Epesus 3:9 - DAWAN BÎLA AISKA

⁹ Bara adar sin aikan upla sut yarka kaikbia, Gâd patitara piua wina diara yukuki bri kan ba dîa kata sapa, witinka sika diara nani sut paskan ba.

Epesus 3:9 ပူးပေါင်းရင်းမြစ်များ

Lawana Nani 33:6

Dawan ai bîla aisin ba mita, kasbrika purara diara bâra ba paskan bara sin ai bîla wingka puhbra ba mita paskan.

Aiseya 44:24

Naku Dawan aisisa, man sasakra, witin pat mai paskan kan, kau mai baikras kan ba ra: “Yang sika Dawan, diara sut ba paskisna, yang yakan kasbrika pura nani ba yakabisna, tasba ba sin drabisna, wala hilpka briras kira.

Matiu 10:27

Dîa tihmu tilara mai wisna na, man nani yu ingnika ra aisas; bara dîa wan mânka man mai wisna na, man nani utla bahna nani wina bîlam baikra tara ni aisas.

Matiu 13:35

Naha na baku prapit aisan ba bîla kat aimakbia dukiara sa: “Maprika lilka bâk aisamna; Gâd tasba na paskan piua wina diara nani yukuwan ra ba wimna.”

Matiu 25:34

Bara King ba ai aihkika ra nani ba ra wibia: ‘Bal, man nani, Aisiki mita yamni mai munan nani sma ba; king tasbaya na man nani dukiam wisi Gâd tasba paskan wina ridi dauki ban bri ba, bri banhs.

Matiu 28:19

Bamna man nani nisan sut uplika nani ra was, bara yang disaipilki nani dauki banhs; tahbi dauki banhs, Aisa ba nina ra, Luhpia ba nina ra, bara Spirit Holikira ba nina ra sin.

Luk 24:47

bara ai nina ba nisan nani sut ra aisi smalkan kabia, Jerusalem ba wina tâ krikaia baha nani ra sin wiaia, ai saurka nani ba wina ai kupia lakbia, bara baku mika ai saurka nani ba sut swin tikan kabia.

Jan 10:30

Yang na Aisa wal kumi pali sni.

Jan 5:17

Sakuna Jisas witin nani ra win: —Yang Aisiki piu sut wark takan, bara yang sin wark takisna.

Jan 5:19

Bamna Jisas bila baha nani ra win: “Yang kasak pali man nani ra wisna, Gâd Luhpia ba witin yakan diara daukras sa, sakuna Aisa dîa daukan kaikan ba sika, witin daukisa. Diara sut Aisa mita dauki ba, Luhpia sin daukisa.

Apastil Nani Sturka 15:18

Dawan naku wisa, witinka naha diara nani ban patitara piua ba wina swin ba kaikan.’

Roman 11:25

Muihki nani, Gâd daukanka dahra prakan ra bâra ba tânka brima brin ai daukisa, man nani ba sinskira sma lukaia apia dukiara: Tila Israel luhpia nani kupia karna takan ba, Israel apia nani ba sut Gâd ra brih balaia piua kum praiska baman dukiara sa.

1 Korint 2:7

Sins lâka tânka aisisna na lika, Gâd sinska lâka dahra prakan ba dukiara sika, upla nani wina yukukan ba, kau tasba na paskras kaina wina Gâd bri ba, yawan wan prana dukiara.

Epesus 1:4

Tasba na kau paskras kan ba piua wina, Gâd pat Kraist ra wan praki bâk saki wan brin, witin ai mawanra kaia ai uplika takaia pâtkas kaia, ai latwanka lâka ba mita.

Epesus 3:2

Bamna man nani pat kaiki kaia sma, nahki Gâd ai latwan lâka bri ba mita, witin naha warkka na yang mihti ra aikan, man nani mampa ra pain kaia ba dukiara.

Epesus 6:19

Yang dukira sin puram suni bas, aisaia awarka ra Gâd mita bîla nani aikka aisamna, bara baku mika yang sip kamna swaki sakan sturka yamni yukukan ra ba sibrin âpu param aisaia.

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

Kolosi 1:26

wibia sa kaka diara yukukan ra mani nani ailal, kiamka sâtka nani ailal pali luan ra Gâd yukuki bri kan ba, nanara baha ba ai uplika nani ra sut param marikan sa.

Kolosi 3:3

Kan man nani lika pruram, bara nanara rayakam ba Kraist wal Gâd ra yukukan sa.

Kolosi 4:3

Yang nani dukira sin puram suni bas, Dawan mita yang nani ra dur kum saki aikbia sturi yamni ba smalkaia; bara Kraist tânka prakan ba sin aisaia, kan naha sin dahra prakan tânka na dukiara silak ra ai brisa.

2 Tesalonaika 2:13

Muihki nani, Dawan mita latwan mai kaikan ba, yang nani lika piu bani man nani dukiamra Gâd ra tingki wiaia sna, kan patitara piua wina, Gâd mita bâk mai sakan sa, man nani pas sika swak takan lâka briaisma ba, Spirit Holikira karnika bâk Gâd uplika pali mai daukbia, bara kasak tânka ra kasak lukram ba mita sin.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

2 Timoti 1:9

Gâd mita swaki wan saki wan paiwan sa, witin uplika nani pali takbia dukiara, yawan dîa daukan ba mita lika apia, sakuna witin baku pali want kan bamna, bara yawan Jisas Kraist wal asla ba mita latwan wan kaikan bamna. Kau tasba paskras kan wina, Gâd mita latwan wan kaikan,

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,

Taitus 1:2

bara raya ban kaia lâka yawan wan kainara briaia bîla kaiki ba sin tânka bribia. Gâd, witin kunin aisaras ba mita, naha rayaka na pramis wan munan, kau tasba na tâ krikras kaina wina;

1 Pita 1:20

Kraist lika Gâd mita kau tasba paskras kan wina naha dukia mata bâk saki brin kata; kuna naha piua nani tnata ra, witin latan takan man nani painkam ba dukiara.

Param Marikanka 13:8

Tasba paskan piua wina, Sîp Luhpia ikan ba raya kaia wauhkataya ba ra nina ulbras uplika nani tasba ra ba baha nani baman, baha daiwra saura ra mayunbia.

Param Marikanka 14:6

Bara yang insal wala kum kasbrika pura ba lilapas kat pâli tauki kan kaikri. Naha lika ban kaia ra smalkanka kum bri kan, tasba ra iwi uplika nani ra smalkaia, nisan sât bani ra, taika bani ra, bîla sât bani ra, upla nani sut ra sin.

Param Marikanka 17:8

Bara daiwra saura kaikram ba lika pas piua raya iwi kan, sakuna nanara âpu sa; ban sakuna, witin ba tihu tara ba wina uli balbia ai pruanka tnata pali ba ra waia kainara. Tasba ra iwi uplika nani, tasba paskan wina kau ai nina nani raya kaia wauhkataya ra ulbi mangkras ba, daiwan saura na kaikbia ba ra, aihka pali lukbia. Kan baha ba kanra raya kata, bara nanara lika âpu sa, sakuna witin kli balbia.

Param Marikanka 4:11

“Dawan wan Gâdka, man lika mayunra ba, prana ba bara karnika ba briaia aitani sma; kan man sika diara sut paskram ba, bara man kupiam lâka mita sika baha nani ba ban sa bara paskan kata.”