bara Jisas lawi pali kir kaikan, sakuna sari pali sin takan, witin nani tânka briaia briras kan bamna. Bara skahwa waitna ra win: —Mihtam ba sakbram. Bara sakban, ai mihta ba pain takan.

Luk 21:28

Naha diara nani na mahka takaia ba ra, kupiam karna dauki, lamla ba purara buks, kan pri sakan lâka ba pat baila sa.”

Jan 3:33

Sakuna ani uplika kasak lukisa kaka, witin param marikisa Gâd bui dîa aisi ba kasak pali sa;

Apastil Nani Sturka 7:51

“Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

Roman 8:11

Jisas Kraist pruan nani tila wina bukan Gâdka Spiritka ba man nani ra raya sa kaka, sim Kraist pruan wina bukan Gâdka Spiritka ba wînam tara prui kira nani ra raya kaia lâka kli yabia, Spirit man nani ra raya iwi ba mita.

Roman 8:23

Paskanka aiska ba baman pât wauhras, sakuna yawan pali na sin pât wahwisa, naika wan dukia briaia ba tawahkia baku pat yawan Spirit ba brisa kuna. Wan kupia mununhtara latwan kum brisa, bara yawan lika Gâd luhpia nani baku wan briaia piua ba bîla kaiki banhwisa, bara baha piua sika wan wîna tara aiska ba pri sakan kabia.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

1 Korint 15:54

Bara yawan wan iwanka ra saurakira tânka ba, sip kli saura daukras lâka ba bribia, yawan wan wîna pruaia lâka bri ba sip kli pruras ra tawbia kaka, baku mita aimakan kabia Ulbanka ra dîa ulbi swin ba: “Prura ba sauhki tikan sa pura luanka ba mita.

1 Tesalonaika 5:19

Man nani Spirit pâta ba daskpara.

Hibru Nani 10:29

Bamna, Gâd Luhpia ra ai mina ni taibi uplika ba, bara tâlia ra bahki kulki ba, bara kupia yamni Spiritka ra sin saura muni ba mapara, ¿nahki kabia ki? ¡Man nani luki kaiks nahki witin ba kau klala saura pali briaia ba! Kan baha tâlia mita sika lâ daukan ba karna saki ba, bara baha ni sin uplika ba holikira daukan sa.

Hibru Nani 3:10

Baha mita yang baha uplika kiamka nani mapara lawi, naku aisari: ‘Witin nani ai kupia ra piu sut aimawahki taukisa, bara yabalki nani ba kakaira takan daukras sa.’

Hibru Nani 3:17

¿Bara ya uplika nani wal, 40 mani Gâd lawi kan? Witin lawi kan saura daukan uplika nani ra, bara witinka nani ba upla iwras tasbaya ra kauhi prui banhwan.

Wihta Nani 10:16

Bara witin nani idan gâdka bahki nani ba mahka ai tila wina slingbi saki si Dawan ra mayunan, bara Israel luhpia nani pât wahwi ba kaiki, bara Dawan kau ban sip ai kupia karna daukras kan.